ඔබාමාගේ අවිහරණ යෝජනාවට රුසියාව එරෙහිවෙයි.

තම රට න්‍යෂ්ටික අවි භාවිතය අවම කිරීමට පියවර ගත යුතු බවට ඇමරිකාව කර ඇති ප්‍රකාශය රුසියාව ප්‍රතික්ෂේප කරනවා. එරට උප අග්‍රාමාත්‍ය දිමිත්‍රි ග්ලොසරින් කියා සිටියේ ඇමරිකානු ජනාධිපති බැරැක් ඔබාමා තම රට තුළ න්‍යෂ්ටික අවි භාවිතය අවම කළ යුතු බවට කර ඇති ප්‍රකාශය විහිළු සහගත බවයි. එය ඔහු විසින් ප්‍රශ්නය තේරුම් නොගෙන හෝ ව්‍යාජ තත්ත්වයක් මවාපෑම සඳහා කරනු ලැබූ ප්‍රකාශයක් බවටද උප අගමැතිවරයා චෝදනා කළා. ජර්මනියේ සංචාරයක නිරත ඇමරිකානු ජනාධිපතිවරයා බර්ලින් නුවර විශේෂ හමුවකට එක්වෙමින් ඊයේ ප්‍රකාශ කළේ රුසියාව න්‍යෂ්ටික අවි භාවිතය තුනෙන් එකක් දක්වා අඩුකළ යුතු බවයි.