පොඩි වාහන අඩුවෙයි - හයිබ්‍රිඩ් වැඩිවෙයි

Friday, 30 January 2015 - 13:11

%E0%B6%B4%E0%B7%9C%E0%B6%A9%E0%B7%92+%E0%B7%80%E0%B7%8F%E0%B7%84%E0%B6%B1+%E0%B6%85%E0%B6%A9%E0%B7%94%E0%B7%80%E0%B7%99%E0%B6%BA%E0%B7%92+-++%E0%B7%84%E0%B6%BA%E0%B7%92%E0%B6%B6%E0%B7%8A%E2%80%8D%E0%B6%BB%E0%B7%92%E0%B6%A9%E0%B7%8A+%E0%B7%80%E0%B7%90%E0%B6%A9%E0%B7%92%E0%B7%80%E0%B7%99%E0%B6%BA%E0%B7%92
අතුරු අයවැයෙන් වාහන බදු සංශෝධනය කිරීම නිසා එන්ජින් ධාරිතාව 1000 ට අඩු වාහනවල මිල රුපියල් එක්ලක්ෂ 50,000 කින් පමණ අඩු වනු ඇතැයි ලංකා වාහන ආනයනකරුවන්ගේ සංගමය ප්‍රකාශ කළා. කෙසේ නමුත්, හයිබ්‍රිඩ් හෙවත් දෙමුහුන් වර්ගයේ වාහන සඳහා පැවති බදු ප්‍රතිශත ඉහළ දැමීම නිසා ඒවායේ මිල ගණන් රුපියල් ලක්ෂ 8 ත් 10 ත් අතර මිලකින් ඉහළ යනු ඇති බවයි එම සංගමයේ සභාපති ඉන්දික සම්පත් මෙරෙන්චිගේ ප්‍රකාශ කළේ. මෙලෙස දෙමුහුන් වර්ගයේ වාහනවලට ඉහළ බදු ප්‍රතිශතයක් පැනවීමට ගෙන ඇති තීරණය පිළිබඳව අද දිනයේ මුදල් අමාත්‍යවරයා සමඟ සාකච්ඡා කිරීමට බලාපොරොත්තු වන බව ද ඔහු සඳහන් කළා. අතුරු අයවැයෙන් වාහනවල ක්ෂයවීමේ වගුව ඉවත් කිරීමට ද යෝජනා කර තිබෙනවා. මේ නිසා ඉදිරියේදී පාවිච්චි කරන ලද වාහන මිල ගණන්වල වෙනස්වීමක් ද අපේක්ෂා කරන බවයි ලංකා වාහන ආනයනකරුවන්ගේ සභාපතිවරයා කියා සිටියේ.