එල්.ටී.ටී.ඊ පෙරමුණු සංවිධාන යුරෝපා රටවල මුදල් එක් රැස් කිරීමේ කටයුතුවල තවදුරටත් නිරතව සිටින බව විදේශ කටයුතු අමාත්ය ජී.එල්.පීරිස් පවසනවා. යුරෝපයේ සැලකිය යුතු ශ්රී ලාංකික දෙමළ ඩයස්පෝරාවක් සිටින බැවින් ඒ පිළිබඳව යුරෝපා රටවල් අවධානයෙන් සිටිය යුතු බවයි අමාත්යවරයා පෙන්වා දෙන්නේ.
යුරෝපා පොලිසියේ ත්රස්තවාදී ක්රියාකාරීකම් සහ ප්රවණතාවන් පිළිබඳ වාර්තා මගින් ද මේ බව පැහැදිලි වන්නේ යැයි අමාත්ය ජී.එල්.පීරිස් සඳහන් කළා. ත්රස්ත මර්දන කටයුතුවලදී යුරෝපා සංගමය සහ ශ්රී ලංකාව සහයෝගයෙන් කටයුතු කරනවා. මෙරට ත්රස්ත ක්රියාකාරකම්වලට සම්බන්ධ පුද්ගලයන්ට එරෙහිව යුරෝපා රටවල් නීතිමය ක්රියාමාර්ග ද ගනු ලැබුවා.
අමාත්යවරයා මෙම අදහස් පළ කළේ යුරෝපා සංගම් පාර්ලිමේන්තු නියෝජිත කණ්ඩායම සමඟ පැවති සාකච්ඡාවේදීයි. යුරෝපා සංගම් - ශ්රී ලංකා ඒකාබද්ධ කොමිසම ඉදිරි මාස කිහිපය තුළදී බ්රසල්ස් නුවරදී රැස්විය යුතු බවට ද දෙපාර්ශවය මෙහිදී එකඟවී තිබෙනවා.
Follow US
Most Viewed Stories