Update: ලක්ෂ 8 ක ගෙවන්න ආතාවුද එකඟ වෙයි

Wednesday, 11 February 2015 - 11:38

Update%3A+%E0%B6%BD%E0%B6%9A%E0%B7%8A%E0%B7%82+8+%E0%B6%9A+%E0%B6%9C%E0%B7%99%E0%B7%80%E0%B6%B1%E0%B7%8A%E0%B6%B1+%E0%B6%86%E0%B6%AD%E0%B7%8F%E0%B7%80%E0%B7%94%E0%B6%AF+%E0%B6%91%E0%B6%9A%E0%B6%9F+%E0%B7%80%E0%B7%99%E0%B6%BA%E0%B7%92
වරකාපොල - කොහොඹදෙණිය ප්‍රදේශයේ පානීය ජල ව්‍යාපෘතියට කඩා පැන සිදුකළ හානිය වෙනුවෙන් රුපියල් ලක්ෂ 8 ක වන්දි මුදලක් ගෙවීමට හිටපු ජ්‍යෙෂ්ඨ අමාත්‍ය අතාවුද සෙනෙවිරත්න ඇතුළු විත්තිකරුවන් 19 දෙනෙකු අද (11) එකඟතාවය පළ කළා. ඒ මීට අදාල නඩුව වරකාපොල ප්‍රධාන මහේස්ත්‍රාත් තරංගමාල් උද්දාල සුවන්දුරුගොඩ ඉදිරියේ කැඳවූ අවස්ථාවේදීයි.

2012 වසරේ ජුනි 6 වැනිදා මෙම සිද්ධිය වාර්තා වූ අතර, එමගින් රුපියල් ලක්ෂ 10 කට වැඩි අලාභයක් අදාළ පානීය ජල ව්‍යාපෘතියට සිදුවී තිබුණා. ඒ සම්බන්ධයෙන් නීතිපතිවරයා, හිටපු ජ්‍යෙෂ්ඨ අමාත්‍ය අතාවුද සෙනෙවිරත්න ඇතුළු විත්තිකරුවන් 19 දෙනෙකුට නඩු පවරා තිබුණේ චෝදනා 5 ක් යටතේයි. අද මෙම නඩුව කැඳවූ අවස්ථාවේදී විත්තිකාර පාර්ශවය වෙනුවෙන් පෙනී සිටි නීතීඥයින් අධිකරණය හමුවේ කියා සිටියේ අදාළ නඩුව සමතයකට පත් කර ගැනීමට සූදානම් බවයි. රුපියල් ලක්ෂ 8 ක වන්දි මුදලක් ගෙවන්නේ නම් නඩුව සමතයකට පත් කර ගැනීමට සූදානම් බව අගතියට පත් පාර්ශවය වෙනුවෙන් පෙනී සිටි නීතීඥ අමල් රන්දෙණිය මෙහිදී සඳහන් කළා. ඒ අනුවයි දෙපාර්ශවය මෙම නඩුව සමතයකට පත් කර ගැනීම සඳහා එකඟතාවය පළ කළේ.

Update: Wednesday, 11 February 2015 - 01:21 PM
................................................................


වරකාපොල - කොහොඹදෙණිය ප්‍රදේශයේ පානීය ජල ව්‍යාපෘතියට සිදුවූ හානිය සඳහා රුපියල් ලක්ෂ 8 ක වන්දි මුදලක් ගෙවීමට හිටපු ජ්‍යෙෂ්ඨ අමාත්‍ය අතාවුද සෙනෙවිරත්න ඇතුළු විත්තිකරුවන් 19 දෙනෙකු අද එකඟතාවය පළ කළා. ඒ මීට අදාල නඩුව වරකාපොල ප්‍රධාන මහේස්ත්‍රාත් තරංගමාල් උද්දාල සුවන්දුරුගොඩ ඉදිරියේ කැඳවූ අවස්ථාවේදීයි. 2012 වසරේ ජුනි 6 වැනිදා මෙම සිද්ධිය වාර්තා වූ අතර, එමගින් රුපියල් ලක්ෂ 10 කට වැඩි අලාභයක් අදාළ පානීය ජල ව්‍යාපෘතියට සිදුවී තිබුණා. ඒ සම්බන්ධයෙන් නීතිපතිවරයා, හිටපු ජ්‍යෙෂ්ඨ අමාත්‍ය අතාවුද සෙනෙවිරත්න ඇතුළු විත්තිකරුවන් 19 දෙනෙකුට නඩු පවරා තිබුණේ චෝදනා 5 ක් යටතේයි. අද මෙම නඩුව කැඳවූ අවස්ථාවේදී විත්තිකාර පාර්ශවය වෙනුවෙන් පෙනී සිටි නීතීඥයින් අධිකරණය හමුවේ කියා සිටියේ අදාළ නඩුව සමතයකට පත් කර ගැනීමට සූදානම් බවයි. රුපියල් ලක්ෂ 8 ක වන්දි මුදලක් ගෙවන්නේ නම් නඩුව සමතයකට පත් කර ගැනීමට සූදානම් බව අගතියට පත් පාර්ශවය වෙනුවෙන් පෙනී සිටි නීතීඥ අමල් රන්දෙණිය මෙහිදී සඳහන් කළා.