நேற்று நள்ளிரவு முதல் அமுலாகும் வகையில் லங்கா ஐ.ஓ.சி நிறுவனமும் தமது எரிபொருட்களின் விலைகளை குறைத்துள்ளது.

நிதிஅமைச்சின் ஆலோசனைக்கு அமைய இலங்கை கனியவளக் கூட்டுத்தாபனத்தின் 92 ஒக்டேன் மற்றும் 95 ஒக்டேன் ரக பெற்றோல் லீற்றர் ஒன்றின் விலை 5 ரூபாவினால் குறைக்கப்பட்டுள்ளது.

அத்துடன், சுப்பர் டீசல் மற்றும் ஒட்டோ டீசல் லீற்றர் ஒன்றின் விலையும் 5 ரூபாவினால் குறைக்கப்பட்டுள்ளதாக அறிவிக்கப்பட்டுள்ளது.

இதற்கமைய, இலங்கை இந்திய எண்ணெய்க் கூட்டுத்தாபனமும் தமது பெற்றோல் மற்றும் டீசல் விலைகளை குறைத்துள்ளதாக அறிவித்துள்ளது.

இதன்படி லங்கா ஒட்டோ டீசல் 7 ரூபாவால் குறைக்கப்பட்டு புதிய விலை 111 ரூபாவாக நிலவுகிறது.

92 ஒக்டேயின் ரக பெற்றோல் 5 ரூபால் குறைக்கப்பட்டு புதிய விலை 148 ரூபாவாக நிலவுகிறது.

லங்கா சுப்பர் டீசல் யூரோ 4 மற்றும் எக்ஸ்ட்ரா ப்ரீமியம் 95 ஒக்டேயின் பெற்றோல் என்பன லீற்றருக்கு 5 ரூபாய் என்ற அடிப்படையில் குறைக்கப்பட்டுள்ளது.

இதன்படி லங்கா சுப்பர் டீசல் யூரோ 4வின் புதிய விலை லீற்றர் 136 ரூபாவாகவும், எக்ஸ்ட்ரா ப்ரீமியம் 95 ஒக்டேயின் பெற்றோல் லீற்றர் ஒன்றின் புதிய விலை 167 ரூபாவாகவும் நிலவுகிறது.