பிரபல நகைச்சுவை நடிகர் 'அல்வா' வாசு காலமானார்

Friday, 18 August 2017 - 7:59

%E0%AE%AA%E0%AE%BF%E0%AE%B0%E0%AE%AA%E0%AE%B2+%E0%AE%A8%E0%AE%95%E0%AF%88%E0%AE%9A%E0%AF%8D%E0%AE%9A%E0%AF%81%E0%AE%B5%E0%AF%88+%E0%AE%A8%E0%AE%9F%E0%AE%BF%E0%AE%95%E0%AE%B0%E0%AF%8D+%27%E0%AE%85%E0%AE%B2%E0%AF%8D%E0%AE%B5%E0%AE%BE%27+%E0%AE%B5%E0%AE%BE%E0%AE%9A%E0%AF%81+%E0%AE%95%E0%AE%BE%E0%AE%B2%E0%AE%AE%E0%AE%BE%E0%AE%A9%E0%AE%BE%E0%AE%B0%E0%AF%8D
பிரபல நகைச்சுவை மற்றும் குணசித்திர நடிகர் ’அல்வா’ வாசு மதுரையில் நேற்று காலமானார்.

அவருக்கு வயது 57.மதுரை ஹார்விபட்டியைச் சேர்ந்தவர் ’அல்வா’ வாசு.

இயக்குனர் மணிவண்ணனிடம் உதவி இயக்குனராக பணியாற்றிய இவர், பின்னர் முழு நேர நடிகராக மாறினார்.

ரஜினிகாந்துடன் ‘அருணாச்சலம்’, சத்யராஜுடன் ‘அமைதிப்படை’ படங்களில் இவர் நடித்த காட்சிகள் பேசப்பட்டன.

வடிவேலுவுடன் இணைந்து ஏராளமான காமெடி காட்சிகளில் நடித்துள்ளார்.

900-க்கும் மேற்பட்ட படங்களில் நடித்துள்ள அல்வா வாசுவுக்கு கடந்த சில மாதங்களாக கல்லீரல் பிரச்னை இருந்தது.

இதற்காக மதுரையில் உள்ள தனியார் மருத்துவமனை ஒன்றில் சிகிச்சை பெற்று வந்தார்.

கடந்த சில நாட்களுக்கு முன் மருத்துவர்கள் கைவிட்டதால் வீட்டுக்கு கொண்டுசெல்லப்பட்டார். அங்கு நேற்றிரவு இறந்தார்.

அவருடைய இறுதி சடங்கு இன்று இடம்பெறவுள்ளது.