අයහපත් කාලගුණයෙන් 470 කට පීඩා.
2012 ජූලි 03 අඟහරුවාදා- පස්වරු 06:21
දිවයිනට බලපා ඇති අයහපත් කාලගුණ තත්ත්වය හේතුවෙන් පුද්ගලයින් 470 කට ආසන්න සංඛ්යාවක් පීඩාවට පත්වී තිබෙනවා. ආපදා කළමනාකරණ මධ්යස්ථානය සඳහන් කරන්නේ දිස්ත්රික්ක 7 කට පමණ ආපදා තත්ත්වයක් බලපා ඇති බවයි. වැඩිම පුද්ගලයින් සංඛ්යාවක් පීඩාවට පත්වී ඇත්තේ මඩකලපුව දිස්ත්රික්කයෙන්. වර්ෂා සහිත කාලගුණ තත්ත්වය හේතුවෙන් පුද්ගලයින් 8 දෙනෙකුද තුවාල ලබා තිබෙනවා. අධික සුළඟ හේතුවෙන් බලපිටිය, මාදු ගෙඟ්දී ඔරුවක් පෙරළීමෙන් එක් පුද්ගලයෙකු අතුරුදන්ව ඇති බවයි ආපදා කළමනාකරණ මධ්යස්ථානය සඳහන් කළේ. දිවයින පුරා බලපෑ අයහපත් කාලගුණ තත්ත්වයෙන් නිවාස 400 කට ආසන්න සංඛ්යාවකට සුළු වශයෙන් හානිවී තිබෙනවා. ගාල්ල ප්රදේශයට බලපෑ සුළං තත්වයක් හේතුවෙන් කරන්දෙණිය මධ්ය මහා විද්යාලයේ වහලයටද හානි වී ඇති බවයි ආපදා කළමනාකරණ මධ්යස්ථානය වැඩිදුරටත් සඳහන් කළේ.
කෙසේ වෙතත් අද (03) රාත්රී කාලයේදී හා හෙට දිනයේදී පළාත් 5 කට විටින් විට වැසි අපේක්ෂා කළ හැකි බව කාලගුණ විද්යා දෙපාර්තමේන්තුව පවසනවා. එහි කාර්යයේ නියුතු කාලගුණ විද්යාඥ ජීවන් කරුණාරත්න සඳහන් කළේ ඇතැම් ප්රදේශවලට වර්ෂාව සමග සුළං තත්ත්වයක්ද ඇතිවිය හැකි බවයි.
