%E0%B6%B4%E0%B7%83%E0%B7%8A%E0%B7%80%E0%B6%BB%E0%B7%94%E0%B7%80%E0%B7%99%E0%B7%8A+%E0%B6%B4%E0%B7%8A%E2%80%8D%E0%B6%BB%E0%B6%AF%E0%B7%9A%E0%B7%81+%E0%B6%9A%E0%B7%92%E0%B7%84%E0%B7%92%E0%B6%B4%E0%B6%BA%E0%B6%9A%E0%B6%A7+%E0%B7%80%E0%B7%90%E0%B7%83%E0%B7%92

ඊසානදිග මෝසම් තත්වය දිවයින හරහා ස්ථාපිත වී ඇතැයි කාලගුණ විද්‍යා දෙපාර්තමේන්තුව පවසනවා.

සැලකිය යුතු වර්ෂාපතනයක් නොමැති වුව ද දකුණ / සබරගමුව සහ මධ්‍යම පළාත්වල ස්ථාන ස්වල්පයක සවස 2 න් පසු ගිගුරුම් සහිත වැසි ඇතිවිය හැකි බවයි දෙපාර්තමේන්තුව නිවේදනය කලේ.

එමෙන්ම දිවයින හරහා විටින් විට හමන තරමක් තද සුළං ද බලාපොරොත්තු වනවා.

මේ අතර කන්කසන්තුරය සිට මන්නාරම හරහා කොළඹ දක්වා සහ ගාල්ල සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශවල සුළගේ වේගය පැයට කිලෝමීටර් 50-55 ක් දක්වා වැඩි වීමේ අවධානමක් පවතිනවා.

එබැවින් එම මුහුදු ප්‍රදේශ විටින් විට තරමක් රලු විය හැකි බවයි කාලගුණ විද්‍යා දෙපාර්තමේන්තුව නිවේදනය කලේ.