Top Story
ශ්‍රී ලංකාවට නැගෙනහිරින් බෙංගාල බොක්ක මුහුදු ප්‍රදේශයේ පවතින අඩු පීඩන කලාපය මේ වනවිට පීඩන අවපාතයක් දක්වා වර්ධනය වී ඇති බව කාලගුණ විද්‍යා දෙපාර්තමේන්තුව පවසනවා.අද (15) පෙරවරු 11.30ට නිකුත් කළ තද සුළං සහ රළු මුහුද පිළිබඳ විශේෂ අනතුරු ඇඟවීමේ නිවේදනයක් මඟින් එම දෙපාර්තමේන්තුව මේ බව සඳහන් කර තිබෙනවා.ඒ අනුව, අද පෙරවරු 5.30 වනවිට මෙම පීඩන අවපාතය ත්‍රිකුණාමලයට කිලෝමීටර් 600ක් පමණ ඊසාන දෙසින් ස්ථානගතව පැවති බවයි කාලගුණ විද්‍යා දෙපාර්තමේන්තුව පෙන්වා දෙන්නේ.මෙම පද්ධතිය ශ්‍රී ලංකාවේ නැගෙනහිර වෙරළට ඈතින් උතුරට බරව වයඹ දෙසට ගමන් කරමින් පවතින අතර, හෙට (16) උදෑසන වනවිට ගැඹුරු පීඩන අවපාතයක් දක්වා වර්ධනය වීමට බොහෝ දුරට ඉඩ පවතිනවා.එමෙන්ම, හෙට රාත්‍රී කාලය වනවිට දකුණු සහ බටහිර මධ්‍යම බෙංගාල බොක්ක මුහුදු ප්‍රදේශය ආශ්‍රිතව මෙම පද්ධතිය සුළි කුණාටුවක් දක්වා වර්ධනය විය හැකි බව ද කාලගුණ විද්‍යා දෙපාර්තමේන්තුව අනතුරු අඟවනවා.නොවැම්බර් 17 වැනිදා වනවිට මෙම පද්ධතිය ප්‍රබල සුළි කුණාටුවක් දක්වා වර්ධනය වීමට බොහෝ දුරට ඉඩ ඇති බවයි එම දෙපාර්තමේන්තුව සඳහන් කරන්නේ.කාලගුණ විද්‍යා දෙපාර්තමේන්තුව නිකුත් කළ පුරෝකථන සටහනට අනුව, නොවැම්බර් 18 වැනිදා වනවිට ද එය ප්‍රබල සුළි කුණාටුවක් ලෙස පවතිනු ඇති අතර, නොවැම්බර් 19 වැනිදා උදෑසන වනවිට ඉතා ප්‍රබල සුළි කුණාටුවක් දක්වා තවදුරටත් වර්ධනය විය හැකියි.මෙම තත්ත්වය හේතුවෙන් උතුරු අක්ෂාංශ අංශක 05ත් 15ත් අතර සහ නැගෙනහිර දේශාංශ අංශක 80ත් 90ත් අතර මුහුදු ප්‍රදේශවල ධීවර හා නාවික කටයුතුවලින් වැළකී සිටින ලෙස දැනුම් දී තිබෙනවා.එමෙන්ම, කන්කසන්තුරය සිට ත්‍රිකුණාමලය සහ පොතුවිල් හරහා හම්බන්තොට දක්වා වෙරළට ඔබ්බෙන් වන මුහුදු ප්‍රදේශවල ද නැවත දැනුම් දෙනතුරු ධීවර සහ නාවික කටයුතුවල නිරත නොවන ලෙසයි කාලගුණ විද්‍යා දෙපාර්තමේන්තුව දැනුම් දෙන්නේ.අදාළ මුහුදු ප්‍රදේශවල දැනටමත් ධීවර හා නාවික කටයුතුවල නිරතව සිටින පිරිස් ආරක්ෂිත ප්‍රදේශ කරා යාත්‍රා කරන ලෙස ද විශේෂ උපදෙස් ලබාදී තිබෙනවා.මෙම පීඩන අවපාතයේ වර්ධනය සහ ගමන් මාර්ගය සම්බන්ධයෙන් කාලගුණ විද්‍යා දෙපාර්තමේන්තුව නිරන්තර අවධානයෙන් පසුවන අතර, ඉදිරියේදී නිකුත් කරන අනාවැකි සහ අනතුරු ඇඟවීම් පිළිබඳව අවධානයෙන් සිටින ලෙස ධීවර හා නාවික ප්‍රජාවගෙන් ඉල්ලා සිටිනවා.
තවදුරටත් කියවන්න
General15 November 2026 12:42 PM
බෙංගාල බොක්කේ පීඩන අවපාතය සුළි කුණාටුවක් දක්වා වර්ධනය වීමේ අවදානමක් – ධීවරයින්ට විශේෂ අනතුරු ඇඟවීමක්
International News

ඔස්ට්‍රේලියාවේ පැහැදිලි අහසක් යට මුහුදේ පිහිනමින් සිටි තරුණයෙකුට අකුණු සැරයක්

International 15 November 2026
ඔස්ට්‍රේලියාවේ පැහැදිලි අහසක් යට මුහුදේ පිහිනමින් සිටි තරුණයෙකුට අකුණු සැරයක්

කාන්තාවන්ට එරෙහි ප්‍රචණ්ඩත්වයට විරෝධය පළ කරමින් ස්විට්සර්ලන්තයේ පිරිමින් සිය ගණනක් වීදි බසී

International 15 November 2026
කාන්තාවන්ට එරෙහි ප්‍රචණ්ඩත්වයට විරෝධය පළ කරමින් ස්විට්සර්ලන්තයේ පිරිමින් සිය ගණනක් වීදි බසී

33වන APEC නායක සමුළුවට චීනයේ ෂෙන්සෙන් නගරය සූදානම්

International 15 November 2026
33වන APEC නායක සමුළුවට චීනයේ ෂෙන්සෙන් නගරය සූදානම්

ජෝර්දානයේ දේවස්ථානයකට එල්ල වූ ප්‍රහාරයෙන් 9ක් මියයෑමේ සිද්ධියට පුද්ගලයන් තිදෙනෙකුට මරණ දඬුවම

International 15 November 2026
ජෝර්දානයේ දේවස්ථානයකට එල්ල වූ ප්‍රහාරයෙන් 9ක් මියයෑමේ සිද්ධියට පුද්ගලයන් තිදෙනෙකුට මරණ දඬුවම

මන්ත්‍රීවරයෙකු සහ පොලිස් නිලධාරීන් තිදෙනෙකු ඝාතනයෙන් පසු ගෝතමාලාවේ හදිසි තත්ත්වයක්

International 15 November 2026
මන්ත්‍රීවරයෙකු සහ පොලිස් නිලධාරීන් තිදෙනෙකු ඝාතනයෙන් පසු ගෝතමාලාවේ හදිසි තත්ත්වයක්

ජීවන වියදමට එරෙහිව ලක්ෂයකට අධික ප්‍රංශ වැසියෝ වීදි බසී : අඟහරුවාදා දැවැන්ත වැඩවර්ජනයකටත් සූදානම්

International 15 November 2026
ජීවන වියදමට එරෙහිව ලක්ෂයකට අධික ප්‍රංශ වැසියෝ වීදි බසී : අඟහරුවාදා දැවැන්ත වැඩවර්ජනයකටත් සූදානම්

ඉන්දියාවේ වීසා නීතිවල දැවැන්ත වෙනසක් – සංචාරක වීසා වෙනුවට නව වීසා ක්‍රමයක්

International 15 November 2026
ඉන්දියාවේ වීසා නීතිවල දැවැන්ත වෙනසක් – සංචාරක වීසා වෙනුවට නව වීසා ක්‍රමයක්

පස්වරක් ඔලිම්පික් රන් පදක්කම් දිනූ ජූඩෝ ශූර ටෙඩි රිනර් ප්‍රංශ ජනාධිපතිවරණයට

International 15 November 2026
පස්වරක් ඔලිම්පික් රන් පදක්කම් දිනූ ජූඩෝ ශූර ටෙඩි රිනර් ප්‍රංශ ජනාධිපතිවරණයට

Meta සමාගමට ඉතාලියෙන් යුරෝ මිලියන 805ක දැවැන්ත දඩයක්

International 15 November 2026
Meta සමාගමට ඉතාලියෙන් යුරෝ මිලියන 805ක දැවැන්ත දඩයක්

ඩොලර් මිලියන 180ක් වටින සිතුවම වෙන්දේසි කටේ පෙරළුණු බාල්දිය

International 15 November 2026
ඩොලර් මිලියන 180ක් වටින සිතුවම වෙන්දේසි කටේ පෙරළුණු බාල්දිය

ඉන්දියාව කැළඹූ බිහිසුණු ට්‍රක් - බස් අනතුරෙන් 26ක් මරුට

International 14 November 2026
ඉන්දියාව කැළඹූ බිහිසුණු ට්‍රක් - බස් අනතුරෙන් 26ක් මරුට

අමෙරිකන් දුප්පතුන් මිලියන 6.3කගේ ආහාර සහනාධාර කැපෙන ලකුණු

International 14 November 2026
අමෙරිකන් දුප්පතුන් මිලියන 6.3කගේ ආහාර සහනාධාර කැපෙන ලකුණු

ඩොන්බාස් අත්හැරියොත් යුක්‍රේනයට නේටෝ සාමාජිකත්වය ලබාදීමේ යෝජනාවක් අමෙරිකාවෙන්

International 14 November 2026
ඩොන්බාස් අත්හැරියොත් යුක්‍රේනයට නේටෝ සාමාජිකත්වය ලබාදීමේ යෝජනාවක් අමෙරිකාවෙන්

හංගේරියාවේ හිටපු අමාත්‍යවරයෙකුගේ අ. ඩො මිලියන 20ක මුදලක් වනාන්තරවල වළ දමා තිබියදී සොයාගනී

International 14 November 2026
හංගේරියාවේ හිටපු අමාත්‍යවරයෙකුගේ අ. ඩො මිලියන 20ක මුදලක් වනාන්තරවල වළ දමා තිබියදී සොයාගනී

එම්පයර් ස්ටේට් ගොඩනැගිල්ල මුදුනට නැඟ විවාහ යෝජනාව කළ රුසියානු යුවළට අමෙරිකාවෙන් පිටුවහල් වීමේ අවදානමක්

International 14 November 2026
එම්පයර් ස්ටේට් ගොඩනැගිල්ල මුදුනට නැඟ විවාහ යෝජනාව කළ රුසියානු යුවළට අමෙරිකාවෙන් පිටුවහල් වීමේ අවදානමක්
More News
General15 November 2026

අයවැයෙන් ඉදිරිපත් කරන සංවර්ධන ව්‍යාපෘති සංඛ්‍යා ලේඛනවලට සීමා නොකර ප්‍රායෝගිකව ඉටු කළ යුතුයි - විපක්ෂ නායක සජිත්

අප රටේ නිවාස ඉදිකිරීම් ක්ෂේත්‍රය ප්‍රවර්ධනය කරන්න කාලෝචිත ප්‍රදර්ශනයක් ලෙස කැදැල්ල ප්‍රදර්ශනය හැදින්විය හැකි බවත් මේ වසරේ මේ සදහා එක්ව ඇති පාරිභෝගිකයන් සංඛ්‍යාව අද වන විට අඩු වී ඇති බවත් රටේ ජනතාව අත මුදල් නොමැති වීම ආර්ථික සංකෝචනය එයට හේතු වී ඇති බවත් විපක්ෂ නායක සජිත් ප්‍රේමදාස පැවසුවා.මේ ඉදිකිරීම් කර්මාන්තය දිරිගන්වන්න කළ යුතු දේවල් තවමත් කර නොමැති බවත් අයවැයක් ඉදිරිපත් කළත් දිය යුතු දිරිගැන්වීම සිදු කර නොමැති බවත් දළ දේශීය නිෂ්පාදනයට හොද ශක්තියක් ලබා දෙන රැකියා රැසක් උත්පාදනය කරන ඉදිකිරීම් කර්මාන්තය අද වන විට කඩා වැටි ඇති බවත් විපක්ෂ නායක සජිත් ප්‍රේමදාස පැවසුවා.විපක්ෂ නායක සජිත් ප්‍රේමදාස මේ බව කියා සිටියේ අද (15) බණ්ඩාරනායක ජාත්‍යන්තර සම්මන්ත්‍රණ ශාලාවේදී පැවැති කැදැල්ල ප්‍රදර්ශනය නැරඹීමට එක්වීමෙන් අනතුරුව මාධ්‍ය වෙත අදහස් දක්වමිනි.ඉදිකිරීම් කර්මාන්තයට ලැබිය යුතු කාරක ප්‍රාග්ධනය නොමැති වීම, විනිවිදභාවයෙන් යුක්ත ටෙන්ඩර් ක්‍රමවේද අනුගමනය හා අයවැය තුළින් සංඛ්‍යා ලේඛන සහිත පොරොන්දු මාලා ඉදිරිපත් කළත් ඒවා මහ පොළොවේ යථාර්ථයක් නොවෙන බවත් මේ නිසා ජනතාවට ප්‍රතිලාභ නොලැබෙන නිසා අයවැයෙන් ඉදිකිරීම ගැන දුන් ඉලක්ක කෙටිකාලීන මධ්‍යකාලීන හා දිගුකාලීන ඉලක්ක ලෙස පැහැදිලි කරමින් ජනතාව නොමග නොයවා යථාර්ථවාදී ලෙස මේ ඉදිකිරීම් කර්මාන්තය දිරිගන්වන්න කටයුතු කළ යුතු බවත් විපක්ෂ නායක සජිත් ප්‍රේමදාස පැවසුවා.මේ ඉදිකිරීම් කර්මාන්තය තුළින් නිවාස ඉදිකිරීමට අවශ්‍ය සියලු දේවල් ප්‍රදර්ශනය තුළින් ලබා ගත හැකි බවත් ඉදිකිරීම් කර්මාන්තය තුළින් ප්‍රාග්ධනය සවිබල ගන්වන ජන සමාජයක් නිර්මාණය වන බවත් දැන්වත් රජය කියපු දේ ඉටු කළ යුතු බවත් හදනවා කියු ගෙවල් පාලම් මාර්ග ආයතන ආදිය හැදිය යුතු බවත් විපක්ෂ නායකවරයා පැවසුවා.අද වන විට ඉදිකිරීම් සිදු කළත් ගෙවීම් කරන්නේ නොමැති හා ප්‍රමාද වීම් සිදුවන බවත් විවිධ ඌනතා ආදිය සිදුවන බවත් නීතිමය පද්ධතියේ ශක්තිසම්පන්න භාවයක් නිර්මාණය විය යුතු බවත් අයවැය තුළින් දුන් පොරොන්දු ඉටු කළ යුතු බවත් රට ඉදිරියට යන්න නම් ආර්ථික වර්ධනය වැඩි විය යුතු බවත් ආර්ථික වර්ධනය සිදු වන්නේ නම් ජනතාවට අවශ්‍ය ⁣හොඳ ජන ජීවිතයක් නිර්මාණය වන බවත් විපක්ෂ නායකවරයා වැඩිදුරටත් පැවසුවා.

තවදුරටත් කියවන්න
අයවැයෙන් ඉදිරිපත් කරන සංවර්ධන ව්‍යාපෘති සංඛ්‍යා ලේඛනවලට සීමා නොකර ප්‍රායෝගිකව ඉටු කළ යුතුයි - විපක්ෂ නායක සජිත්
General15 November 2026

ඉන්දියාවේ විදුලි බලාගාරයක් ඉදිකිරීමට මෙරට සමාගමකට කොන්ත්‍රාත්තුවක් වටිනාකම අ. ඩො මිලියන 75ක්

ශ්‍රී ලංකාවේ ලක්ධනවි සමාගමට ඉන්දියාවේ අන්දමන් දූපතේ මෙගාවොට් 57ක ස්වාභාවික වායු මත ක්‍රියාත්මක වන විදුලි බලාගාරයක් ඉදිකිරීම සඳහා අමෙරිකානු ඩොලර් මිලියන 75ක (රුපියල් බිලියන 25ක පමණ) කොන්ත්‍රාත්තුවක් හිමිව තිබෙනවා.LTL සමූහයට අයත් ලක්ධනවි සමාගමට මෙම කොන්ත්‍රාත්තුව පිරිනමා ඇත්තේ ඉන්දීය රජයට අයත් ජාතික තාප විදුලි සංස්ථාවේ (NTPC) පූර්ණ අනුබද්ධිත සමාගමක් වන NTPC Vidyut Vyapar Nigam Limited විසින්.ජාත්‍යන්තර තරගකාරී ලංසු කැඳවීමේ ක්‍රියාවලියකින් අනතුරුව අවම මිල ඉදිරිපත් කළ ලංසුකරු ලෙස ලක්ධනවි සමාගම මෙම කොන්ත්‍රාත්තුව සඳහා තෝරාගෙන තිබෙනවා.අදාළ ගිවිසුම 2026 සැප්තැම්බර් 21 වැනිදා නවදිල්ලි නුවර නොයිඩාහි පිහිටි NTPC කාර්යාල සංකීර්ණයේදී අත්සන් කර ඇති අතර, එම අවස්ථාවට දෙපාර්ශ්වයේ සහ LTL Holdings සමාගමේ ජ්‍යෙෂ්ඨ නියෝජිතයන් එක්ව සිටි බව සඳහන්.අන්දමන් දූපතේ පෝට් බ්ලෙයාර්හි හෝප් ටවුන් ප්‍රදේශයේ ඉදිකිරීමට නියමිත මෙම බලාගාරය මඟින් එම දූපතේ විදුලි යටිතල පහසුකම් ශක්තිමත් කිරීමට සහ දිගුකාලීන බලශක්ති සුරක්ෂිතතාව තහවුරු කිරීමට අපේක්ෂා කරනවා.මෙම ව්‍යාපෘතියේ ඉංජිනේරු, ප්‍රසම්පාදන සහ ඉදිකිරීම් කටයුතු ලක්ධනවි සමාගමේ ඉංජිනේරු කණ්ඩායම විසින් සිදුකරන අතර, විදුලි උත්පාදන උපකරණ සැපයීමේ වගකීම ෆින්ලන්තයේ Wärtsilä සමාගමට පැවරී තිබෙනවා.මෙම කොන්ත්‍රාත්තුව හිමිවීමත් සමඟ ලක්ධනවි සමාගම ඉන්දියාවේ විදුලි බලාගාර ඉදිකිරීමේ EPC වෙළඳපොළට ප්‍රවේශ වන අතර, කලාපීය වශයෙන් සිය ව්‍යාපාරික කටයුතු පුළුල් කිරීමට ද අවස්ථාව හිමිවනවා.1990 දශකයේ අගභාගයේදී ශ්‍රී ලංකාවේ ස්ථාපිත කළ ලක්ධනවි සමාගමට විදුලි උත්පාදනය, තාප හා පුනර්ජනනීය බලශක්ති ව්‍යාපෘතිවල මෙහෙයුම් සහ නඩත්තු කටයුතු සම්බන්ධයෙන් දිගුකාලීන අත්දැකීම් පවතිනවා. බංග්ලාදේශය, නේපාලය සහ මාලදිවයින ඇතුළු රටවල ද සමාගම විදුලි ව්‍යාපෘති සඳහා දායක වී තිබෙනවා

තවදුරටත් කියවන්න
ඉන්දියාවේ විදුලි බලාගාරයක් ඉදිකිරීමට මෙරට සමාගමකට කොන්ත්‍රාත්තුවක් වටිනාකම අ. ඩො මිලියන 75ක්
General15 November 2026

හිටපු කතානායක චමල් රාජපක්ෂගේ බිරිඳ අභාවප්‍රාප්ත වෙයි

හිටපු කතානායකවරයෙකු මෙන්ම හිටපු අමාත්‍යවරයෙකු ද වන චමල් රාජපක්ෂගේ බිරිඳ චන්ද්‍රා මාලිනී රාජපක්ෂ අභාවප්‍රාප්ත වී තිබෙනවා.ඇය ගාල්ල කරාපිටිය ශික්ෂණ රෝහලේදී අභාවප්‍රාප්ත වී ඇති බවයි වාර්තා වන්නේ.චන්ද්‍රා මාලිනී රාජපක්ෂ හිටපු ඌව පළාත් ප්‍රධාන අමාත්‍ය ශෂීන්ද්‍ර රාජපක්ෂගේ මව ද වනවා.චමල් රාජපක්ෂ මෙරට පාර්ලිමේන්තුවේ කතානායක ධුරය මෙන්ම අමාත්‍ය ධුර කිහිපයක් ද හොබවා ඇති ජ්‍යෙෂ්ඨ දේශපාලනඥයෙකු වනවා.ඒ අනුව, අභාවප්‍රාප්ත චන්ද්‍රා මාලිනී රාජපක්ෂගේ දේහය පිළිබඳ අවසන් කටයුතු සම්බන්ධයෙන් ඉදිරියේදී දැනුම් දීමට නියමිතයි.

තවදුරටත් කියවන්න
හිටපු කතානායක චමල් රාජපක්ෂගේ බිරිඳ අභාවප්‍රාප්ත වෙයි
General15 November 2026

මියගොස් මසක් සපිරෙන කාවන්තිස්ස ඇතු වෙනුවෙන් විශේෂ පහන් පූජාවක්

කාවන්තිස්ස ඇතු මිගොස් මසක් පිරෙන හෙට දිනය නිමිතිකොට "හෙළ හස්ති පරපුර සුරැකීමේ සංවිධානය" සංවිධානය කළ විශේෂ අබ තෙල් පහන් පූජාවක් අද (15) පෙරවරුවේ මහනුවර ගැටඹේ  ඓතිහාසික දිය කැපුම් තොට විහාරස්ථාන පරිශ්‍රයේදී  පැවැත්වූවා.එම පිං කාවන්තිස්ස ඇතුට අනුමෝදන් කිරීමත් මෙරට වන අලි පරපුර සුරැකීමට අදාල බලධාරීන්ගේ නිසි අවධානය යොමුවේවායි යන්නත් මෙම පුණ්‍ය කර්මයේ අරමුණු අතර වන බව හෙළ හස්ති පරපුර සුරැකීමේ සංවිධානයේ කැඳවුම්කරු තුෂාර දිසානායක පැවසුවා.මෙම පුණ්‍ය කර්මය සිදුකිරීම සඳහා එම විහාරස්ථ පරිශ්‍රයට පරිසර හිතකාමි බාල තරුණ මහලු පිරිසක් හෙළ හස්ති පරපුර සංවිධානය සමග එක්ව සිටියා.

තවදුරටත් කියවන්න
මියගොස් මසක් සපිරෙන කාවන්තිස්ස ඇතු වෙනුවෙන් විශේෂ පහන් පූජාවක්
General15 November 2026

මාස 22කදී විදේශ සංචාර සඳහා අමාත්‍යාංශයෙන් රුපියල් ලක්ෂ 872ක් වැය කරලා – පාර්ලිමේන්තුවේදී තොරතුරු හෙළිවෙයි

විදේශ කටයුතු, විදේශ රැකියා සහ සංචාරක අමාත්‍යාංශය යටතේ ගතවූ මාස 22ක කාලය තුළ විදේශ සංචාර සඳහා රුපියල් ලක්ෂ 872ක මුදලක් වැය කර ඇති බව පාර්ලිමේන්තුවට ඉදිරිපත් කළ වාර්තාවකින් අනාවරණය වී තිබෙනවා.ඒ අනුව, 2025 ජනවාරි මස 01 වැනිදා සිට මේ දක්වා සිදුකළ විදේශ සංචාර සඳහා වැයවූ මුදල් පිළිබඳව ඉදිරිපත් කළ වාර්තාවක මෙම තොරතුරු ඇතුළත් වනවා.එහි දැක්වෙන පරිදි, විදේශ කටයුතු අංශයේ විදේශ සංචාර සඳහා රුපියල් 68,270,493ක් හෙවත් රුපියල් ලක්ෂ 682ක මුදලක් වැය කර තිබෙනවා.එමෙන්ම, විදේශ දූත මණ්ඩලවල සංචාර සඳහා රුපියල් 15,371,541ක් හෙවත් රුපියල් ලක්ෂ 153ක මුදලක් වැය කර ඇති බවයි වාර්තාවේ සඳහන් වන්නේ.විදේශ රැකියා අංශයේ සංචාර සඳහා රුපියල් 1,894,425ක් සහ සංචාරක අංශයේ විදේශ සංචාර සඳහා රුපියල් 1,672,782ක් වැය කර තිබෙනවා.මේ අතර, 2026 වසරේ විදේශ රැකියා සඳහා පුද්ගලයින් 250,000ක් යොමු කිරීමට ඉලක්ක කර ඇති බව ද අමාත්‍යාංශය පාර්ලිමේන්තුවට දැනුම් දී තිබෙනවා.එමෙන්ම, 2026 ජනවාරි 01 වැනිදා සිට ජුනි 30 වැනිදා දක්වා කාලය තුළ ශ්‍රී ලාංකිකයින් 125,018 දෙනෙකු විදේශ රැකියා සඳහා පිටත්ව ගොස් ඇති බවයි එහි සඳහන් වන්නේ.

තවදුරටත් කියවන්න
මාස 22කදී විදේශ සංචාර සඳහා අමාත්‍යාංශයෙන් රුපියල් ලක්ෂ 872ක් වැය කරලා – පාර්ලිමේන්තුවේදී තොරතුරු හෙළිවෙයි
International News

ඔස්ට්‍රේලියාවේ පැහැදිලි අහසක් යට මුහුදේ පිහිනමින් සිටි තරුණයෙකුට අකුණු සැරයක්

International 15 November 2026
ඔස්ට්‍රේලියාවේ පැහැදිලි අහසක් යට මුහුදේ පිහිනමින් සිටි තරුණයෙකුට අකුණු සැරයක්

කාන්තාවන්ට එරෙහි ප්‍රචණ්ඩත්වයට විරෝධය පළ කරමින් ස්විට්සර්ලන්තයේ පිරිමින් සිය ගණනක් වීදි බසී

International 15 November 2026
කාන්තාවන්ට එරෙහි ප්‍රචණ්ඩත්වයට විරෝධය පළ කරමින් ස්විට්සර්ලන්තයේ පිරිමින් සිය ගණනක් වීදි බසී

33වන APEC නායක සමුළුවට චීනයේ ෂෙන්සෙන් නගරය සූදානම්

International 15 November 2026
33වන APEC නායක සමුළුවට චීනයේ ෂෙන්සෙන් නගරය සූදානම්

ජෝර්දානයේ දේවස්ථානයකට එල්ල වූ ප්‍රහාරයෙන් 9ක් මියයෑමේ සිද්ධියට පුද්ගලයන් තිදෙනෙකුට මරණ දඬුවම

International 15 November 2026
ජෝර්දානයේ දේවස්ථානයකට එල්ල වූ ප්‍රහාරයෙන් 9ක් මියයෑමේ සිද්ධියට පුද්ගලයන් තිදෙනෙකුට මරණ දඬුවම

මන්ත්‍රීවරයෙකු සහ පොලිස් නිලධාරීන් තිදෙනෙකු ඝාතනයෙන් පසු ගෝතමාලාවේ හදිසි තත්ත්වයක්

International 15 November 2026
මන්ත්‍රීවරයෙකු සහ පොලිස් නිලධාරීන් තිදෙනෙකු ඝාතනයෙන් පසු ගෝතමාලාවේ හදිසි තත්ත්වයක්

ජීවන වියදමට එරෙහිව ලක්ෂයකට අධික ප්‍රංශ වැසියෝ වීදි බසී : අඟහරුවාදා දැවැන්ත වැඩවර්ජනයකටත් සූදානම්

International 15 November 2026
ජීවන වියදමට එරෙහිව ලක්ෂයකට අධික ප්‍රංශ වැසියෝ වීදි බසී : අඟහරුවාදා දැවැන්ත වැඩවර්ජනයකටත් සූදානම්

ඉන්දියාවේ වීසා නීතිවල දැවැන්ත වෙනසක් – සංචාරක වීසා වෙනුවට නව වීසා ක්‍රමයක්

International 15 November 2026
ඉන්දියාවේ වීසා නීතිවල දැවැන්ත වෙනසක් – සංචාරක වීසා වෙනුවට නව වීසා ක්‍රමයක්

පස්වරක් ඔලිම්පික් රන් පදක්කම් දිනූ ජූඩෝ ශූර ටෙඩි රිනර් ප්‍රංශ ජනාධිපතිවරණයට

International 15 November 2026
පස්වරක් ඔලිම්පික් රන් පදක්කම් දිනූ ජූඩෝ ශූර ටෙඩි රිනර් ප්‍රංශ ජනාධිපතිවරණයට

Meta සමාගමට ඉතාලියෙන් යුරෝ මිලියන 805ක දැවැන්ත දඩයක්

International 15 November 2026
Meta සමාගමට ඉතාලියෙන් යුරෝ මිලියන 805ක දැවැන්ත දඩයක්

ඩොලර් මිලියන 180ක් වටින සිතුවම වෙන්දේසි කටේ පෙරළුණු බාල්දිය

International 15 November 2026
ඩොලර් මිලියන 180ක් වටින සිතුවම වෙන්දේසි කටේ පෙරළුණු බාල්දිය

ඉන්දියාව කැළඹූ බිහිසුණු ට්‍රක් - බස් අනතුරෙන් 26ක් මරුට

International 14 November 2026
ඉන්දියාව කැළඹූ බිහිසුණු ට්‍රක් - බස් අනතුරෙන් 26ක් මරුට

අමෙරිකන් දුප්පතුන් මිලියන 6.3කගේ ආහාර සහනාධාර කැපෙන ලකුණු

International 14 November 2026
අමෙරිකන් දුප්පතුන් මිලියන 6.3කගේ ආහාර සහනාධාර කැපෙන ලකුණු

ඩොන්බාස් අත්හැරියොත් යුක්‍රේනයට නේටෝ සාමාජිකත්වය ලබාදීමේ යෝජනාවක් අමෙරිකාවෙන්

International 14 November 2026
ඩොන්බාස් අත්හැරියොත් යුක්‍රේනයට නේටෝ සාමාජිකත්වය ලබාදීමේ යෝජනාවක් අමෙරිකාවෙන්

හංගේරියාවේ හිටපු අමාත්‍යවරයෙකුගේ අ. ඩො මිලියන 20ක මුදලක් වනාන්තරවල වළ දමා තිබියදී සොයාගනී

International 14 November 2026
හංගේරියාවේ හිටපු අමාත්‍යවරයෙකුගේ අ. ඩො මිලියන 20ක මුදලක් වනාන්තරවල වළ දමා තිබියදී සොයාගනී

එම්පයර් ස්ටේට් ගොඩනැගිල්ල මුදුනට නැඟ විවාහ යෝජනාව කළ රුසියානු යුවළට අමෙරිකාවෙන් පිටුවහල් වීමේ අවදානමක්

International 14 November 2026
එම්පයර් ස්ටේට් ගොඩනැගිල්ල මුදුනට නැඟ විවාහ යෝජනාව කළ රුසියානු යුවළට අමෙරිකාවෙන් පිටුවහල් වීමේ අවදානමක්
Sports Stories
Explore More
තරගය අතරතුර කෝපයෙන් කළ ප්‍රකාශය යුක්‍රේන ක්‍රීඩිකාව ඉලක්ක කරගත් එකක් නොවේ - සබලෙන්කා සමාව ඉල්ලයි

තරගය අතරතුර කෝපයෙන් කළ ප්‍රකාශය යුක්‍රේන ක්‍රීඩිකාව ඉලක්ක කරගත් එකක් නොවේ - සබලෙන්කා සමාව ඉල්ලයි

WTA Finals ටෙනිස් තරගාවලියේදී යුක්‍රේන ක්‍රීඩිකා එලිනා ස්විටොලිනා සමඟ පැවැති තරගය අතරතුර සිදුකළ ප්‍රකාශයක් සම්බන්ධයෙන් ලෝක ටෙනිස් ශ්‍රේණිගත කිරීම්හි දෙවැනි ස්ථානයේ පසුවන අරීනා සබලෙන්කා සමාව ඉල්ලා තිබෙනවා.බෙලරුස් ජාතික සබලෙන්කා, ස්විටොලිනා හමුවේ ලකුණු 6-3, 3-6 සහ 6-1ක් ලෙස පරාජයට පත්වූ තරගය අතරතුර රුසියානු භාෂාවෙන් කෝපයෙන් බැණ වදින ආකාරය දැක්වෙන වීඩියෝවක් සමාජ මාධ්‍ය ඔස්සේ සංසරණය වීමත් සමඟ මෙම ආන්දෝලනය හටගෙන ඇති බවයි විදෙස් මාධ්‍ය වාර්තා කරන්නේ.ඊයේ (14) සමාජ මාධ්‍ය වෙත එක්කර තිබූ එම වීඩියෝවේ සබලෙන්කා කෝපයෙන් හස්ත සංඥා කරමින් රුසියානු භාෂාවෙන් බැණ වදින ආකාරය දැක්වෙනවා.ඇතැම් විචාරකයින් එම ප්‍රකාශය ස්විටොලිනාට හෝ සමස්ත යුක්‍රේන ජනතාවට සිදුකළ අපහාසයක් ලෙස අර්ථකථනය කර තිබෙනවා.කෙසේ වෙතත්, එම චෝදනා ප්‍රතික්ෂේප කරමින් සබලෙන්කා සිය සමාජ මාධ්‍ය ගිණුම ඔස්සේ පැහැදිලි කිරීමක් සිදුකර තිබෙනවා.එහිදී ඇය සඳහන් කර ඇත්තේ තමන් සිදුකළ ප්‍රකාශය කිසිසේත්ම එලිනා ස්විටොලිනා ඉලක්ක කරගත් එකක් නොවන බවයි.තරගය අතරතුර තමන් සිදුකළ වැරදි සම්බන්ධයෙන් ප්‍රේක්ෂකයින් පිරිසක් දැඩි ලෙස ප්‍රීතිඝෝෂා කිරීම හේතුවෙන් තමන් කෝපයට පත්වූ බව සබලෙන්කා පවසනවා.එම අවස්ථාවේ ඇතිවූ මානසික පීඩනය හේතුවෙන් හැඟීම්බරව ප්‍රතිචාර දැක්වූ බවත්, එම තත්ත්වය වඩාත් සංයමයෙන් කළමනාකරණය කළ යුතුව තිබූ බවත් ඇය පිළිගෙන තිබෙනවා.ඒ අනුව, තම හැසිරීමෙන් කිසියම් පුද්ගලයෙකු අපහසුතාවට හෝ සිත් රිදවීමකට පත්වූයේ නම් ඒ සම්බන්ධයෙන් සමාව ඉල්ලා සිටින බවයි 28 හැවිරිදි සබලෙන්කා සඳහන් කර ඇත්තේ.එමෙන්ම, එලිනා ස්විටොලිනා තරගයේදී විශිෂ්ට දක්ෂතා දැක්වූ බව ද සබලෙන්කා ප්‍රකාශ කර තිබෙනවා.තරගාවලියේ ඉදිරි තරග සඳහා ස්විටොලිනාට සිය සුබපැතුම් පිරිනමන බව ද ඇය සඳහන් කර ඇති බවයි වාර්තා වන්නේ.මේ අතර, රුසියාව විසින් යුක්‍රේනය ආක්‍රමණය කිරීමත් සමඟ යුක්‍රේන ටෙනිස් ක්‍රීඩක ක්‍රීඩිකාවන් රුසියානු සහ බෙලරුස් ක්‍රීඩක ක්‍රීඩිකාවන් සමඟ තරග අවසානයේ අතට අත දීමෙන් වැළකී සිටීමේ ප්‍රතිපත්තියක් අනුගමනය කරමින් සිටිනවා.එමෙන්ම, තරග ආරම්භයට පෙර දෙපාර්ශ්වය එක්ව ඡායාරූප සඳහා පෙනී සිටීමෙන් ද ඔවුන් වැළකී සිටින බව සඳහන්.මෙවැනි පසුබිමක් තුළ සබලෙන්කාගේ ප්‍රකාශය සමාජ මාධ්‍ය ඔස්සේ දැඩි කතාබහකට ලක්ව ඇති අතර, තම ප්‍රකාශය යුක්‍රේන ක්‍රීඩිකාවට එරෙහිව සිදු නොකළ බව ඇය යළිත් අවධාරණය කර තිබෙනවා.මූලාශ්‍රය - BBC

තවදුරටත් කියවන්න
කුසල් මෙන්ඩිස් සහ ධනංජය ද සිල්වා රාවල්පින්ඩි ගෞරවනීය නාම පුවරුවට

කුසල් මෙන්ඩිස් සහ ධනංජය ද සිල්වා රාවල්පින්ඩි ගෞරවනීය නාම පුවරුවට

පාකිස්තානයට එරෙහිව රාවල්පින්ඩි ක්‍රිකට් ක්‍රීඩාංගණයේ පැවැත්වෙන පළමු ටෙස්ට් තරගයේදී විශිෂ්ට ශතක වාර්තා කළ ශ්‍රී ලංකා ටෙස්ට් නායක කුසල් මෙන්ඩිස් සහ ධනංජය ද සිල්වා එම ක්‍රීඩාංගණයේ ගෞරවනීය නාම ලේඛනයට (Honours Board) ඇතුළත් කර තිබෙනවා.ශ්‍රී ලංකා ටෙස්ට් කණ්ඩායමේ නායකත්වයට පත්වීමෙන් අනතුරුව සිය පළමු තරගයට සහභාගී වූ කුසල් මෙන්ඩිස්, එහිදී ලකුණු 119ක විශිෂ්ට ඉනිමක් ක්‍රීඩා කිරීමට සමත් වුණා.එය ඔහුගේ ටෙස්ට් ක්‍රිකට් දිවියේ 11 වැනි ශතකය ලෙස වාර්තා වන අතර, නායකත්වය භාරගත් පළමු තරගයේදීම ශතකයක් රැස් කිරීම විශේෂත්වයක් වනවා.මේ අතර, ශ්‍රී ලංකා කණ්ඩායමේ හිටපු ටෙස්ට් නායක ධනංජය ද සිල්වා ද පාකිස්තාන පන්දු යවන්නන්ට එරෙහිව විශිෂ්ට පිතිහරඹයක නිරත වෙමින් ලකුණු 167ක් රැස් කිරීමට සමත්ව වුණා.එය ධනංජය ද සිල්වාගේ ටෙස්ට් ක්‍රිකට් දිවියේ 14 වැනි ශතකය ලෙසයි වාර්තා වන්නේ.

තවදුරටත් කියවන්න
පන්දු පලුදු කිරීමේ මතභේදය: පැට් කමින්ස්ගේ ප්‍රකාශය පිළිබඳව වසීම් අක්‍රම්ගෙන් විශේෂ අනාවරණයක්!

පන්දු පලුදු කිරීමේ මතභේදය: පැට් කමින්ස්ගේ ප්‍රකාශය පිළිබඳව වසීම් අක්‍රම්ගෙන් විශේෂ අනාවරණයක්!

පාකිස්ථාන ක්‍රිකට් කණ්ඩායමේ හිටපු සුපිරි වේග පන්දු යවන ක්‍රීඩක වසීම් අක්‍රම් (Wasim Akram), 2018 වසරේ ඔස්ට්‍රේලියානු කණ්ඩායම සම්බන්ධයෙන් මතුවූ මතභේදාත්මක පන්දු පලුදු කිරීමේ (Sandpapergate) සිද්ධිය සහ වත්මන් නායක පැට් කමින්ස්ගේ (Pat Cummins) ප්‍රකාශය සම්බන්ධයෙන් සමාජ මාධ්‍ය ඔස්සේ විශේෂ අදහස් දැක්වීමක් කර තිබෙනවා.ඔස්ට්‍රේලියානු නායක පැට් කමින්ස් මෑතකදී පැවැත්වූ මාධ්‍ය හමුවකදී, තමන් එම පන්දු පලුදු කිරීමේ සැලැස්ම හෝ වැලි කඩදාසි භාවිතය පිළිබඳව කිසිදු දැනුවත්භාවයකින් නොසිටි බවට ප්‍රකාශ කිරීම සම්බන්ධයෙන් අදහස් දක්වමින් වසීම් අක්‍රම් පෙන්වා දී ඇත්තේ, පළපුරුදු පන්දු යවන්නෙකුට පන්දුව අතට ගත් විගසම එහි යම් අසාමාන්‍යතාවක් හෝ වෙනසක් පහසුවෙන් හඳුනාගත හැකි බවයි.තමන් කිසිදු පාර්ශ්වයකට පක්ෂග්‍රාහීව අදහස් නොදක්වන බව සඳහන් කළ අක්‍රම්, වැලි කඩදාසියකින් (sandpaper) පන්දුවට සිදුවන හානිය සහ සාමාන්‍ය ක්‍රීඩා තත්ත්වයන් යටතේ ක්‍රීඩා පිටියේදී පන්දුවට සිදුවන ඇඳීම් සම්පූර්ණයෙන්ම වෙනස් වන බව අවධාරණය කර තිබෙනවා.ඔස්ට්‍රේලියානු ක්‍රීඩකයින් සැමවිටම අවංකභාවය සහ සෘජු බව වෙනුවෙන් ප්‍රසිද්ධියක් උසුලන ජාතියක් බව සිහිපත් කළ ඔහු, මතු වූ මෙම යළි මතභේදාත්මක තත්ත්වය හේතුවෙන් සමස්ත රටම යම් පීඩනයකට මුහුණ දී සිටින බව පවසා ඇති අතර, කඩිනමින් මෙම ගැටලු සාර්ථකව විසඳී යනු ඇතැයි තමන් අපේක්ෂා කරන බවද වැඩිදුරටත් සඳහන් කර තිබෙනවා.

තවදුරටත් කියවන්න
ජය පැරදුමෙන් තොරව අවසන් වූ ශ්‍රී ලංකා - පාකිස්ථාන පළමු ටෙස්ට් තරගය

ජය පැරදුමෙන් තොරව අවසන් වූ ශ්‍රී ලංකා - පාකිස්ථාන පළමු ටෙස්ට් තරගය

පාකිස්ථානය සහ ශ්‍රී ලංකාව අතර රාවල්පින්ඩි ක්‍රිකට් ක්‍රීඩාංගණයේදී පැවැති පළමු ටෙස්ට් ක්‍රිකට් තරගය අද (13) ජය පැරදුමෙන් තොරව අවසන් වුණා.නොවැම්බර් 9 වැනිදා ආරම්භ වූ මෙම තරගයේදී පාකිස්ථානය සිය පළමු ඉනිම සඳහා කඩුලු 9ක් දැවී ලකුණු 434ක් රැස් කළ අතර, ශ්‍රී ලංකාව සිය පළමු ඉනිම වෙනුවෙන් ලකුණු 446ක් රැස් කිරීමට සමත් වුණා.ශ්‍රී ලංකා පළමු ඉනිමේදී විශිෂ්ට පිතිහරඹයක නිරත වූ ධනංජය ද සිල්වා පන්දු 246කදී හතරේ පහර 20ක් සමග ලකුණු 167ක් රැස් කළා.නායක කුසල් මෙන්ඩිස් පන්දු 202කදී හතරේ පහර 10ක් සහ හයේ පහර 4ක් සමග ලකුණු 119ක් රැස් කිරීමට සමත් වුණා.ඊට අමතරව කමිඳු මෙන්ඩිස් ලකුණු 58ක් සහ ළහිරු උදාර ලකුණු 42ක් ශ්‍රී ලංකා ඉනිමට එක් කළා.පාකිස්ථාන පළමු ඉනිමේදී සවුද් ශකීල් ලකුණු 93ක්, තයියාබ් අරිෆ් ලකුණු 57ක්, මොහොමඩ් තාහා ලකුණු 51ක් සහ නායක බාබර් අසාම් ලකුණු 50ක් රැස් කළා.ශ්‍රී ලංකාව වෙනුවෙන් අසිත ප්‍රනාන්දු කඩුලු 3ක් දවාගත් අතර, ළහිරු කුමාර, මිලාන් රත්නායක සහ සොනාල් දිනූෂ එක් කඩුල්ල බැගින් දවා ගැනීමට සමත් වුණා.අනතුරුව සිය දෙවැනි ඉනිම ක්‍රීඩා කළ පාකිස්ථානය කඩුලු 8ක් දැවී ලකුණු 284ක් රැස් කළා.එහිදී සවුද් ශකීල් ලකුණු 97ක් රැස් කළ අතර, බාබර් අසාම් ලකුණු 34ක් සහ ගාසි ඝෝරි ලකුණු 35ක් ලබා ගත්තා.ශ්‍රී ලංකාව වෙනුවෙන් මිලාන් රත්නායක කඩුලු 3ක් දවාගත් අතර, අසිත ප්‍රනාන්දු සහ ළහිරු කුමාර කඩුලු 2 බැගින් දවා ගැනීමට සමත් වුණා.

තවදුරටත් කියවන්න
“නායකයා කවාජාව අමාරුවේ දැම්මා” – පැට් කමින්ස්ට ඩේවිඩ් වෝනර්ගෙන් සැර ප්‍රහාරයක්

“නායකයා කවාජාව අමාරුවේ දැම්මා” – පැට් කමින්ස්ට ඩේවිඩ් වෝනර්ගෙන් සැර ප්‍රහාරයක්

ඕස්ට්‍රේලියානු ක්‍රිකට් කණ්ඩායමේ නායක පැට් කමින්ස් සිදුකළ ප්‍රකාශයන් සම්බන්ධයෙන් හිටපු ආරම්භක පිතිකරු ඩේවිඩ් වෝනර් දැඩි අප්‍රසාදය පළ කර තිබෙනවා.2018 වසරේදී ආන්දෝලනයට තුඩුදුන් පන්දුව පළුදු කිරීමේ සිද්ධිය හෙවත් ‘Sandpaper-gate’ සම්බන්ධයෙන් උස්මාන් කවාජා සිදුකළ අනාවරණයන් කමින්ස් විසින් ප්‍රතික්ෂේප කිරීමත් සමඟ මෙම මතභේදාත්මක තත්ත්වය හටගෙන ඇති බවයි විදෙස් මාධ්‍ය වාර්තා කරන්නේ.අද පැවති මිනිත්තු 70ක මාධ්‍ය හමුවකදී පැට් කමින්ස් සිදුකළ ප්‍රකාශයන්ට ප්‍රතිචාර දක්වමින් වෝනර් සඳහන් කර ඇත්තේ තමන් උස්මාන් කවාජාගේ අනාවරණයන් වෙනුවෙන් පෙනී සිටින බවයි.එහිදී කමින්ස්ගේ ක්‍රියාකලාපය සම්බන්ධයෙන් තමන් දැඩි කලකිරීමට පත්ව ඇති බව ද ඔහු ප්‍රකාශ කර තිබෙනවා.“අද නායකයා උස්මාන් කවාජාව අසීරු තත්ත්වයකට පත් කළ බව මට හැඟෙනවා. ඒ ගැන මම ඉතාමත් කලකිරීමට පත්ව සිටිනවා,” යනුවෙන් ඩේවිඩ් වෝනර් සඳහන් කර තිබෙනවා.2018 වසරේ දකුණු අප්‍රිකාවට එරෙහි ටෙස්ට් තරගයකදී සිදුවූ පන්දුව පළුදු කිරීමේ සිද්ධිය ඕස්ට්‍රේලියානු ක්‍රිකට් ඉතිහාසයේ දැඩි ආන්දෝලනයකට ලක්වූ සිදුවීමක් ලෙස සැලකෙනවා.එම සිද්ධිය සම්බන්ධයෙන් යළි මතුව ඇති මතභේදයත් සමඟ ඕස්ට්‍රේලියානු ක්‍රිකට් ක්ෂේත්‍රය තුළ නව සංවාදයක් නිර්මාණය වී තිබෙනවා.

තවදුරටත් කියවන්න
උස්මාන් කවාජාගේ චෝදනා අසත්‍යයි – ඕස්ට්‍රේලියානු නායක පැට් කමින්ස්ගෙන් දැඩි ප්‍රතිචාරයක්

උස්මාන් කවාජාගේ චෝදනා අසත්‍යයි – ඕස්ට්‍රේලියානු නායක පැට් කමින්ස්ගෙන් දැඩි ප්‍රතිචාරයක්

2018 වසරේ දකුණු අප්‍රිකාවේ කේප්ටවුන් හිදී සිදුවූ ආන්දෝලනාත්මක පන්දුව පළුදු කිරීමේ සිදුවීම (Sandpapergate) පිළිබඳව ඕස්ට්‍රේලියානු ක්‍රිකට් කණ්ඩායමේ සියලුම දෙනා දැන සිටි බවට හිටපු ටෙස්ට් පිතිකරු උස්මාන් කවාජා සිය නවතම කෘතියෙන් (Sabr) කර ඇති ප්‍රකාශය ඕස්ට්‍රේලියානු ටෙස්ට් නායක පැට් කමින්ස් විසින් තරයේ ප්‍රතික්ෂේප කර තිබෙනවා. අද (13) පැවති විශේෂ මාධ්‍ය හමුවකට එක්වෙමින් පැට් කමින්ස් මේ බව අවධාරණය කර සිටියා. කැමරන් බැන්ක්‍රොෆ්ට් පිටියට වැලි කඩදාසියක් (Sandpaper) රැගෙන යන බව කණ්ඩායමේ සියලු දෙනා දැන සිටි බවට කවාජා කරන ප්‍රකාශය "සියයට සියයක්ම වැරදි" බවයි කමින්ස් පවසා සිටියේ. පන්දුව පළුදු කිරීමට කිසිදු පෙර සැලසුමක් හෝ කණ්ඩායම් රැස්වීමක් නොතිබූ බවයි ඔහු අවධාරණය කළේ.කවාජා තමන්ගේ සහ සෙසු ක්‍රීඩකයින්ගේ ජීවිත හා කීර්තිනාමය සම්බන්ධයෙන් ඉතා නොසැලකිලිමත් ලෙස කරුණු ඉදිරිපත් කර ඇති බවත්, ඔහු කණ්ඩායමේ සගයන් අපහසුතාවයට පත් කර ඇති බවත් කමින්ස් සඳහන් කර සිටියේ. මේ හේතුවෙන් තම පවුලේ ජීවිතයට පවා දැඩි බලපෑමක් එල්ල වී ඇති බවත් ඔහු පෙන්වා දුන්නා.සමේ වර්ණය නිසා තමන්ට ඕස්ට්‍රේලියානු කණ්ඩායමේ නායකත්වය අහිමි වූ බවට කවාජා සිය පොතේ සඳහන් කර ඇති ප්‍රකාශය ද කමින්ස් තරයේ ප්‍රතික්ෂේප කර සිටියා. එවැනි බරපතළ ප්‍රකාශයක් කිරීමට පැහැදිලි සාක්ෂි තිබිය යුතු බවත්, ඕස්ට්‍රේලියානු නායකත්වය සඳහා සමේ වර්ණය බලපාන බවට කිසිසේත් එකඟ විය නොහැකි බවත් කවාජාට තමන්ගේ කතාව කීමට අයිතියක් තිබුණද, ඔහු ඉදිරිපත් කර ඇති කරුණු සත්‍යයෙන් තොර බව පැට් කමින්ස් වැඩිදුරටත් පවසා සිටියේ.

තවදුරටත් කියවන්න
ටෙස්ට් තරගයේ තෙවැනි දිනයේදී ශ්‍රී ලංකාවෙන් ප්‍රබල පිළිතුරක්: ධනංජයගෙන් සහ කුසල්ගෙන් ශතක

ටෙස්ට් තරගයේ තෙවැනි දිනයේදී ශ්‍රී ලංකාවෙන් ප්‍රබල පිළිතුරක්: ධනංජයගෙන් සහ කුසල්ගෙන් ශතක

පාකිස්ථානය සහ ශ්‍රී ලංකාව අතර රාවල්පින්ඩි හිදී පැවැත්වෙන පළමු ටෙස්ට් ක්‍රිකට් තරගයේ තෙවැනි දිනය නිමා වන විට සිය පළමු ඉනිම ක්‍රීඩා කරන ශ්‍රී ලංකා කණ්ඩායම කඩුලු 4ක් දැවී ලකුණු 404ක් ලබා සිටිනවා.ඒ අනුව, ශ්‍රී ලංකා කණ්ඩායම පාකිස්ථානයට වඩා තවත් ලකුණු 30ක් පිටුපසිනුයි සිටින්නේ.ශ්‍රී ලංකා ඉනිම ශක්තිමත් කළ ධනංජය ද සිල්වා නොදැවී ලකුණු 167ක් සහ කුසල් මෙන්ඩිස් නොදැවී ලකුණු 117ක් ලබා ගනිමින් කඩුල්ලේ රැඳී සිටින අතර, කමිඳු මෙන්ඩිස් ලකුණු 58ක් රැස් කළා.පන්දු යැවීමේදී පාකිස්ථානය වෙනුවෙන් මොහොමඩ් අබ්බාස් ලකුණු 64කට කඩුලු 2ක් සහ සකිබ් ඛාන් ලකුණු 105කට කඩුලු 2ක් දවා ගත්තා.

තවදුරටත් කියවන්න
Business Stories
Explore More
මගීන් 19ක් රැගෙන යා හැකි චීනයේ නවතම විදුලි වාණිජ ගුවන් යානය පරීක්ෂණ මට්ටමින් සාර්ථකයි

මගීන් 19ක් රැගෙන යා හැකි චීනයේ නවතම විදුලි වාණිජ ගුවන් යානය පරීක්ෂණ මට්ටමින් සාර්ථකයි

චීනය විසින් දේශීය තාක්ෂණය යොදාගෙන නිපදවන ලද CE-25A විදුලි බලයෙන් ක්‍රියාත්මක වන වාණිජ ගුවන් යානය සිය පළමු නියමුවන් සහිත පරීක්ෂණ ගුවන් ගමන සාර්ථකව අවසන් කර තිබෙනවා.ඊයේ (14) චීනයේ නැගෙනහිර ෂැන්ඩොං පළාතේ බින්ෂෝ නගරයේදී මෙම පරීක්ෂණ ගුවන් ගමන සිදුකර ඇති බවයි චීන පුවත් සේවය (CNS) වාර්තා කරන්නේ.චීනයේ Commercial Aircraft Corporation of China (COMAC) සමාගම විසින් සංවර්ධනය කර ඇති මෙම ගුවන් යානය ටොන් 10ක උපරිම ගුවන්ගත වීමේ බරකින් යුක්ත වනවා.මෙම පරීක්ෂණ ගුවන් ගමන සඳහා නියමුවන් දෙදෙනෙකු සහ ගුවන් පරීක්ෂණ ඉංජිනේරුවෙකු සහභාගී වී තිබෙනවා.පරීක්ෂණ මෙහෙයුම මිනිත්තු 57යි තත්පර 46ක කාලයක් පැවති අතර, ඉන් මිනිත්තු 16ක් ගුවන් යානය අහසේ පියාසර කර ඇති බව සඳහන්.එම කාලය තුළ ගුවන් යානය කිලෝමීටර් 60.4ක දුරක් ගමන් කර තිබෙනවා.පරීක්ෂණ ගුවන් ගමනේදී ගුවන් යානයේ සියලු පද්ධති සාමාන්‍ය පරිදි ක්‍රියාත්මක වූ අතර, පරීක්ෂණ ප්‍රතිඵල සියල්ල අපේක්ෂිත මට්ටමට ළඟා වූ බව COMAC සමාගම නිවේදනය කර තිබෙනවා.මෙම CE-25A ගුවන් යානය මීට පෙර 2026 පෙබරවාරි මාසයේදී නියමුවන් රහිතව සිය පළමු පරීක්ෂණ ගුවන් ගමන සාර්ථකව සිදුකර තිබුණා.ඒ අනුව, මේ දක්වා නියමුවන් රහිත ස්වයංක්‍රීය පරීක්ෂණ ගුවන් ගමන් 19ක් සාර්ථකව අවසන් කර ඇති බවයි වාර්තා වන්නේ.මේ අතර, CE-25A ගුවන් යානය සඳහා ඉදිරිපත් කළ වර්ග සහතික අයදුම්පත චීන සිවිල් ගුවන් සේවා පරිපාලනය (CAAC) විසින් භාරගෙන ඇති බව ද සඳහන්.COMAC සමාගම විසින් නිපදවන ලද පළමු විදුලි වාණිජ ගුවන් යානය වන CE-25A, චීනයේ ප්‍රමුඛ බැටරි නිෂ්පාදන සමාගමක් වන CATL සහ ෂැංහයි ජියාඕ ටොං විශ්වවිද්‍යාලය ඇතුළු දේශීය ආයතන කිහිපයක සහයෝගයෙන් සංවර්ධනය කර තිබෙනවා.මෙම ගුවන් යානයේ විශේෂත්වය වන්නේ මගීන් 19 දෙනෙකු රැගෙන කිලෝමීටර් 400ක් දක්වා දුරක් ගමන් කිරීමට හැකිවන පරිදි නිර්මාණය කර තිබීමයි.එහි සාමාන්‍ය පියාසර වේගය පැයට කිලෝමීටර් 300ක් වන අතර, මීටර් 2,400ක උසකින් පියාසර කිරීමට හැකිවන පරිදි නිර්මාණය කර තිබෙනවා.ප්‍රධාන වශයෙන් නගර අතර කෙටි දුර වාණිජ ගුවන් ගමන් සඳහා මෙම යානය භාවිත කිරීමට සැලසුම් කර ඇති බවයි චීන බලධාරීන් සඳහන් කරන්නේ.සාම්ප්‍රදායික ඉන්ධන භාවිත කරන ගුවන් යානා වෙනුවට විදුලි බලයෙන් ක්‍රියාත්මක වන ගුවන් යානා සංවර්ධනය කිරීම මඟින් ගුවන් සේවා ක්ෂේත්‍රයේ පරිසර හිතකාමී තාක්ෂණය ප්‍රවර්ධනය කිරීමට චීනය අපේක්ෂා කරනවා.ඒ අනුව, CE-25A ගුවන් යානයේ පළමු නියමුවන් සහිත පරීක්ෂණ ගුවන් ගමන සාර්ථක වීම චීනයේ විදුලි ගුවන් යානා තාක්ෂණයේ තවත් වැදගත් සන්ධිස්ථානයක් ලෙස සැලකෙනවා.කෙසේ වෙතත්, මෙම ගුවන් යානය වාණිජ මගී ප්‍රවාහන සේවාවලට එක්කිරීමට පෙර අවශ්‍ය සහතිකකරණ සහ අනෙකුත් පරීක්ෂණ ක්‍රියාවලි සම්පූර්ණ කළ යුතු වනවා.මූලාශ්‍රය - Reuters

තවදුරටත් කියවන්න
වියදම් කප්පාදුවට AstraZeneca සමාගමෙන් සේවකයින් 600ක් ඉවත් කරයි

වියදම් කප්පාදුවට AstraZeneca සමාගමෙන් සේවකයින් 600ක් ඉවත් කරයි

ලොව ප්‍රමුඛ පෙළේ ඖෂධ නිෂ්පාදන සමාගමක් වන AstraZeneca සමාගම අමෙරිකාවේ සිය සේවකයින් 600 දෙනෙකු පමණ රැකියාවලින් ඉවත් කර ඇති බව විදෙස් මාධ්‍ය වාර්තා කරනවා.සමාගමේ වසර තුනක වියදම් කප්පාදු කිරීමේ වැඩපිළිවෙළ යටතේ මෙම තීරණය ගෙන ඇති බවයි Bloomberg පුවත් සේවය වාර්තා කර ඇත්තේ.ඒ අනුව, අමෙරිකාවේ AstraZeneca සමාගමට අයත් ශ්වසන රෝග සහ ප්‍රතිශක්තිකරණ ප්‍රතිකාර සම්බන්ධ වාණිජ අංශවල සේවකයින් මෙම තීරණයෙන් බලපෑමට ලක්ව තිබෙනවා.බ්‍රිතාන්‍යය මූලස්ථානය කරගත් AstraZeneca සමාගම පසුගිය ඔක්තෝබර් මාසයේ අගභාගයේදී නිවේදනය කර තිබුණේ වාර්ෂිකව අමෙරිකානු ඩොලර් බිලියන 1.5ක පමණ මුදලක් ඉතිරි කර ගැනීමට සැලසුම් කර ඇති බවයි.එලෙස ඉතිරි කරගන්නා මුදල් නව ඖෂධ සංවර්ධන සහ පර්යේෂණ කටයුතු සඳහා යළි ආයෝජනය කිරීමට සමාගම අපේක්ෂා කරන බව සඳහන්.කෙසේ වෙතත්, මෙම ප්‍රතිව්‍යුහගත කිරීම හේතුවෙන් බලපෑමට ලක්වූ ඇතැම් සේවකයින් සමාගමේ වෙනත් අංශ වෙත අනුයුක්ත කිරීමට ද අපේක්ෂා කරන බව Bloomberg වාර්තාවේ දැක්වෙනවා.මේ අතර, 2030 වසර වනවිට වාර්ෂික ආදායම අමෙරිකානු ඩොලර් බිලියන 80 දක්වා ඉහළ නැංවීම AstraZeneca සමාගමේ ප්‍රධාන ඉලක්කයක් වනවා.එම ඉලක්කය සපුරා ගැනීමට සමාගමට හැකියාව පවතින බව ආයෝජකයින්ට තහවුරු කිරීම සඳහා එහි ප්‍රධාන විධායක නිලධාරී පැස්කල් සොරියෝ කටයුතු කරමින් සිටින බවයි විදෙස් වාර්තා පෙන්වා දෙන්නේ.AstraZeneca සමාගමේ ශ්වසන රෝග සහ ප්‍රතිශක්තිකරණ ප්‍රතිකාර අංශය මෙම වසරේ තුන්වන කාර්තුවේදී අමෙරිකානු ඩොලර් බිලියන 2.5ක ආදායමක් උපයා ඇති අතර, එය සමාගමේ සමස්ත කාර්තුමය ආදායමෙන් සියයට 16ක් වනවා.කෙසේ වෙතත්, සේවක කප්පාදුව සම්බන්ධයෙන් පළවූ වාර්තා පිළිබඳ අදහස් දැක්වීම AstraZeneca සමාගම ප්‍රතික්ෂේප කර ඇති බව Reuters පුවත් සේවය වැඩිදුරටත් වාර්තා කරනවා.මූලාශ්‍රය: Reuters / Bloomberg News

තවදුරටත් කියවන්න
ලොවම කැළඹූ Microsoft සේවා බිඳවැටීම පැය 18කට පසු යළි යථා තත්ත්වයට

ලොවම කැළඹූ Microsoft සේවා බිඳවැටීම පැය 18කට පසු යළි යථා තත්ත්වයට

ලොව පුරා මිලියන සංඛ්‍යාත පරිශීලකයින්ට බලපෑ දැවැන්ත තාක්ෂණික බිඳවැටීමකින් පැය 18කට ආසන්න කාලයකට පසු Microsoft සමාගමේ සේවාවන් ක්‍රමයෙන් යථා තත්ත්වයට පත්වෙමින් පවතින බව වාර්තා වනවා.මෙම බිඳවැටීම හේතුවෙන් අමෙරිකා එක්සත් ජනපදය ඇතුළු අවම වශයෙන් රටවල් 74ක ව්‍යාපාරික ආයතන, පාසල් සහ රාජ්‍ය ආයතනවල දෛනික කටයුතුවලට දැඩි බාධා එල්ල වී තිබෙනවා.විශේෂයෙන් Microsoft Outlook විද්‍යුත් තැපැල් සේවාව, Microsoft Teams සහ Copilot ඇතුළු ප්‍රධාන සේවාවන් රැසකට ප්‍රවේශ වීමට පරිශීලකයින්ට නොහැකි වී ඇති බවයි විදෙස් මාධ්‍ය වාර්තා කරන්නේ.මෙම තත්ත්වය හේතුවෙන් ලොව පුරා ආයතන රැසක සන්නිවේදන කටයුතු සහ අන්තර්ජාලය ඔස්සේ සිදුකරන රාජකාරි කටයුතු අඩාල වී තිබෙනවා.කෙසේ වෙතත්, මෙම දැවැන්ත සේවා බිඳවැටීම සයිබර් ප්‍රහාරයක් හේතුවෙන් සිදුවූවක් නොවන බව Microsoft සමාගම අවධාරණය කර ඇති බව සඳහන්.ආරක්ෂිත අන්තර්ජාල සම්බන්ධතා ස්ථාපිත කිරීම සඳහා භාවිත කරන සේවාදායක පරිගණකවලට දරාගත නොහැකි තරම් ඉල්ලීම් ලැබීම හේතුවෙන් ඒවාට අදාළ ඉල්ලීම් නිසි පරිදි සැකසීමට නොහැකි වීම මෙම බිඳවැටීමට හේතුව බවයි සමාගම පැහැදිලි කර ඇත්තේ.මූලාශ්‍රය : ෆොක්ස් නිව්ස්

තවදුරටත් කියවන්න
Haycarb සමාගමේ ආදායම රුපියල් බිලියන 40.6ක් දක්වා ඉහළට : බදු පෙර ලාභය 75%කින් වර්ධනය වෙයි

Haycarb සමාගමේ ආදායම රුපියල් බිලියන 40.6ක් දක්වා ඉහළට : බදු පෙර ලාභය 75%කින් වර්ධනය වෙයි

ශ්‍රී ලංකාවේ ප්‍රමුඛතම සමාගම් සමූහයක් වන Hayleys සමූහයට අයත් Haycarb PLC සමාගම 2026 සැප්තැම්බර් 30 වැනිදායින් අවසන් වූ මාස හයක කාලය තුළ රුපියල් බිලියන 40.6ක ආදායමක් වාර්තා කර තිබෙනවා.එය පෙර වසරේ අදාළ කාලසීමාවට සාපේක්ෂව සියයට 42ක වර්ධනයක් බව සමාගම නිවේදනය කරනවා.එම කාලසීමාව තුළ සමාගමේ බදු පෙර ලාභය සියයට 75කින් ඉහළ ගොස් රුපියල් බිලියන 4.0ක් දක්වා වර්ධනය වී තිබීම ද විශේෂත්වයක්.මේ අතර, කොටස් හිමියන්ට අයත් ලාභය සියයට 98කින් වර්ධනය වී රුපියල් බිලියන 2.5ක් දක්වා ඉහළ ගොස් ඇති අතර, කොටසක ඉපැයීම රුපියල් 8.41ක් ලෙස වාර්තා වී තිබෙනවා.රන් නිස්සාරණය, ජල පිරිපහදුව සහ බලශක්ති ගබඩාකරණය සඳහා භාවිත කරන සක්‍රිය කාබන් නිෂ්පාදන සඳහා ගෝලීය වෙළෙඳපොළේ පවතින ඉල්ලුම ඉහළ යාම මෙම වර්ධනයට ප්‍රධාන වශයෙන් දායක වී ඇති බව සඳහන්.විශේෂයෙන්ම නවීන බලශක්ති ගබඩාකරණ තාක්ෂණයන් සඳහා භාවිත කරන ඉහළ වටිනාකමකින් යුත් විශේෂිත සක්‍රිය කාබන් නිෂ්පාදන පෙළ පුළුල් කිරීම සමාගමේ ආදායම් වර්ධනයට සැලකිය යුතු දායකත්වයක් ලබාදී තිබෙනවා.Haycarb සහ එහි මව් සමාගම වන Hayleys PLC හි සභාපති මොහාන් පණ්ඩිතගේ පවසන්නේ, ඉහළ වටිනාකමක් සහිත නිෂ්පාදන වැඩිදියුණු කිරීම, නව වෙළෙඳපොළ වෙත පිවිසීම සහ ගෝලීය නිෂ්පාදන ජාලය ශක්තිමත් කිරීම සඳහා ක්‍රියාත්මක කළ උපායමාර්ගික සැලසුම් මෙම සාර්ථකත්වයට හේතු වූ බවයි.මේ අතර, සමාගම සිය දිගුකාලීන ව්‍යාප්ති සැලසුම් යටතේ අදාළ මාස හයක කාලය තුළ රුපියල් බිලියන 4.8ක ප්‍රාග්ධන ආයෝජනයක් සිදුකර තිබෙනවා.ඉන් රුපියල් බිලියන 3.0ක් ශ්‍රී ලංකාවේ මෙහෙයුම් කටයුතු වෙනුවෙන් ආයෝජනය කර ඇති බව සමාගමේ කළමනාකාර අධ්‍යක්ෂ රජිත කාරියවසම් සඳහන් කරනවා.මෙම ආයෝජන ප්‍රධාන වශයෙන් ශ්‍රී ලංකාවේ බලශක්ති ගබඩාකරණය සඳහා භාවිත කරන ඉහළ වටිනාකමකින් යුත් සක්‍රිය කාබන් නිෂ්පාදන ධාරිතාව පුළුල් කිරීම සහ පිලිපීනයේ නව නිෂ්පාදන කර්මාන්තශාලාවක් ස්ථාපිත කිරීම සඳහා යොමු කර තිබෙනවා.අදාළ කාලසීමාව තුළ පොල්කටු අඟුරු සැපයුම සහ මිල ගණන්වල ඇති වූ අස්ථාවරත්වය සමාගමට අභියෝගයක් වී තිබුණ ද, අමුද්‍රව්‍ය සහ නිමි භාණ්ඩ තොග වැඩි කිරීම මඟින් නිෂ්පාදන කටයුතු ස්ථාවරව පවත්වාගෙන යාමට හැකි වී තිබෙනවා.භූ දේශපාලනික අර්බුද සහ අයහපත් දේශගුණික තත්ත්වයන් හේතුවෙන් ඇතිවිය හැකි සැපයුම් බාධා අවම කිරීම ද එම තීරණයේ අරමුණ වී ඇති බව සඳහන්.ඉදිරියේදී තිරසර ජල හා වායු පිරිපහදු විසඳුම්, රන් නිස්සාරණය සහ බලශක්ති ගබඩාකරණ තාක්ෂණය සඳහා ගෝලීය ඉල්ලුම තවදුරටත් ඉහළ යනු ඇතැයි Haycarb සමාගම අපේක්ෂා කරනවා.එම අවස්ථාවන් උපයෝගී කරගනිමින් ජාත්‍යන්තර වෙළෙඳපොළ තුළ සිය තරගකාරීත්වය සහ නිෂ්පාදන ධාරිතාව තවදුරටත් ශක්තිමත් කිරීමට සැලසුම් කර ඇති බව සමාගම වැඩිදුරටත් සඳහන් කරනවා.

තවදුරටත් කියවන්න
ඩොලර් ට්‍රිලියන 1.3ක වටිනාකමක් සමග Claude නිර්මාතෘ Anthropic කොටස් වෙළෙඳපොළට

ඩොලර් ට්‍රිලියන 1.3ක වටිනාකමක් සමග Claude නිර්මාතෘ Anthropic කොටස් වෙළෙඳපොළට

කෘත්‍රිම බුද්ධි තාක්ෂණය මිනිස් වර්ගයාට විනාශකාරී තර්ජනයක් විය හැකි බවට අනතුරු අඟවා ඇති Claude AI චැට්බොට් සේවාවේ නිර්මාතෘ Anthropic සමාගම, අමෙරිකානු ඩොලර් ට්‍රිලියන 1.3කට අධික වටිනාකමක් ඉලක්ක කරමින් කොටස් වෙළෙඳපොළට පිවිසීමට සූදානම් වන බව වාර්තා වෙනවා.ඒ අනුව, අමෙරිකාවේ නිව්යෝර්ක් නුවර Nasdaq කොටස් වෙළෙඳපොළේ සිය කොටස් ප්‍රථම වරට මහජනතාවට නිකුත් කිරීමට සමාගම සැලසුම් කර තිබෙනවා.Anthropic සමාගම නිවේදනය කර ඇත්තේ, එක් කොටසක් අමෙරිකානු ඩොලර් 70ත් 78ත් අතර මිලකට අලෙවි කිරීමට අපේක්ෂා කරන බවයි.මෙම මූලික කොටස් නිකුතුව (IPO) හරහා ඩොලර් බිලියන 64කට අධික මුදලක් රැස්කර ගැනීමට සමාගම බලාපොරොත්තු වෙනවා.ඒ අනුව, සමාගමේ සමස්ත වටිනාකම ඩොලර් ට්‍රිලියන 1.3ත් 1.4ත් අතර මට්ටමකට ළඟාවිය හැකි බව විදෙස් මාධ්‍ය වාර්තා කරනවා.Anthropic සමාගම සිය කොටස් නොවැම්බර් 19 වැනිදා සිට ANT යන සංකේතය යටතේ Nasdaq වෙළෙඳපොළේ ගනුදෙනු කිරීමට අපේක්ෂා කරන බව ද සඳහන්.කෙසේ වෙතත්, සමාගම මෙවැනි දැවැන්ත වටිනාකමක් අපේක්ෂා කරන්නේ තවමත් විශාල මූල්‍ය පාඩු වාර්තා කරමින් සිටින පසුබිමකයි.2026 වසරේ මුල් මාස හය තුළ Anthropic සමාගමේ ආදායම ඩොලර් බිලියන 16.2ක් දක්වා ඉහළ ගොස් ඇති අතර, එය පෙර වසරේ එම කාලසීමාවේ වාර්තා වූ ඩොලර් බිලියන 1.1ට සාපේක්ෂව දැවැන්ත වර්ධනයක්.එහෙත් එම කාලය තුළ සමාගමේ බදු පෙර පාඩුව ඩොලර් බිලියන 80.7ක් දක්වා ඉහළ ගොස් තිබෙනවා.කෘත්‍රිම බුද්ධි තාක්ෂණය සංවර්ධනය කිරීම සඳහා අවශ්‍ය දත්ත මධ්‍යස්ථාන, පරිගණක පද්ධති සහ අනෙකුත් යටිතල පහසුකම් වෙනුවෙන් වැයවන අතිවිශාල මුදල් මෙම පාඩුවලට ප්‍රධාන හේතුවක් වී තිබෙනවා.මේ අතර, කෘත්‍රිම බුද්ධි තාක්ෂණය අනාගතයේදී මිනිස් වර්ගයාට විනාශකාරී හෝ පැවැත්මටම තර්ජනයක් වන අවදානම් ඇති කළ හැකි බව Anthropic සමාගම මීට පෙර අනතුරු අඟවා තිබුණා.විශේෂයෙන්ම ප්‍රමාණවත් ආරක්ෂක ක්‍රමවේද සහ මානව අධීක්ෂණයකින් තොරව දියුණු AI පද්ධති ක්‍රියාත්මක කිරීමෙන් බරපතළ ප්‍රතිවිපාක ඇතිවිය හැකි බව සමාගම පෙන්වා දෙනවා.ස්වයංක්‍රීයව තීරණ ගැනීමට සහ ක්‍රියා කිරීමට හැකි AI පද්ධති අනිසි ලෙස භාවිත කිරීම හෝ ඒවා අවි ලෙස යොදාගැනීම මිනිස් වර්ගයාට දැඩි තර්ජනයක් විය හැකි බව ද Anthropic සමාගම අවධාරණය කර තිබෙනවා.මූලාශ්‍රය : BBC

තවදුරටත් කියවන්න
ඉරාන යුද්ධයෙන් බිඳවැටුණු ගෝලීය බොරතෙල් සැපයුම යළි යථා තත්ත්වයට

ඉරාන යුද්ධයෙන් බිඳවැටුණු ගෝලීය බොරතෙල් සැපයුම යළි යථා තත්ත්වයට

ඉරාන යුද්ධය හේතුවෙන් දැඩි ලෙස බිඳවැටුණු ගෝලීය තෙල් සැපයුම යළි යථා තත්ත්වයට පත්වෙමින් පවතින බව ඛනිජ තෙල් අපනයනය කරන රටවල සංවිධානය හෙවත් OPEC පවසනවා.එම සංවිධානය ඊයේ (11) නිකුත් කළ නවතම මාසික වාර්තාවට අනුව, ලොව විශාලතම තෙල් අපනයනකරු වන සෞදි අරාබිය සිය බොරතෙල් නිෂ්පාදනය දිනකට බැරල් මිලියන 10.563ක් දක්වා ඉහළ නංවා තිබෙනවා.එය සැප්තැම්බර් මාසයට සාපේක්ෂව දිනකට බැරල් මිලියන දෙකකට අධික වර්ධනයක් වන අතර, පසුගිය පෙබරවාරි මාසයේ ඉරානයට එරෙහිව අමෙරිකාව සහ ඊශ්‍රායලය යුද ප්‍රහාර ආරම්භ කිරීමෙන් පසු වාර්තා වූ ඉහළම නිෂ්පාදන මට්ටම ද වන බව සඳහන්.යුද්ධයට පෙර පෙබරවාරි මාසයේදී සෞදි අරාබිය දිනකට බොරතෙල් බැරල් මිලියන 10.882ක් නිෂ්පාදනය කර තිබුණා.සෞදි අරාබිය සහ රුසියාව සිය නිෂ්පාදනය ඉහළ නැංවීමත් සමග OPEC+ රටවල සමස්ත තෙල් නිෂ්පාදනය ද ඔක්තෝබර් මාසයේදී දිනකට බැරල් මිලියන 41.23ක් දක්වා වර්ධනය වී තිබෙනවා.එය සැප්තැම්බර් මාසයට සාපේක්ෂව දිනකට බැරල් මිලියන 2.04ක වැඩිවීමක්.වාර්තාවට අනුව, මෙම නිෂ්පාදන මට්ටම ඉරාන යුද්ධයට පෙර OPEC+ රටවල් නිෂ්පාදනය කළ තෙල් ප්‍රමාණයෙන් සියයට 97කට ආසන්න වන බවටයි වාර්තා වෙන්නේ.මේ අතර, රුසියානු බලශක්ති ක්ෂේත්‍රයට පනවා තිබූ සම්බාධක අමෙරිකානු ජනාධිපති ඩොනල්ඩ් ට්‍රම්ප් ඉවත් කිරීම සහ රුසියාව හා යුක්‍රේනය අතර බලශක්ති සටන් විරාමයක් ප්‍රකාශයට පත් කිරීම ද රුසියානු තෙල් නිෂ්පාදනය ඉහළ යාමට බලපා ඇති බව වාර්තා වෙනවා.ඉරාන යුද්ධය හේතුවෙන් ලෝක තෙල් සැපයුමෙන් පහෙන් එකක් පමණ ගමන් කරන හෝමුස් සමුද්‍ර සන්ධිය ආශ්‍රිත ප්‍රවාහන කටයුතු දැඩි ලෙස අඩාල වූ අතර, එමගින් ජාත්‍යන්තර තෙල් මිල සහ උද්ධමනය ඉහළ ගොස් තිබෙනවා.කෙසේ වෙතත්, සෞදි අරාබිය ඇතුළු ගල්ෆ් කලාපයේ රටවල් විකල්ප නළ මාර්ග සහ ප්‍රවාහන ක්‍රම භාවිත කරමින් සිය තෙල් අපනයනය යළි ස්ථාවර කරමින් සිටින බව OPEC වාර්තාව පෙන්වා දෙනවා.මූලාශ්‍රය : අල්ජසීරා

තවදුරටත් කියවන්න
Entertainment Stories
Explore More
පෘථිවියේ සිට ආලෝක දිනයක දුරකට ළඟා වූ මිනිසාගේ පළමු නිර්මාණය - 'Voyager 1' ඉතිහාසය අලුත් කරයි

පෘථිවියේ සිට ආලෝක දිනයක දුරකට ළඟා වූ මිනිසාගේ පළමු නිර්මාණය - 'Voyager 1' ඉතිහාසය අලුත් කරයි

අමෙරිකානු අභ්‍යවකාශ ඒජන්සිය වන NASA ආයතනයට අයත් Voyager 1 අභ්‍යවකාශ යානය පෘථිවියේ සිට ආලෝක දිනයක දුරකට ළඟා වූ මිනිසා විසින් නිර්මාණය කරන ලද පළමු වස්තුව බවට පත්වීමට නියමිත බව NASA ආයතනය නිවේදනය කර තිබෙනවා.ඒ අනුව, එළඹෙන බදාදා දිනයේදී Voyager 1 යානය පෘථිවියේ සිට සැතපුම් බිලියන 16කට ආසන්න දුරකට ළඟා වෙමින් මෙම ඓතිහාසික සන්ධිස්ථානය සනිටුහන් කිරීමට නියමිත බවයි විදෙස් මාධ්‍ය වාර්තා කරන්නේ.ආලෝක දිනයක් යනු ආලෝකය පැය 24ක කාලයක් තුළ ගමන් කරන දුර වන අතර, එය කිලෝමීටර් බිලියන 25.9කට ආසන්න වනවා.1977 වසරේදී අභ්‍යවකාශයට දියත් කළ Voyager 1 යානය මේ වනවිට වසර 49කට ආසන්න කාලයක් අභ්‍යවකාශයේ ගමන් කරමින් පවතිනවා.1980 වසරේදී සෙනසුරු ග්‍රහයා ආසන්නයෙන් ගමන් කිරීමෙන් අනතුරුව සිය ප්‍රධාන ග්‍රහලෝක ගවේෂණ මෙහෙයුම අවසන් කළ මෙම යානය, මේ වනවිට තාරකා අතර පවතින අන්තර්තාරකා අවකාශයේ ගමන් කරමින් සිටින බව සඳහන්.Voyager 1 යානය දැනට පැයට සැතපුම් 36,000කට ආසන්න වේගයකින්, එනම් පැයට කිලෝමීටර් 58,000කට ආසන්න වේගයකින් ගමන් කරමින් පවතිනවා.NASA ආයතනයේ ඇස්තමේන්තු අනුව, මෙම යානයට ආලෝක වර්ෂයක දුරක් ගමන් කිරීම සඳහා වසර 18,000ක් පමණ ගතවනු ඇති අතර, වෙනත් තාරකාවක් ආසන්නයට ළඟාවීමට ඊටත් වඩා දිගු කාලයක් ගතවනු ඇති බව සඳහන්.ප්ලූටෝනියම් මඟින් බලශක්තිය ලබාගන්නා Voyager 1 යානය, Voyager 2 යානයට පෙර 1977 වසරේදී අභ්‍යවකාශයට යොමු කර තිබෙනවා.මෙම යානා දෙකම දශක ගණනාවක් ගතවී තිබියදීත් පෘථිවිය වෙත විද්‍යාත්මක දත්ත සම්ප්‍රේෂණය කරමින් පවතින බවයි NASA ආයතනය පවසන්නේ.විශේෂයෙන් චුම්බක ක්ෂේත්‍රයේ ප්‍රබලතාව සහ දිශාව, අවට පරිසරයේ පීඩනය, අභ්‍යවකාශ දූවිලි සහ මන්දාකිණි විශ්ව කිරණ පිළිබඳ තොරතුරු මෙම යානා මඟින් පෘථිවිය වෙත ලබාදෙනවා.මේ අතර, Voyager 2 යානය 2035 වසරේදී පෘථිවියේ සිට ආලෝක දිනයක දුරකට ළඟාවනු ඇති බවට NASA ආයතනය අපේක්ෂා කරනවා.යානා දෙකේ මෙහෙයුම් පවත්වාගෙන යාම සඳහා NASA ඉංජිනේරුවන්ගෙන් සමන්විත කුඩා කණ්ඩායමක් තවදුරටත් කටයුතු කරමින් සිටින අතර, සාමාන්‍යයෙන් සතියකට වරක් පමණ යානා වෙත විධාන යොමුකරන බව සඳහන්.කෙසේ වෙතත්, පසුගිය ඔක්තෝබර් මාසයේදී Voyager 1 යානය සමඟ පැවති සන්නිවේදන සබඳතාව තාවකාලිකව බිඳවැටී තිබූ අතර, ඊට හේතුව මෙතෙක් නිශ්චිතව අනාවරණය කරගෙන නොමැති බවයි වාර්තා වන්නේ.Voyager 1 ව්‍යාපෘති කළමනාකාරිනී සුසෑන් ඩොඩ් මෙම යානය අමෙරිකාවේ ජාතික වස්තුවක් ලෙස හඳුන්වා දී තිබෙනවා.අභ්‍යවකාශ ගවේෂණ ඉතිහාසයේ සුවිශේෂී ස්ථානයක් හිමිකරගෙන ඇති Voyager 1 යානය 1990 වසරේදී පෘථිවියේ සුප්‍රසිද්ධ 'Pale Blue Dot' ඡායාරූපය ලබාගැනීම සඳහා ද භාවිත කර තිබෙනවා.එම ඡායාරූපයෙන් අතිවිශාල අභ්‍යවකාශය තුළ පෘථිවිය ඉතා කුඩා නිල් පැහැති තිතක් ලෙස දිස්වන ආකාරය දැක්වෙනවා.මේ අතර, Planetary Society සංවිධානයේ බිල් නයි සඳහන් කර ඇත්තේ Voyager මෙහෙයුම් දෙක මඟින් පෘථිවියේ වෙසෙන සෑම පුද්ගලයෙකුටම කිසියම් ආකාරයක බලපෑමක් සිදුව ඇති බවයි.ඒ අනුව, දශක පහකට ආසන්න කාලයක් අභ්‍යවකාශයේ ගමන් කරන Voyager 1 යානයේ මෙම නව සන්ධිස්ථානය මානව අභ්‍යවකාශ ගවේෂණ ඉතිහාසයේ තවත් වැදගත් ජයග්‍රහණයක් ලෙස සැලකෙනවා.මූලාශ්‍රය - Al Jazeera

තවදුරටත් කියවන්න
අභ්‍යවකාශ ඉතිහාසයේ නව පිටුවක් පෙරළමින් SpaceX Starship රොකට්ටුවේ ඉහළ කොටස විශේෂ යාන්ත්‍රික අත් මඟින් සාර්ථකව අල්ලා ගනී

අභ්‍යවකාශ ඉතිහාසයේ නව පිටුවක් පෙරළමින් SpaceX Starship රොකට්ටුවේ ඉහළ කොටස විශේෂ යාන්ත්‍රික අත් මඟින් සාර්ථකව අල්ලා ගනී

අභ්‍යවකාශ තාක්ෂණයේ සුවිශේෂී සන්ධිස්ථානයක් සනිටුහන් කරමින් SpaceX සමාගම සිය දැවැන්ත Starship රොකට්ටුවේ ඉහළ කොටස පෘථිවියට යළි පැමිණීමේදී සාර්ථකව අල්ලා ගැනීමට සමත්ව තිබෙනවා.ඒ අනුව, Starship රොකට්ටුවේ ඉහළ කොටස වන Ship, අභ්‍යවකාශ ගමනකින් අනතුරුව දියත් කිරීමේ කුළුණේ සවි කර ඇති විශේෂ යාන්ත්‍රික අත් මඟින් අල්ලාගත් පළමු අවස්ථාව මෙය බවයි විදෙස් මාධ්‍ය වාර්තා කරන්නේ.අමෙරිකාවේ ටෙක්සාස් ප්‍රාන්තයේ පිහිටි SpaceX දියත් කිරීමේ මධ්‍යස්ථානයේදී ඊයේ (14) පස්වරු 3.20ට පමණ මෙම සුවිශේෂී මෙහෙයුම සාර්ථකව සිදුකර තිබෙනවා.නියමිත වේලාවට වඩා මිනිත්තු කිහිපයක ප්‍රමාදයකින් පෘථිවියට පැමිණි රොකට්ටුවේ ඉහළ කොටස, දියත් කිරීමේ කුළුණේ ඇති 'Chopsticks' ලෙස හඳුන්වන දැවැන්ත යාන්ත්‍රික අත් මඟින් සාර්ථකව අල්ලාගෙන ඇති බව සඳහන්.එම අවස්ථාවේ දියත් කිරීමේ මධ්‍යස්ථානයේ රැස්ව සිටි විශාල පිරිසක් ප්‍රීතිඝෝෂා නඟා ඇති අතර, සජීවී විකාශනයේ විස්තර විචාරකයෙකු ද මෙම සාර්ථකත්වය පිළිබඳව විස්මය පළ කර තිබෙනවා.කෙසේ වෙතත්, මෙම අත්හදා බැලීමේදී රොකට්ටුවේ පහළ සහ ඉහළ කොටස් දෙකම යළි අල්ලා ගැනීමට SpaceX සමාගම මුලින් සැලසුම් කර තිබුණා.සිකුරාදා (13) සිදුකළ දියත් කිරීමෙන් මිනිත්තු කිහිපයකට පසුව රොකට්ටුවේ පහළ කොටස වන Super Heavy Booster යළි අල්ලා ගැනීමේ උත්සාහය අත්හැර දැමීමට සමාගමට සිදුව තිබෙනවා.ඒ අනුව, එම කොටස මුහුද දෙසට යොමු කර ඇති අතර, මුහුදු මට්ටමට ආසන්නයේදී එය ගිනිගෙන ඇති බවයි වාර්තා වන්නේ.එහෙත්, රොකට්ටුවේ ඉහළ කොටස සිය අභ්‍යවකාශ ගමන අවසන් කර යළි පෘථිවියට පැමිණීමේදී සාර්ථකව අල්ලා ගැනීමට SpaceX සමාගම සමත්ව තිබෙනවා.මෙම සාර්ථකත්වය සම්පූර්ණයෙන්ම නැවත භාවිත කළ හැකි Starship රොකට් පද්ධතියක් සංවර්ධනය කිරීමේ SpaceX සමාගමේ දිගුකාලීන ඉලක්කය සඳහා වැදගත් ඉදිරි පියවරක් ලෙස සැලකෙනවා.රොකට්ටුවේ කොටස් නැවත භාවිත කිරීම මඟින් අභ්‍යවකාශ ගමන් සඳහා වැයවන පිරිවැය සැලකිය යුතු ලෙස අඩු කර ගැනීමට සමාගම අපේක්ෂා කරනවා.මූලාශ්‍රය: BBC

තවදුරටත් කියවන්න
SpaceX නවතම Starship අත්හදා බැලීමේදී රොකට්ටුවේ පහළ කොටස මුහුදට පතිත වෙද්දී ගිනි ගනී

SpaceX නවතම Starship අත්හදා බැලීමේදී රොකට්ටුවේ පහළ කොටස මුහුදට පතිත වෙද්දී ගිනි ගනී

ලොව ධනවත්ම ව්‍යාපාරිකයෙකු වන ඉලොන් මස්ක්ට අයත් SpaceX සමාගම විසින් සිදුකළ නවතම Starship රොකට්ටු අත්හදා බැලීමේදී එහි පහළ කොටස යළි ගොඩබිමට ගෙන ඒමේ උත්සාහය අත්හැර දැමීමට සිදුව තිබෙනවා.ඒ අනුව, රොකට්ටුවේ පහළ කොටස වන Super Heavy Booster යළි දියත් කිරීමේ කුළුණ වෙත ගෙනවිත් විශේෂ යාන්ත්‍රික අත් මඟින් අල්ලා ගැනීමට සැලසුම් කර තිබුණ ද, එම උත්සාහය අවලංගු කර එය මුහුද දෙසට යොමු කිරීමට පියවර ගෙන ඇති බවයි BBC පුවත් සේවය වාර්තා කරන්නේ.එහිදී රොකට්ටුවේ පහළ කොටස මුහුදට පතිත වන අවස්ථාවේදී ගිනිගෙන ඇති බව ද සඳහන්.මීටර් 124ක උසකින් යුත් මෙම දැවැන්ත Starship රොකට්ටුව අමෙරිකාවේ ටෙක්සාස් ප්‍රාන්තයේ බොකා චිකාහි පිහිටි Starbase දියත් කිරීමේ මධ්‍යස්ථානයෙන් සිකුරාදා (13) පස්වරු 4.45ට සාර්ථකව ගුවන්ගත කර තිබෙනවා.ගුවන්ගත කිරීමෙන් මිනිත්තු හයහමාරකට පමණ පසුව රොකට්ටුවේ පහළ කොටස යළි දියත් කිරීමේ කුළුණ වෙත ගෙන ඒමට සැලසුම් කර තිබුණා.කෙසේ වෙතත්, ආරක්ෂක හේතූන් මත එම සැලසුම වෙනස් කර ඇති අතර, රොකට්ටුවේ පහළ කොටස මුහුදට යොමු කර තිබෙනවා.SpaceX සමාගම සඳහන් කර ඇත්තේ මෙවැනි අත්හදා බැලීම්වලදී ආරක්ෂාවට ප්‍රමුඛත්වය ලබාදෙන බවත්, මෙතෙක් සිදු නොකළ තාක්ෂණික ක්‍රියාමාර්ග පරීක්ෂා කිරීමේදී අවදානම් අවම කිරීමට කටයුතු කරන බවත්ය.මේ අතර, රොකට්ටුවේ ඉහළ කොටස වන Ship අභ්‍යවකාශය වෙත සිය ගමන අඛණ්ඩව සිදුකරමින් පවතින බවයි වාර්තා වන්නේ.එම කොටස මඟින් Starlink අන්තර්ජාල සේවාව සඳහා භාවිත කරන චන්ද්‍රිකා 26ක් අභ්‍යවකාශයට මුදා හැරීමට සැලසුම් කර තිබෙනවා.පෘථිවිය වටා වාර 14ක් ගමන් කිරීමෙන් අනතුරුව, ගුවන්ගත කර පැය 22යි මිනිත්තු 30කට පසුව එම කොටස යළි දියත් කිරීමේ කුළුණ වෙත ගෙන ඒමට අපේක්ෂා කරන බව සඳහන්.ඒ අනුව, එම කොටස ද විශේෂ යාන්ත්‍රික අත් මඟින් අල්ලා ගැනීමට උත්සාහ කරන්නේ ද යන්න අභ්‍යවකාශයේදී සිදුකරන තාක්ෂණික පරීක්ෂාවලින් අනතුරුව තීරණය කිරීමට නියමිතයි.SpaceX සමාගම මීට පෙර අත්හදා බැලීම් තුනකදී Super Heavy Booster කොටස සාර්ථකව අල්ලා ගැනීමට සමත්ව තිබුණ ද, Starship රොකට්ටුවේ ඉහළ කොටස මෙතෙක් එලෙස අල්ලාගෙන නොමැති බව BBC වාර්තා කරනවා.රොකට්ටුවේ සියලුම කොටස් යළි භාවිත කළ හැකි තත්ත්වයට පත් කිරීම SpaceX සමාගමේ ප්‍රධාන අරමුණක් වන අතර, එමඟින් අභ්‍යවකාශ ගමන් සඳහා වැයවන පිරිවැය සැලකිය යුතු ලෙස අඩු කර ගැනීමට අපේක්ෂා කරනවා.මේ අතර, Starship ව්‍යාපෘතියේ ප්‍රගතිය අමෙරිකානු අභ්‍යවකාශ ඒජන්සිය වන NASA ආයතනයේ ඉදිරි චන්ද්‍ර මෙහෙයුම් සඳහා ද අතිශය වැදගත් වනවා.2028 වසරේදී යළි මිනිසුන් සඳ මත ගොඩබැස්වීමේ NASA සැලසුම සඳහා SpaceX සමාගම විසින් Starship රොකට්ටුවේ ඉහළ කොටස චන්ද්‍ර ගොඩබැස්වීමේ යානයක් ලෙස සංවර්ධනය කිරීමට නියමිතයි.කෙසේ වෙතත්, එම ඉලක්කය සපුරා ගැනීම සඳහා Starship ව්‍යාපෘතියේ තවත් තාක්ෂණික අත්හදා බැලීම් රැසක් සාර්ථකව අවසන් කළ යුතු බව විදෙස් මාධ්‍ය පෙන්වා දෙනවා.මූලාශ්‍රය: BBC

තවදුරටත් කියවන්න
ඉන්දීය සිනමා ඉතිහාසයේ වේගයෙන්ම ඉන්දීය රුපියල් කෝටි 1,000ක ආදායමක් උපයාගත් තෙවැනි චිත්‍රපටය ලෙස ‘Ramayana’ නව වාර්තාවක් තබයි

ඉන්දීය සිනමා ඉතිහාසයේ වේගයෙන්ම ඉන්දීය රුපියල් කෝටි 1,000ක ආදායමක් උපයාගත් තෙවැනි චිත්‍රපටය ලෙස ‘Ramayana’ නව වාර්තාවක් තබයි

බොලිවුඩ් සුපිරි නළු රන්බීර් කපූර් සහ යාෂ් ප්‍රධාන චරිත නිරූපණය කරන ‘Ramayana’ චිත්‍රපටය තිරගත වී දින 8ක් තුළ ලොව පුරා ඉන්දීය රුපියල් කෝටි 1,000ක ආදායම් සීමාව පසුකරමින් නව වාර්තාවක් පිහිටුවා ඇති බව ඉන්දීය මාධ්‍ය වාර්තා කරනවා.ඒ අනුව, ඉන්දීය සිනමා ඉතිහාසයේ වේගයෙන්ම රුපියල් කෝටි 1,000ක ආදායමක් උපයාගත් තෙවැනි චිත්‍රපටය බවට ‘Ramayana’ පත්ව තිබෙනවා.අධ්‍යක්ෂ නිටේෂ් තිවාරිගේ නිර්මාණයක් වන මෙම චිත්‍රපටය නොවැම්බර් 5 වැනිදා ලොව පුරා සිනමාහල්වල තිරගත කිරීම ආරම්භ කළ අතර, පළමු දිනයේදී පමණක් ඉන්දීය රුපියල් කෝටි 128ක ආදායමක් උපයා ගැනීමට සමත් වුණා.එහි පළමු දින හතර තුළ ලොව පුරා උපයාගත් ආදායම ඉන්දීය රුපියල් කෝටි 507ක් වන අතර, දීපවාලි උත්සව සමයෙන් අනතුරුව චිත්‍රපටයේ ආදායම කැපී පෙනෙන ලෙස ඉහළ ගොස් තිබෙනවා.විශේෂයෙන් සඳුදා සහ අඟහරුවාදා දිනවලදී දිනකට ඉන්දීය රුපියල් කෝටි 150කට ආසන්න ආදායමක් වාර්තා කර ඇති අතර, හත්වැනි දිනය අවසන් වනවිට සමස්ත ආදායම ඉන්දීය රුපියල් කෝටි 935ක් දක්වා ඉහළ ගොස් තිබුණා.අටවැනි දිනයේ ප්‍රවේශපත්‍ර අලෙවියත් සමඟ චිත්‍රපටයේ සමස්ත ආදායම ඉන්දීය රුපියල් කෝටි 1,000 සීමාව ඉක්මවා ගොස් ඇති බවයි සිනමා වෙළෙඳපොළ ඇස්තමේන්තු පෙන්වා දෙන්නේ.මීට පෙර ‘Pushpa 2: The Rule’ සහ ‘Dhurandhar: The Revenge’ චිත්‍රපට දෙකම දින 7ක් තුළ මෙම ආදායම් සීමාව පසුකර තිබුණා.කෙසේ වෙතත්, ‘Baahubali 2’ චිත්‍රපටයට මෙම සීමාව පසුකිරීමට දින 10ක් ගතවූ අතර, ‘RRR’ චිත්‍රපටයට දින 16ක් සහ ‘KGF Chapter 2’ චිත්‍රපටයට දින 18ක් ගතවී තිබෙනවා.එමෙන්ම ෂාරුක් ඛාන් රංගනයෙන් දායක වූ ‘Jawan’ චිත්‍රපටයට දින 18ක් සහ ‘Pathaan’ චිත්‍රපටයට දින 27ක් මෙම ආදායම් සීමාව පසුකිරීමට ගතවී තිබුණා.ඒ අනුව, ලොව පුරා ඉන්දීය රුපියල් කෝටි 1,000 ඉක්මවූ 11 වැනි ඉන්දීය චිත්‍රපටය ලෙසද ‘Ramayana’ ඉතිහාසයට එක්ව තිබෙනවා.මෙම චිත්‍රපටයේ රාම කුමරුගේ චරිතයට රන්බීර් කපූර් පණ පොවන අතර, රාවණාගේ චරිතය යාෂ් විසින් නිරූපණය කරනවා.සීතාගේ චරිතයට සායි පල්ලවි සහ ලක්ෂ්මණගේ චරිතයට රවී ඩුබේ රංගනයෙන් දායක වනවා.Namit Malhotraගේ Prime Focus Studios, DNEG සහ Yashගේ Monster Mind Creations එක්ව නිෂ්පාදනය කරන මෙම චිත්‍රපටය කොටස් දෙකකින් සමන්විත වන අතර, එහි දෙවැනි කොටස 2028 දීපවාලි උත්සව සමයේ තිරගත කිරීමට සැලසුම් කර තිබෙනවා.මූලාශ්‍රය : හින්දුස්ථාන් ටයිම්ස්

තවදුරටත් කියවන්න
වාණිජ ගුවන් යානයකින් නොනවත්වා පියාසර කළ දීර්ඝතම දුර – Airbus A350-1000ULR ගිනස් වාර්තා පොතට

වාණිජ ගුවන් යානයකින් නොනවත්වා පියාසර කළ දීර්ඝතම දුර – Airbus A350-1000ULR ගිනස් වාර්තා පොතට

වාණිජ ගුවන් යානයක් මගින් නොනවත්වා පියාසර කළ දීර්ඝතම දුර සඳහා වන ගිනස් ලෝක වාර්තාව නිල වශයෙන් බිඳ දැමීමට Airbus A350-1000ULR (Ultra-Long Range) ගුවන් යානය සමත්ව තිබෙනවා.ඒ අනුව, ජාත්‍යන්තර ගුවන් යානා සම්මේලනය (Inteational Aeronautical Federation) සහ flightradar24 දත්ත මගින් මෙම වාර්තාව ස්වාධීනව තහවුරු කර ඇති අතර, AIB35LR යන ඇමතුම් සංකේතයෙන් (call-sign) යුත් මෙම ගුවන් යානය ජූලි 27 වැනි සඳුදා දේශීය වේලාවෙන් පස්වරු 17.27ට ඕස්ට්‍රේලියාවේ මෙල්බර්න් නුවරින් ගුවන්ගත වී ඇති අතර, ජූලි 28 වැනි අඟහරුවාදා දේශීය වේලාවෙන් පෙරවරු 09.51ට ප්‍රංශයේ ටූලූස් (Toulouse) වෙත ගොඩබස්වා තිබෙනවා.ඒ අනුව, යානය පැය 24යි මිනිත්තු 24ක කාලයක් තුළ නාවික සැතපුම් 12,503ක (කිලෝමීටර් 23,155ක) දුරක් ගමන් කර තිබෙනවා.මෙල්බර්න් නුවරින් ගුවන්ගත වීමෙන් පසු සිඩ්නි නුවරට ඉහළින් පැසිෆික් සාගරය හරහා ලොස් ඇන්ජලීස් දෙසට පියාසර කළ යානය, උතුරු ඇමරිකානු මහාද්වීපය සහ අත්ලාන්තික් සාගරය හරහා ගමන් කර ලන්ඩන් නුවරට ඉහළින් ටූලූස් වෙත ළඟා වී ඇති අතර, මහාද්වීප තුනක් සහ සාගර දෙකක් හරහා ගමන් කළ මෙම ඓතිහාසික ගමනේදී කාර්ය මණ්ඩලයට හිරු බැස යෑම් දෙකක් සහ හිරු උදා වීම් දෙකක් දැකගැනීමට හැකි වී ඇති බවයි විදෙස් මාධ්‍ය වාර්තා කරන්නේ.මෙම විශේෂ පරීක්ෂණ ගුවන් ගමන සඳහා Airbus පරීක්ෂණ නියමුවන් තිදෙනෙකු, Qantas ගුවන් නියමුවන් දෙදෙනෙකු, Airbus ගුවන් පරීක්ෂණ ඉංජිනේරුවන් පස්දෙනෙකු, සැලසුම් ඉංජිනේරුවන් දෙදෙනෙකු සහ ජාත්‍යන්තර ගුවන් යානා සම්මේලනයේ නියෝජිතයෙකු ඇතුළුව පුද්ගලයින් 13 දෙනෙකු එක්ව තිබෙනවා.

තවදුරටත් කියවන්න
ඩොලර් මිලියන 500ක දැවැන්ත වියදමින් නිම වූ

ඩොලර් මිලියන 500ක දැවැන්ත වියදමින් නිම වූ "රාමායණය" පළමු කොටස තිරගත වීම අරඹයි : පළමු සති අන්තයේදී ඩොලර් මිලියන 55ක ආදායමක්

හින්දු මහා සංස්කෘතික කාව්‍යයක් වන "රාමායණය" පාදක කරගනිමින්, අමෙරිකානු ඩොලර් මිලියන 500ක දැවැන්ත නිෂ්පාදන වියදමකින් කොටස් දෙකකින් යුතුව නිර්මාණය කර ඇති "Ramayana: Rise of a Legend" (රාමායණය: පුරාවෘත්තයක උදාව) චිත්‍රපටයේ පළමු කොටස පසුගියදා (දිවාලි උත්සවයට සමගාමීව) තිරගත කිරීම ආරම්භ කෙරුණා.ඉන්දියාවේ මෙතෙක් බිහි වූ අතිවිශාලම සහ මිල අධිකම චිත්‍රපට නිෂ්පාදනය ලෙස සැළකෙන මෙය, බ්‍රිතාන්‍ය දෘශ්‍ය ප්‍රයෝග (VFX) ස්ූඩියෝවක් වන DNEG හි ප්‍රධාන විධායක නිලධාරී සහ මුම්බායිහි Prime Focus Studios හි නිර්මාතෘ නමිත් මල්හෝත්‍රා (Namit Malhotra) විසින් නිෂ්පාදනය කර තිබෙනවා.මෙහි විශේෂත්වය වන්නේ ඔහු වෙනත් ආයෝජකයින්ගෙන් තොරව, තමන් සතු පෞද්ගලික ධනය සම්පූර්ණයෙන්ම මෙම ව්‍යාපෘතිය සඳහා යොදවා තිබීමයි.මෙම සිනමා කෘතිය සඳහා හොලිවුඩයේ සහ බොලිවුඩයේ ප්‍රවීණයන් රැසක් දායක වී ඇති අතර, අධ්‍යක්ෂ තිවාරි විසින් මෙහි තිරපිටපත ලියා අධ්‍යක්ෂණය කර ඇති අතර, සංගීතයෙන් ඔස්කාර් සම්මානලාභී ඒ.ආර්. රහ්මාන් සහ හෑන්ස් සිමර් එක්වී තිබෙනවා.මෙහි ප්‍රධාන චරිත සඳහා ඉන්දියාවේ විවිධ භාෂා සිනමා කර්මාන්ත නියෝජනය කරමින් හින්දි නළු රන්බීර් කපූර් (රාම ලෙස), කන්නඩ නළු යෂ් (රාවණ ලෙස) සහ දකුණු ඉන්දීය නිළියක වන සායි පල්ලවී (සීතා ලෙස) රංගනයෙන් දායක වෙනවා.ජාත්‍යන්තර ප්‍රේක්ෂකයින් වෙනුවෙන් මෙහි ඉංග්‍රීසි හඬකැවීම් සඳහා කෘත්‍රිම බුද්ධිය (AI) සහ චලන ග්‍රහණ (motion capture) තාක්ෂණය භාවිත කරමින් මුවහත් සහ මුහුණේ ඉරියව් ගැළපීමේ නවීන තාක්ෂණික ක්‍රමවේදයක් DNEG සමූහයට අයත් Brahma AI සමාගම විසින් ක්‍රියාවට නංවා තිබෙනවා.ඉන්දියාවේ වෙනත් මහා පරිමාණ චිත්‍රපට වාර්තා අභිබවා යාමට උත්සාහ දරන මෙම චිත්‍රපටය, නිකුත් වූ පළමු සති අන්තය තුළදී ගෝලීය වශයෙන් අමෙරිකානු ඩොලර් මිලියන 55කට අධික ආදායමක් (එක්සත් ජනපදය තුළ පමණක් ඩොලර් මිලියන 12.2ක්) වාර්තා කිරීමට සමත්ව ඇති බවයි සීඑන්එන් පුවත් සේවය වාර්තා කරන්නේ.හින්දු භක්තිකයන්ගේ දැඩි ආගමික විශ්වාසයන් හා බැඳුණු මෙම ව්‍යාපෘතිය ඉන්දියාව තුළ මෙන්ම ජාත්‍යන්තර සිනමාපේක්ෂකයින් අතරද දැඩි කතාබහට ලක්ව තිබෙනවා.

තවදුරටත් කියවන්න
චයිනීස් ඩ්‍රැගන් කැෆේ නවතම අවන්හල මීගමුවේදී විවෘත කෙරේ

චයිනීස් ඩ්‍රැගන් කැෆේ නවතම අවන්හල මීගමුවේදී විවෘත කෙරේ

ශ්‍රී ලංකාවේ චීන ආහාර සංස්කෘතිය තුළ දශක අටකට අධික කාලයක් පුරා පාරිභෝගික විශ්වාසය දිනාගත් ප්‍රමුඛ පෙළේ අවන්හල් ජාලයක් වන චයිනීස් ඩ්‍රැගන් කැෆේ සිය නවතම අවන්හල මීගමුවේදී විවෘත කරමින් දිවයින පුරා සිය ව්‍යාපාරික මෙහෙයුම් තවදුරටත් පුළුල් කර තිබේ.මෙය ශ්‍රී ලංකාවේ චයිනීස් ඩ්‍රැගන් කැෆේ ජාලයේ 13 වැනි අවන්හල වන අතර, ලොව පුරා එහි 14 වැනි අවන්හල වේ.1942 වසරේදී චීන ජාතික යුවළක් විසින් බම්බලපිටියේ ආරම්භ කරන ලද කුඩා අවන්හලකින් ඇරඹුණු චයිනීස් ඩ්‍රැගන් කැෆේ අද වන විට ශ්‍රී ලංකාවේ ප්‍රමුඛතම චීන අවන්හල් ජාලයක් බවට පත්ව තිබේ. බම්බලපිටිය, ගල්කිස්ස, නුගේගොඩ, රාජගිරිය, පැලවත්ත, වත්තල, කඳාන, කඩුවෙල, යාපනය, ගාල්ල, ගොතටුව, මහනුවර සහ ඔරායන් සිටි යන ප්‍රදේශවල සිය අවන්හල් ජාලය ව්‍යාප්ත කර ඇති සමාගම, 2021 වසරේදී එක්සත් අරාබි එමීර් රාජ්‍යයේ ඩුබායි නගරයේ සිය පළමු විදේශීය අවන්හල විවෘත කරමින් ජාත්‍යන්තර වෙළෙඳපොළටද පිවිසියේය.සංචාරක කර්මාන්තය, මුහුදු ආහාර සඳහා පවතින ප්‍රසිද්ධිය සහ විවිධ සංස්කෘතික පසුබිම්වලින් සමන්විත ජන ප්‍රජාව හේතුවෙන් මීගමුව නගරය සිය අවන්හල් ජාලයේ ව්‍යාප්තිය සඳහා සුවිශේෂී ස්ථානයක් ලෙස සමාගම හඳුනාගෙන තිබේ. නව අවන්හල විවෘත කිරීමත් සමඟ මීගමුවේ ජනතාවට මෙන්ම දෙස් විදෙස් සංචාරකයන්ටද චයිනීස් ඩ්‍රැගන් කැෆේහි ජනප්‍රිය චීන ආහාර රසවිඳීමේ අවස්ථාව හිමි වේ.පාරිභෝගික පහසුව වෙනුවෙන් නොමිලේ ආහාර නිවසටම ගෙන්වා ගැනීමේ සේවාව, ගෘහස්ථ හා එළිමහන් උත්සව සඳහා ආහාර සැපයීම, ආයතනික ආහාර සැපයුම් විසඳුම් මෙන්ම www.chinesedragoncafe.com වෙබ් අඩවිය ඔස්සේ මාර්ගගතව ආහාර ඇණවුම් කිරීමේ පහසුකම්ද සමාගම සලසා තිබේ.නව අවන්හල විවෘත කිරීම පිළිබඳව අදහස් දක්වමින් චයිනීස් ඩ්‍රැගන් කැෆේහි ප්‍රධාන මෙහෙයුම් නිලධාරී ළහිරුවන් ලක්මාල් මහතා මෙසේ පැවසීය.“මීගමුව කියන්නේ මුහුදු ආහාර, සංචාරක කර්මාන්තය සහ විවිධත්වයෙන් යුත් පාරිභෝගික ප්‍රජාවක් සමඟ සුවිශේෂී අනන්‍යතාවක් ගොඩනඟා ගත් ශීඝ්‍රයෙන් දියුණු වන නගරයක්. මේ වෙළෙඳපොළ තුළ විශාල අවස්ථා පවතින බව අප විශ්වාස කරනවා.”චයිනීස් ඩ්‍රැගන් කැෆේ ඉදිරියේදී කුරුණෑගල නගරයේද නව අවන්හලක් විවෘත කිරීමට සැලසුම් කර තිබේ. ඒ අනුව, ශ්‍රී ලංකාවේ තවත් නගර රැසකට සිය මෙහෙයුම් ව්‍යාප්ත කරමින් පාරිභෝගිකයන්ට වඩාත් සමීප වීමට සමාගම අපේක්ෂා කරයි.

තවදුරටත් කියවන්න
මව බැලීමට වසර 28ක් පයින් ආ බ්‍රිතාන්‍ය ජාතිකයා යළි නිවසට

මව බැලීමට වසර 28ක් පයින් ආ බ්‍රිතාන්‍ය ජාතිකයා යළි නිවසට

වසර 28ක් පුරා ලොව වටා පාගමනක නිරත වූ බ්‍රිතාන්‍ය ජාතික වික්‍රමාන්විත සංචාරකයෙකු වන කාල් බුෂ්බි සිය දිගු ගමනේ අවසානයට ළඟා වෙමින් සිටිනවා.57 හැවිරිදි කාල් බුෂ්බි 1998 වසරේදී චිලියේ පුන්ටා අරීනාස් ප්‍රදේශයෙන් මෙම ගමන ආරම්භ කර ඇත්තේ, කිසිදු ප්‍රවාහන මාධ්‍යයක් භාවිත නොකර අඛණ්ඩව පාගමනින් සිය උපන් නගරය වන එංගලන්තයේ හල් වෙත ළඟා වීමේ අරමුණින්.එම ගමන අතරතුර ඔහු තමන් විසින්ම පනවාගත් කොන්දේසි දෙකක් අනුගමනය කර තිබෙනවා. ඒ, ගමන අවසන් වනතුරු එක්සත් රාජධානියට යළි නොපැමිණීම සහ ගමනේ දුර සම්පූර්ණ කිරීම සඳහා කිසිදු ප්‍රවාහන මාධ්‍යයක් භාවිත නොකිරීමයි.බීබීසී පුවත් සේවය වාර්තා කළේ, ඔහුගේ ගමන අවසන් වන විට 36 හැවිරිදි පුත් ඇඩම්, මෙතෙක් හමු නොවූ 12 හැවිරිදි මිණිබිරිය, පියා සහ සහෝදරයන් ඔහු පිළිගැනීමට පැමිණීමට නියමිත බවයි.වසර 28කට පෙර ඔහු හැර ගිය ළමා වියේ නිවසේදී, මව ඔහු එනතුරු බලා සිටින බව ද එම වාර්තාවේ සඳහන්.මුලාශ්‍රය - බීබීසී

තවදුරටත් කියවන්න
Hiru TV News | Programmes