Update : ශ්‍රී ලංකාව හින්දු දේශයක් බවට, T.N.A ප්‍රකාශය බොරු. - එල්ලාවල හිමි.

Wednesday, 18 December 2013 - 7:37

Update+%3A+%E0%B7%81%E0%B7%8A%E2%80%8D%E0%B6%BB%E0%B7%93+%E0%B6%BD%E0%B6%82%E0%B6%9A%E0%B7%8F%E0%B7%80+%E0%B7%84%E0%B7%92%E0%B6%B1%E0%B7%8A%E0%B6%AF%E0%B7%94+%E0%B6%AF%E0%B7%9A%E0%B7%81%E0%B6%BA%E0%B6%9A%E0%B7%8A+%E0%B6%B6%E0%B7%80%E0%B6%A7%2C+T.N.A+%E0%B6%B4%E0%B7%8A%E2%80%8D%E0%B6%BB%E0%B6%9A%E0%B7%8F%E0%B7%81%E0%B6%BA+%E0%B6%B6%E0%B7%9C%E0%B6%BB%E0%B7%94.+-+%E0%B6%91%E0%B6%BD%E0%B7%8A%E0%B6%BD%E0%B7%8F%E0%B7%80%E0%B6%BD+%E0%B7%84%E0%B7%92%E0%B6%B8%E0%B7%92.
ශ්‍රී ලංකාව හින්දු රාජ්‍යයක් බවට දෙමළ ජාතික සන්ධාන මඩකලපුව දිස්ත්‍රික් පාර්ලිමේන්තු මන්ත්‍රී එස්.යෝගේෂ්වරන් ඊයේ (17) පාර්ලිමේන්තුවේදී සිදුකළ ප්‍රකාශය සම්පූර්ණ අසත්‍යයක් බව පුරාවිද්‍යා චක්‍රවර්තී පූජ්‍ය එල්ලාවල මේධානන්ද හිමියන් පවසනවා. රාවණා රජු සම්බන්ධයෙන් පළවන ප්‍රකාශ ප්‍රබන්ධයක් බවයි උන්වහන්සේ ප්‍රකාශ කළේ.

මේ අතර, ජාතික ගීය දෙමළ භාෂාවෙන් ගායනා කිරීමට ඉඩ ලබා නොදෙන්නේ නම් එවැනි ජාතික ගීයක් උතුරට අවශ්‍ය නොවන බව ද දෙමළ ජාතික සන්ධාන පාර්ලිමේන්තු මන්ත්‍රී පී.අරියනේන්ද්‍රන් ඊයේ පාර්ලිමේන්තුවේදී ප්‍රකාශ කළා.

හිරු ප්‍රවෘත්ති අංශය කළ විමසීමකදී ඊට ප්‍රතිචාර දැක්වූ ජාතික භාෂා හා සමාජ ඒකාබද්ධතා අමාත්‍ය වාසුදේව නානායක්කාර කියා සිටියේ ජාතික ගීය සිංහල සහ දෙමළ භාෂාවෙන් ගායනා කිරීමට ආණ්ඩුක්‍රම ව්‍යවස්ථාවෙන් ඉඩ සලසා ඇති බවයි. එවැනි පසුබිමක මෙවැනි ගැටලූවක් ඇති නොවන බව ද අමාත්‍යවරයා වැඩිදුරටත් පෙන්වා දුන්නා.

Update : Wednesday, 18 December 2013 - 12:50
----------------------------------------------
ශ්‍රී ලංකාව හින්දු රාජ්‍යයක් ? - දෙමළ සන්ධාන ප්‍රකාශයට පිළිතුරු

ඊයේ (17) පාර්ලිමේන්තුවේ දී අමාත්‍යාංශ 23ක වැය ශීර්ෂයන් සහ ජ්‍යෙෂ්ඨ අමාත්‍යවරුන්ගේ වැය ශීර්ෂ, විශේෂ කාරක සභා අවස්ථාවක් යටතේ විවාදයට ගනු ලැබුවා. ඉන් ඇතැම් අමාත්‍යාංශවල වැය ශීර්ෂ සංශෝධන සහිතව සම්මත වූ අතර, වැය ශීර්ෂ කිහිපයක් සංශෝධන රහිතව සම්මත වුණා. මෙහිදී ශ්‍රී ලංකාව හින්දු රාජ්‍යයක් බවට දෙමළ සන්ධානය කළ ප්‍රකාශයකට ඇමති මර්වින් සිල්වා පිළිතුරු ලබා දුන්නා. පාර්ලිමේන්තුවේ ඊයේ දිනයේ තොරතුරු ඇතුළත් අය වැය 2014 විශේෂාංගය.

 
[MP3]s73619[/MP3]


Follow US

facebook youtube 32ins 32ins twitter 32ins 32ins

Most Viewed Stories