Update: නව යුද හමුදාපති මේජර් ජෙනරාල් ක්‍රිශාන්ත ද සිල්වා

Friday, 20 February 2015 - 14:42

Update%3A+%E0%B6%B1%E0%B7%80+%E0%B6%BA%E0%B7%94%E0%B6%AF+%E0%B7%84%E0%B6%B8%E0%B7%94%E0%B6%AF%E0%B7%8F%E0%B6%B4%E0%B6%AD%E0%B7%92+%E0%B6%B8%E0%B7%9A%E0%B6%A2%E0%B6%BB%E0%B7%8A+%E0%B6%A2%E0%B7%99%E0%B6%B1%E0%B6%BB%E0%B7%8F%E0%B6%BD%E0%B7%8A+%E0%B6%9A%E0%B7%8A%E2%80%8D%E0%B6%BB%E0%B7%92%E0%B7%81%E0%B7%8F%E0%B6%B1%E0%B7%8A%E0%B6%AD+%E0%B6%AF+%E0%B7%83%E0%B7%92%E0%B6%BD%E0%B7%8A%E0%B7%80%E0%B7%8F
ශ්‍රී ලංකා යුද හමුදාවේ 21 වන යුද හමුදාපතිවරයා ලෙස මේජර් ජෙනරාල් ක්‍රිශාන්ත ද සිල්වා පත් කර තිබෙනවා. නව යුද හමුදාපතිවරයා අද (20) පෙරවරුවේ ජනාධිපති මෛත්‍රීපාල සිරිසේන අතින් ජනාධිපති කාර්යාලයේදී සිය පත්වීමේ ලිපිය ලබා ගත්තා. කොළඹ රාජකීය විද්‍යාලයේ ආදි සිසුවෙකු වන මේජර් ජෙනරාල් ක්‍රිශාන්ත ද සිල්වා ශ්‍රී ලංකා යුද හමුදාවේ වසර 36ක සේවා කාලයක් සම්පූර්ණ කර ඇති අතර 2013 වසරේ අගෝස්තු මාසයේ සිට පසුගිය වසරේ මැයි මාසය දක්වා ඔහු යුද හමුදා මාණ්ඩලික ප්‍රධානියා ලෙස ද කටයුතු කළා. එසේම ඊට පෙර ඔහු ශ්‍රී ලංකා යුද හමුදා ස්වේච්ඡා බල සේනාවේ සේනාධිනායකයා ලෙස ද කටයුතු කර තිබෙනවා.

මේ අතර, නව යුද හමුදාපතිවරයාගේ පත්වීම අනිද්දා සිට ක්‍රියාත්මක වන බව ශ්‍රී ලංකා යුද හමුදා වෙබ් අඩවිය ප්‍රකාශ කළා.