නවක වද සිද්ධීන්ට සම්බන්ධ රුහුණු විශ්වවිද්යාලයේ සිසුන් 5 දෙනෙකුගේ ශිෂ්යභාවය අහෝසි කර තිබෙනවා. විශ්වවිද්යාලයේ උපකුලපති මහාචාර්ය ගාමිණී සේනානායක හිරු ප්රවෘත්ති අංශයට සඳහන් කළේ මානව ශාස්ත්ර සහ සමාජ විද්යා පීඨයේ මෙන්ම කළමනාකරණ පීඨයේ සිසුන් ද ඒ අතර සිටින බවයි. මෙම 5 දෙනා අතර සිසුවියන් දෙදෙනෙකු ද සිටීම විශේෂත්වයක්. එම සිසුවියන් දෙදෙනා විශ්වවිද්යාලයේ තුන්වන වසරේ ඉගෙනුම ලැබූ අතර, ශිෂ්යභාවය අහෝසි කළ අනෙක් සිසුන් තුන්දෙනා දෙවන වසරේ ඉගෙනුම ලබමින් සිටියා. නවක වද සිද්ධීන්ට සම්බන්ධ අනෙකුත් සිසුන් පිළිබදව ද විධිමත් පරීක්ෂණ මේ වන විට සිදුකරන බව උපකුලපතිවරයා වැඩිදුරටත් ප්රකාශ කළා.
Follow US
Most Viewed Stories