මීතොටමුල්ල ගැන විවාදයකට පාර්ලිමේන්තුව අද රැස්වෙයි

Friday, 28 April 2017 - 7:33

%E0%B6%B8%E0%B7%93%E0%B6%AD%E0%B7%9C%E0%B6%A7%E0%B6%B8%E0%B7%94%E0%B6%BD%E0%B7%8A%E0%B6%BD+%E0%B6%9C%E0%B7%90%E0%B6%B1+%E0%B7%80%E0%B7%92%E0%B7%80%E0%B7%8F%E0%B6%AF%E0%B6%BA%E0%B6%9A%E0%B6%A7+%E0%B6%B4%E0%B7%8F%E0%B6%BB%E0%B7%8A%E0%B6%BD%E0%B7%92%E0%B6%B8%E0%B7%9A%E0%B6%B1%E0%B7%8A%E0%B6%AD%E0%B7%94%E0%B7%80+%E0%B6%85%E0%B6%AF+%E0%B6%BB%E0%B7%90%E0%B7%83%E0%B7%8A%E0%B7%80%E0%B7%99%E0%B6%BA%E0%B7%92
කසළ කළමනාකරණයට අදාළ ගැසට් නිවේදන කිහිපයක් අනුමත කරගැනීම සඳහා ජනාධිපති මෛත්‍රීපාල සිරිසේන විසින් අද (28) දිනයේ හදිසියේ පාර්ලිමේන්තුව කැඳවා තිබෙනවා.

සියලූ පළාත්පාලන ආයතනවල අපද්‍රව්‍ය බැහැර කිරීම අත්‍යාවශ්‍ය සේවාවක් බවට පත් කරමින් ජනාධිපති මෛත්‍රීපාල සිරිසේන විසින් පසුගිය 20 වනදා මධ්‍යම රාත්‍රියේ සිට බලාත්මක වන පරිදි විශේෂ ගැසට් නිවේදනයක් නිකුත් කරනු ලැබුවා.

මෙම ගැසට් නිවේදනය නිකුත් කරනු ලැබුවේ  ඕනෑම පළාත් පාලන ආයතනයක් මගින් ක්‍රියාත්මක කරන අපද්‍රව්‍ය ඉවත් කිරීම, ප්‍රවාහනය, තාවකාලිකව ගබඩා කිරීම, සකස් කිරීම, බැහැර කිරීම මෙන්ම ඊට අදාළව ගැනෙන කටයුතු අත්‍යාවශ්‍ය සේවාවක් බවට පත් කරමින්.  

සාමාන්‍යයෙන් මෙවැනි විශේෂ ගැසට් නිවේදනයක් නිකුත් කිරීමෙන් පසු නීතියට අනුව දින 10 ක් තුළ පාර්ලිමේන්තුව කැඳවා එය සම්මත කරගත යුතුයි.

ඒ අනුවයි අද දිනයේ හදිසියේ පාර්ලිමේන්තුව කැඳවීමට ජනාධිපතිවරයා තීරණය කර ඇත්තේ.

පෙරේදා පැවති පක්ෂ නායක හමුවේදී අද උදෑසන 9.30 සිට පස්වරු 6.30 දක්වා පාර්ලිමේන්තු සභා වාරය පැවැත්වීමට එකඟ වී තිබෙනවා.

එමෙන්ම ඒකාබද්ධ විපක්ෂය විසින් මීතොටමුල්ල කසළ කන්ද නායයෑම සම්බන්ධයෙන් ඉල්ලා සිටි විවාදයද අද පැවැත්වීමට නියමිතයි.

මේ අතර, මීතොටමුල්ල සිද්ධියට අදාළව පරිසර යුක්ති කේන්ද්‍රය සහ පරිසරවේදියෙකු විසින් අධිකරණයට ඊයේ දිනයේදී මූලික අයිතිවාසිකම් පෙත්සමක් ද ගොනුකර තිබෙනවා.

ඔවුන් සිය පෙත්සම මගින් පෙන්වා දී ඇත්තේ පරිසර අමාත්‍යවරයාගේ නියෝග මත කසල බැහැර කිරීම හරහා නීතිවිරෝධී ලෙස කසල ගොඩගැසීම තුළින් ජනතාවගේ මූලික අයිතිවාසිකම් කඩ වී ඇති බවයි.


Follow US

facebook youtube 32ins 32ins twitter 32ins 32ins

Most Viewed Stories