%E0%B6%9A%E0%B7%90%E0%B7%85%E0%B6%AB%E0%B7%92%E0%B6%BA%E0%B7%9A+%E0%B6%B8%E0%B6%B1%E0%B7%8A%E0%B6%AD%E0%B7%8A%E2%80%8D%E0%B6%BB%E0%B7%93+%E0%B6%9D%E0%B7%8F%E0%B6%AD%E0%B6%B1%E0%B6%BA%E0%B7%9A+%E0%B7%83%E0%B7%90%E0%B6%9A%E0%B6%9A%E0%B6%BB%E0%B7%94%E0%B7%80%E0%B6%B1%E0%B7%8A+%E0%B6%9C%E0%B7%92%E0%B6%B1%E0%B7%92+%E0%B6%85%E0%B7%80%E0%B7%92+%E0%B7%83%E0%B6%B8%E0%B6%9C+%E0%B6%85%E0%B6%AD%E0%B7%8A%E0%B6%85%E0%B6%A9%E0%B6%82%E0%B6%9C%E0%B7%94%E0%B7%80%E0%B6%A7.

කැළණිය ප්‍රාදේශීය සභාවේ එක්සත් ජනතා නිදහස් සන්ධාන මන්ත්‍රී හසිත මඩවලගේ ඝාතනයට සම්බන්ධ බවට සැක කෙරෙන ප්‍රධාන සැකකරු ඇතුළු 5 දෙනෙකු පොලීසිය අද (08) අත්අඩංගුවට ගත්තා. පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී ප්‍රිශාන්ත ජයකොඩි සඳහන් කළේ සැකකරුවන්ගෙන් කරන ලද ප්‍රශ්න කිරීම්වලදී මෙම ඝාතනය සඳහා යොදා ගන්නා ලද මිලිමීටර් 9 වර්ගයේ ස්වයංක්‍රීය පිස්තෝලයක්, පතොරොම් 2ක්, යතුරුපැදියක් සහ මුහුණු ආවරණය වන හෙල්මට් දෙකක් ද අත්අඩංගුවට ගෙන ඇති බවයි. එසේම ටී - 81 වර්ගයේ ස්වයංක්‍රීය ගිනි අවියක්, මැගසීන් දෙකක්, එම උණ්ඩ 48ක් සහ ත්‍රීරෝද රථයක් ද පොලීසිය සොයාගෙන තිබෙනවා. මෙම සැකකරුවන් සියලූ දෙනා කැළණිය සහ කිරිබත්ගොඩ ප්‍රදේශයේ පදිංචිකරුවන්. ඒ පිළිබදව අදහස් දක්වන පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී ප්‍රිශාන්ත ජයකොඩි.

[MP3]s51042[/MP3]

කැළණිය ප්‍රාදේශීය සභා මන්ත්‍රී හසිත මඩවල කැළණිය වරාගොඩ ප්‍රදේශයේ පිහිටි ඔහුගේ නිවස ඉදිරිපිට වෙඩි ප්‍රහාරයට ලක්වූයේ පසුගිය සෙනසුරාදා රාත්‍රියේදීයි.