%E0%B6%B8%E0%B7%8F%E0%B6%BD%E0%B7%92%E0%B6%82%E0%B6%9C+%E0%B6%B8%E0%B7%92%E0%B6%9E%E0%B7%8A%E0%B6%BD%E0%B7%8A%E0%B7%83%E0%B7%99%E0%B6%9A%E0%B7%8A%E0%B7%83%E0%B7%8A+%E0%B6%B4%E0%B7%92%E0%B6%BD%E0%B6%A7%E0%B6%AD%E0%B7%8A.
Friday, 11 May 2012 - 13:11
මාලිංග මිඞ්ල්සෙක්ස් පිලටත්.
8

Shares
1,058

Views

එංගලන්තයේ පැවැත්වෙන අන්තර්සමාජ 20 - 20 තරඟාවලියේදී මිඞ්ල්සෙක්ස් පිල නියෝජනය කිරිම සඳහා ශ්‍රී ලංකා පිලේ වේග පන්දු යවන ක්‍රීඩක ලසිත් මාලිංග තෝරාගෙන තිබෙනවා. 28 හැවිරිදි මාලිංග මිඞ්ල්සෙක්ස් පිල සමග ගිවිසගෙන ඇති දෙවන ජාත්‍යන්තර ක්‍රීඩකයායි. මෙවර ඉන්දීය ප්‍රිමියර් ලීග් ක්‍රිකට් තරඟාවලියේ තරඟ 9 කට සහභාගි වී කඩුලූ 20ක් ලබා සිටින මාලිංග අයි.පී.එල්. තරඟාවලියේ දෙවන වැඩිම කඩුලූ ලාභියායි. ශ්‍රි ලංකාව සහ පාකිස්ථානය අතර මේ වසරේ ජූනි මාසයේ ශ්‍රී ලංකාවේ පැවැත්වෙන 20 - 20 සහ එක්දින තරඟාවලියෙන් පසු මාලිංග මිඞ්ල්සෙක්ස් කණ්ඩායමට එක්වනු ඇති. 20 - 20 තරඟ 106 කට සහභගි වී කඩුලූ 151 ක් බිඳ හෙළා ඇති මාලිංගගේ කඩුලූ ලබාගැනීමේ සාමාන්‍යය 16.40 ක්. පන්දු වාරයකට ඔහුගේ ලකුණු ලබාදීමේ සාමාන්‍යය 6.53 ක් ලෙසයි සටහන් වන්නේ. ලසිත් මාලිංග සිය කණ්ඩායමට එක්කරගැනීම සම්බන්ධයෙන් අදහස් දැක්වූ එංගලන්ත මිඞ්ල්සෙක්ස් ප්‍රාන්ත කණ්ඩායමේ ක්‍රිකට් අධ්‍යක්‍ෂ ඇන්ගස් ෆේ‍්‍රසර් කියා සිටියේ සිය කණ්ඩායමට ලොව හොඳම 20 - 20 පන්දු යවන්නාගේ සේවය හිමිවූ බවයි.

Make a Comment
Make a Comment

DOWNLOAD HIRUNEWS APP ON ANDROID & APPLE
You may also like :