එල්.ටී.ටී.ඊ. සාමාජිකයෙකු මුම්බායි ගුවන් තොටේදී අල්ලයි.

මුහුදු මාර්ගයෙන් තමිල්නාඩුවට ගොස් මුම්බායි හරහා කෙන්යාවේ නයිරෝබි බලා යාමට සූදානම් වූ හිටපු එල්.ටී.ටී.ඊ. සාමාජිකයෙකු ඉන්දීය පොලීසිය විසින් අත්අඩංගුවට ගෙන තිබෙනවා. වෘත්තියෙන් ඉංජිනේරුවෙකු වන මොහු පසුගිය මැයි 9 වැනිදා තමිල්නාඩුවේ වේදරානයම් වෙරළට ළඟාවී ඇති අතර එතැන් සිට හයිද්‍රාබාද් හරහා මුම්බායි නුවරට පැමිණ ඇත්තේ බස් රථයකින්. සතිෂ් කුමාර් නැමති මෙම එල්.ටී.ටී.ඊ. සාමාජිකයා අත්අඩංගුවට ගැනීම සඳහා ශ්‍රී ලංකාව විසින් ජාත්‍යන්තර පොලීසිය වෙතද දැනුම්දීමක් කර තිබූ බවයි ඉන්දීය මාධ්‍ය සඳහන් කළේ. ඔහු සතුව තිබූ ගමන් බලපත්‍රයේ සළකුණු ව්‍යාජ ඒවා බවද පරීක්ෂණවලදී හෙළිවී යැයි ඉන්දීය පොලීසිය ප්‍රකාශ කර තිබෙනවා.