Hirunews Logo
%E0%AE%95%E0%AE%BF%E0%AE%B4%E0%AE%95%E0%AF%8D%E0%AE%95%E0%AF%81+%E0%AE%AA%E0%AE%B2%E0%AF%8D%E0%AE%95%E0%AE%B2%E0%AF%88%E0%AE%95%E0%AF%8D%E0%AE%95%E0%AE%B4%E0%AE%95+%E0%AE%95%E0%AE%B2%E0%AF%8D%E0%AE%B5%E0%AE%BF+%E0%AE%A8%E0%AE%9F%E0%AE%B5%E0%AE%9F%E0%AE%BF%E0%AE%95%E0%AF%8D%E0%AE%95%E0%AF%88%E0%AE%95%E0%AE%B3%E0%AF%8D+%E0%AE%AE%E0%AF%80%E0%AE%A3%E0%AF%8D%E0%AE%9F%E0%AF%81%E0%AE%AE%E0%AF%8D+%E0%AE%86%E0%AE%B0%E0%AE%AE%E0%AF%8D%E0%AE%AA%E0%AE%AE%E0%AF%8D
Sunday, 17 September 2017 - 16:09
கிழக்கு பல்கலைக்கழக கல்வி நடவடிக்கைகள் மீண்டும் ஆரம்பம்
357

Views
கிழக்குப் பல்கலைக் கழகம் வந்தாறுமூலை வளாகத்தில் கடந்த 3 மாதங்களாக இடம்பெற்றுவந்த அசாதாரண சூழ்நிலை முடிவுக்குக் கொண்டு வரப்பட்டதையடுத்து கிழக்குப் பல்கலைக்கழகம் இறுதியாண்டு மாணவர்களின் கல்வி நடவடிக்கைகளுக்காக செப்டம்பர் 19ஆம் திகதி ஆரம்பமாகுமென்று கிழக்குப் பல்கலைக்கழக பிரதி உப வேந்தர் வைத்திய கலாநிதி கே.ஈ. கருணாகரன் இன்று தெரிவித்தார்.

ஆகையால், குறிப்பிட்ட இறுதியாண்டு மாணவர்கள் திங்கட்கிழமை 18ஆம் திகதி மீண்டும் பல்கலைக்கழகத்துக்கு வந்து விட வேண்டும் என்றும் நிர்வாகம் எதிர்பார்ப்பதாக அவர் மேலும் தெரிவித்தார்.

இதேவேளை முதலாம் , இரண்டாம் , மூன்றாம்  ஆகிய அனைத்து ஆண்டுகளையும் சேர்ந்த மாணவர்களின் அனைத்து கல்வி நடவடிக்கைகளும் ஒக்டோபர் 02ஆம் திகதி ஆரம்பமாகுமென்றும் அவர் கூறினார்.

கிழக்குப் பல்கலைக் கழகம் வந்தாறுமூலை வளாகத்தில் கடந்த 3 மாதங்களாக இடம்பெற்றுவந்த அசாதாரண சூழ்நிலையை முடிவுக்குக் கொண்டு வரும் வகையில் கடந்த 08ம் திகதியன்று கிழக்குப் பல்கலைக்கழகப் பேரவை, மத்தியஸ்த குழு மற்றும் மாணவர் பிரதிநிதிகள் ஆகியோருக்கிடையில் இடம்பெற்ற முத்தரப்புப் பேச்சுவார்த்தையின் விளைவாக அனைத்துத் தரப்பினரும் தீர்மான அடிப்படையில் முடிவை எட்டியதையடுத்து மீண்டும் பல்கலைக் கழகம் கல்வி நடவடிக்கைகளுக்காக தற்போது திறக்கப்படுகிறது.

கிழக்குப் பல்கலைக்கழகத்தில் அசாதாரண நிலைமை தீவிரமடைந்ததையடுத்து அனைத்து கல்வி நடவடிக்கைகளும் மறு அறிவித்தல் வரை இடைநிறுத்தப்பட்டு அனைத்து பீட மாணவர்களும் அப்பல்கலைக்கழகத்திலிருந்து கடந்த மாதம் 18ம் திகதியன்று  நண்பகலுடன் வெளியேற வேண்டும் என்ற உத்தரவு பிறப்பிக்கப்பட்டிருந்ததாக கிழக்குப் பல்கலைக்கழக பதிவாளர் ஏ.எல். ஜவ்பர் சாதிக் தெரிவித்தார்.

அதன் பின்னர் பல்கலைக் கழகம் மீண்டும் கல்வி நடவடிக்கைகளுக்காகத் தற்போது திறக்கப்படுவதாகவும் அவர் கூறினார்.
Make a Comment
Make a Comment

DOWNLOAD HIRUNEWS APP ON ANDROID & APPLE
News Image
Hiru News Programme Segments
4,996 Views
5,897 Views
844 Views
12,464 Views
1,213 Views
8,796 Views
Top