ඉදිරි පැය 24 ගැන කාලගුණයෙන් නිවේදනයක්

Saturday, 20 May 2017 - 16:22

%E0%B6%89%E0%B6%AF%E0%B7%92%E0%B6%BB%E0%B7%92+%E0%B6%B4%E0%B7%90%E0%B6%BA+24+%E0%B6%9C%E0%B7%90%E0%B6%B1+%E0%B6%9A%E0%B7%8F%E0%B6%BD%E0%B6%9C%E0%B7%94%E0%B6%AB%E0%B6%BA%E0%B7%99%E0%B6%B1%E0%B7%8A+%E0%B6%B1%E0%B7%92%E0%B7%80%E0%B7%9A%E0%B6%AF%E0%B6%B1%E0%B6%BA%E0%B6%9A%E0%B7%8A
දිවයිනට නැගෙනහිර සහ ගිනිකොණ දෙසින් වන ගැඹුරු සහ නොගැඹුරු මුහුදු ප්‍රදේශවල තද වැසි හෝ ගිගුරුම් සහිත වැසි සහ තද සුළං ඇතිවිය හැකි බව කාලගුණ විද්‍යා දෙපාර්තමේන්තුව පවසනවා.

දිවයිනට ගිනිකොණ දෙසින් පවතින ක්‍රියාකාරී වලාකුලු පද්ධතිය මීට හේතුවයි.

දිවයින වටා වන මුහුදු ප්‍රදේශවල සුළගේ වේගය පැයට කිලෝමීටර් 60 ත් 70 ත් දක්වා වැඩිවිය හැකි බැවින් එම මුහුදු ප්‍රදේශ වටින් විට ඉතා රලු විය හැකියි.

මේ සම්බන්ධයෙන් විමසිලිමත් වන ලෙසටයි කාලගුණ විද්‍යා දෙපාර්තමේන්තුව ධීවර සහ නාවික ප්‍රජාවට දැනුම් දෙන්නේ.

දිවයින හරහා විශේෂයෙන් මධ්‍යම කඳුකරයේ බටහිර බෑවුම් ප්‍රදේශවල විටින් විට හමන පැයට කිලෝමීටර් 50 දක්වා  වන තද සුළං ද ඇතිවීමේ හැකියාවක් පවතිනවා.

මේ අතර බස්නාහිර / සබරගමුව / දකුණ / මධ්‍යම සහ වයඹ පළාත්වල වැසි හෝ ගිගුරුම් සහිත වැසි ඇතිවනවා.

ඇතැම් ස්ථානවල මිලිමීටර් 50 කට වඩා තද වැසි ද ඇතිවිය හැකියි.

ඌව පළාතේ සහ මඩකලපුව දිස්ත්‍රික්කයේ තැනින් තැන සවස 2 න් පසු වැසි හෝ ගිගුරුම් සහිත  වැසි ඇතිවිය හැකි බවයි කාලගුණ විද්‍යා දෙපාර්තමේන්තුව සඳහන් කළේ.

මේ අතර, ආපදා කළමනාකරණ මධ්‍යස්ථානයේ නියෝජ්‍ය අධ්‍යක්ෂ ප්‍රදීප් කොඩිප්පිලි සදහන් කළේ පවතින තද සුළං තත්ත්වය පිළිබදව ජනතාව අවදානයෙන් පසුවිය යුතු බවයි.



Follow US

facebook youtube 32ins 32ins twitter 32ins 32ins

Most Viewed Stories