බදු සහන වාහන නිසා රජයට අහිමි වූ මුදල මෙන්න.

තීරු බදු රහිත වාහන බලපත්‍ර ලබාදීමෙන් රජයට පසුගිය වසරේදී රුපියල් බිලියන 38 යි දශම 5 ක ආදායමක් අහිමිවී ඇති බව මහබැංකුව පෙන්වා දෙනවා. එය පසුගිය වසරේ දළ දේශීය නිෂ්පාදනයෙන් සියයට දශම 5 ක පමණ ප්‍රතිශතයක්. 2012 වසරේදී මෙරට බදු ආදායම් දළ දේශීය නිෂ්පාදනයෙන් සියයට 14 යි දශම 5 ක් වූ අතර පෙර වසරට වඩා සියයට 13 යි දශම 2 කින් පහත වැටුණා.  රාජ්‍ය සේවකයන්ට ලබා දෙන තීරු බදු රහිත බලපත්‍ර නොවන්නේ නම් බදු ආදායම දළ දේශීය නිෂ්පාදනයෙන් සියයට 13 යි දශම 9 දක්වා ඉහළ යන බවයි මහබැංකු වාර්තා පෙන්වා දෙන්නේ. රජය විසින් ලබා දෙන තීරු බදු රහිත වාහන බලපත්‍ර විකිණීමට දැන් අවස්ථාව ලබාදී ඇති අතර එහි ප්‍රතිඵල පිළිබඳව මෙතෙක් ඇගයීමක් සිදුකර නැහැ.