විමල් වීරවංශ, හිටපු පොලිස්පති මහින්ද බාලසූරිය, ඇතුළු 17 ක් ජනාධිපති විමර්ශන කොමිසමේ

Friday, 04 November 2016 - 12:44

%E0%B7%80%E0%B7%92%E0%B6%B8%E0%B6%BD%E0%B7%8A+%E0%B7%80%E0%B7%93%E0%B6%BB%E0%B7%80%E0%B6%82%E0%B7%81%2C+%E0%B7%84%E0%B7%92%E0%B6%A7%E0%B6%B4%E0%B7%94+%E0%B6%B4%E0%B7%9C%E0%B6%BD%E0%B7%92%E0%B7%83%E0%B7%8A%E0%B6%B4%E0%B6%AD%E0%B7%92+%E0%B6%B8%E0%B7%84%E0%B7%92%E0%B6%B1%E0%B7%8A%E0%B6%AF+%E0%B6%B6%E0%B7%8F%E0%B6%BD%E0%B7%83%E0%B7%96%E0%B6%BB%E0%B7%92%E0%B6%BA%2C+%E0%B6%87%E0%B6%AD%E0%B7%94%E0%B7%85%E0%B7%94+17+%E0%B6%9A%E0%B7%8A+%E0%B6%A2%E0%B6%B1%E0%B7%8F%E0%B6%B0%E0%B7%92%E0%B6%B4%E0%B6%AD%E0%B7%92+%E0%B7%80%E0%B7%92%E0%B6%B8%E0%B6%BB%E0%B7%8A%E0%B7%81%E0%B6%B1+%E0%B6%9A%E0%B7%9C%E0%B6%B8%E0%B7%92%E0%B7%83%E0%B6%B8%E0%B7%9A
ජාතික නිදහස් පෙරමුණේ නායක, පාර්ලිමේන්තු මන්ත්‍රී විමල් වීරවංශ සහ හිටපු පොලිස්පති මහින්ද බාලසූරිය ඇතුළු 17 දෙනෙකු බරපතල වංචා සොයන ජනාධිපති විමර්ශන කොමිසම වෙත අද (04) පැමිණියා.

නිවාස සංවර්ධන අධිකාරිය සතු වෙළඳසැල් 06 ක් සහ නිවසක් අඩු තක්සේරුවක් යටතේ ලබාදීමෙන් රජයට රුපියල් එක්කෝටි හැත්තෑ ලක්ෂ 85,000 ක මුදලක අලාභයක් සිදුකර ඇති බවටයි හිටපු අමාත්‍ය විමල් වීරවංශට එරෙහිව චෝදනා එල්ල වන්නේ.

එවකට ඉදිකිරීම් ඉංජිනේරු සේවා නිවාස සංවර්ධන සහ පොදු පහසුකම් අමාත්‍යවරයා ලෙස කටයුතු කළ විමල් වීරවංශ මෙන්ම නිවාස සංවර්ධන අධිකාරියේ කළමනාකරුවන් සහ අධ්‍යක්ෂ මණ්ඩල නිලධාරීන් අද කැඳවනු ලැබුවේ ඊට අදාළව ප්‍රකාශ ලබාගැනීම සඳහායී.

මොවුන්ට එරෙහිව විශේෂ ජනාධිපති විමර්ශන කොමිසමට පෙත්සමක් ගොනුකර ඇත්තේ දූෂණ විරෝධී පෙරමුණ විසින්.

හිටපු පොලිස්පති මහින්ද බාලසූරිය ජනාධිපති විමර්ශන කොමිසමට අද කැඳවා තිබුණේ ප්‍රභූ ආරක්ෂාව ලබාදීමේ චක්‍රලේඛය උල්ලංඝනය කරමින් ඔහු පොලිස්පති ධුරය හෙබවූ සමයේ ජාතික නිදහස් පෙරමුණේ මන්ත්‍රීවරුන්ට ප්‍රභූ ආරක්ෂාව ලබාදීම පිළිබද පරීක්ෂණයට අදාළවයි.

ඒ සදහා හිටපු පාර්ලිමේන්තු මන්ත්‍රීවරුන් වන පියසිරි විජේනායක, මොහොමඞ් මුසම්මිල්, නිමල් ප්‍රේමවංශ සහ පාර්ලිමේන්තු මන්ත්‍රීවරුන් වන පද්ම උදයශාන්ත සහ ජයන්ත සමරවීරද ජනාධිපති කොමිසමට අද කැඳවා තිබුණා.

ඔවුන්ට 2011 වසරේ පෙබරවාරි මස සිට 2015 ජනවාරි මස 10 වන දින දක්වා කාලය තුළ මෙලෙස ප්‍රභූ ආරක්ෂාව ලබාදීමෙන් පොලිස් දෙපාර්තමේන්තුවට රුපියල් දෙකෝටි තිස් ලක්ෂ 8,711 ක අලාභයක් සිදුකර ඇති බවයි එම විමර්ශනයේදී අනාවරණය වී ඇත්තේ.


Follow US

facebook youtube 32ins 32ins twitter 32ins 32ins

Most Viewed Stories