දිවයිනේ බොහෝ ප්රදේශවලට අද (13) පස්වරුවේ ගිගුරුම් සහිත වැසි ඇතිවිය හැකි බව කාලගුණ විද්යා දෙපාර්තමේන්තුව පවසනවා. ඊයේ (12) රාත්රියේ සිට මේ දක්වා වැඩිම වර්ෂාපතනයක ලැබී ඇත්තේ කුරුණෑගල - මිල්ලව ප්රදේශයටයි. ඒ මිලිමීටර් 178 ක්. පාදුක්ක ප්රදේශයට මිලිමීටර් 85 ක වර්ෂාපතනයක් ලැබී ඇති අතර, නුවරඑළිය දිස්ත්රික්කයට මිලිමීටර් 18 යි දශම 9 ක වර්ෂාපතනයක් ලැබී තිබෙනවා. ඉදිරි කාලගුණ තත්ත්වය පිළිබඳ පැහැදිලි කරන කාලගුණ විද්යා දෙපාර්තමේන්තුවේ අධ්යක්ෂ ජනරාල් එච්.එස්.කාරියවසම්.
[MP3]s67122_1[/MP3]
මේ අතර, වාරිමාර්ග දෙපාර්තමේන්තුව සඳහන් කළේ ඉහළ ප්රදේශවලට වර්ෂාපතනය ඇදහැලෙන බැවින් කැළණි ගඟේ සහ අත්තනගලූ ඔයේ පහළ ප්රදේශවල ජල මට්ටම ඉහළ යා හැකි බවයි. ඒ සම්බන්ධයෙන් අවධානයෙන් සිටින ලෙස එම දෙපාර්තමේන්තුවේ ජල විද්යා අංශයේ අධ්යක්ෂිකා ප්රේමා හෙට්ටිආරච්චි ජනතාවගෙන් ඉල්ලීමක් කළා.
[MP3]s67122_2[/MP3]
නාවලපිටිය - මීපිටිය ප්රදේශයේ පස් කන්දක් කඩා වැටීම හේතුවෙන් අද අලූයම සිට හැටන් - මහනුවර ප්රධාන මාර්ගයේ රථවාහන ගමනාගමනයට තවදුරටත් බාධා සිදුව ඇති බව නුවරඑළිය දිස්ත්රික් ලේකම්වරයා සඳහන් කළා.
Follow US
Most Viewed Stories