4 වන තරගය සහ එක්දින තරගාවලිය එංගලන්තය ජය ගනී

Saturday, 20 October 2018 - 17:09

4+%E0%B7%80%E0%B6%B1+%E0%B6%AD%E0%B6%BB%E0%B6%9C%E0%B6%BA+%E0%B7%83%E0%B7%84+%E0%B6%91%E0%B6%9A%E0%B7%8A%E0%B6%AF%E0%B7%92%E0%B6%B1+%E0%B6%AD%E0%B6%BB%E0%B6%9C%E0%B7%8F%E0%B7%80%E0%B6%BD%E0%B7%92%E0%B6%BA+%E0%B6%91%E0%B6%82%E0%B6%9C%E0%B6%BD%E0%B6%B1%E0%B7%8A%E0%B6%AD%E0%B6%BA+%E0%B6%A2%E0%B6%BA+%E0%B6%9C%E0%B6%B1%E0%B7%93
ශ්‍රී ලංකාව සහ එංගලන්තය අතර, මහනුවර පල්ලෙකැලේ ක්‍රීඩාංගනයේ අද පැවති 4 වන එක්දින තරගය ඩක්වත් ලූවිස් න්‍යාය අනුව එංගලන්ත කණ්ඩායම ලකුණු 18 කින් ජය ගත්තා.

කාසියේ වාසිය දිනා ගත් එංගලන්තය පළමුව පන්දුවට පහරදීමට ශ්‍රී ලංකා කණ්ඩායමට ආරාධනා කළ අතර, ඒ අනුව, නියමිත පන්දුවාර අවසානයේ ශ්‍රී ලංකා පිල කඩුලූ 7 ක් දැවී ලබා ගත් ලකුණු සංඛ්‍යාව 273 ක්.

එහිදී දසුන් ශානක ලකුණු 66 ක් රැස් කළ අතර නිරෝෂන් දික්වැල්ල ලකුණු 52 ක් ලබා ගත්තා.

ලකුණු 274 ක ජයග්‍රාහී ඉලක්කයක් හඹා ගිය එංගලන්ත කණ්ඩායම පන්දුවාර 27 කදී කඩුලූ 2 ක් දැවී ලකුණු 132 ක් ලබා සිටියදී තරගයට වර්ෂාවෙන් බාධා එල්ල වුණා.

ඒ අනුව ඩක්වත් ලූවිස් න්‍යාය මත ජයග්‍රහණය හිමිවුණේ එංගලන්ත කණ්ඩායමටයි.

ඒ අනුව 3 ට බින්දුවක් ලෙස තරගාවලියේ ජයග්‍රහණය ද එංගලන්ත කණ්ඩායමට හිමි වනවා.