ගල්කිස්ස - වටරප්පල පාර ප්රදේශයේ නිවසක් තුළ තිබී වස ශරීරගතවී මිය ගිය පියෙකුගේ සහ දියණියකගේ සිරුරු පොලීසිය සොයාගෙන තිබෙනවා. පොලිස් මාධ්ය ප්රකාශක කාර්යාලය සදහන් කළේ පියා විසින් තම දියණියට ද වස පොවා සිය දිවි හානිකරගෙන ඇති බව මූලික පරීක්ෂණවලදී අනාවරණ වූ බවයි. මිය ගිය පියාගේ වයස අවුරුදු 43ක්. දියණිය 8 හැවිරිදි වියේ පසුවුණා. ඇයගේ මව නිවසින් බැහැරව සිටි අවස්ථාවක ඊයේ (27) මෙම සිද්ධිය සිදුව ඇති බවයි පොලීසිය ප්රකාශ කළේ. පියා දියණියට ද වස දී තමා ද ඒවා පානය කර මිය යාමට හේතුව මෙතෙක් අනාවරණ වී නැහැ. මෘත ශරීර කළුබෝවිල රෝහලේ තැන්පත් කර තිබෙනවා.
මේ අතර, පදිංචි නිවස ගිනි ගැනීමෙන් පුත්තලම - දලූවවැල්ල ප්රදේශයේ 58 හැවිරිදි කාන්තාවක් ඊයේ (27) ජීවිතක්ෂයට පත්වුණා. ඇය මෙම නිවසේ තනිව පදිංචිව සිට ඇති බවයි පොලීසිය ප්රකාශ කළේ.
Follow US
Most Viewed Stories