ආසියානු මාධ්‍ය ජාලයේ සභාපති රේනෝ සිල්වා මහතා, උපන් දිනය සමරයි

Monday, 22 June 2015 - 20:30

%E0%B6%86%E0%B7%83%E0%B7%92%E0%B6%BA%E0%B7%8F%E0%B6%B1%E0%B7%94+%E0%B6%B8%E0%B7%8F%E0%B6%B0%E0%B7%8A%E2%80%8D%E0%B6%BA+%E0%B6%A2%E0%B7%8F%E0%B6%BD%E0%B6%BA%E0%B7%9A+%E0%B7%83%E0%B6%B7%E0%B7%8F%E0%B6%B4%E0%B6%AD%E0%B7%92+%E0%B6%BB%E0%B7%9A%E0%B6%B1%E0%B7%9D+%E0%B7%83%E0%B7%92%E0%B6%BD%E0%B7%8A%E0%B7%80%E0%B7%8F+%E0%B6%B8%E0%B7%84%E0%B6%AD%E0%B7%8F%2C+%E0%B6%8B%E0%B6%B4%E0%B6%B1%E0%B7%8A+%E0%B6%AF%E0%B7%92%E0%B6%B1%E0%B6%BA+%E0%B7%83%E0%B6%B8%E0%B6%BB%E0%B6%BA%E0%B7%92
ආසියානු මාධ්‍ය ජාලයේ සභාපති රේනෝ සිල්වා මහතා අද සිය උපන් දිනය සමරනු ලැබුවා. හිරු ටී.වී., හිරු එෆ්.එම්., සන් එෆ්.එම්., ගොල්ඩ් එෆ්.එම්., සූරියන් එෆ්.එම්., ෂා එෆ්.එම්. හි සියලූ අධ්‍යක්ෂවරුන්, අංශ ප්‍රධානීන්, ජ්‍යෙෂ්ඨ කළමනාකරුවන් සහ කාර්ය මණ්ඩලය, ලෝක වෙළඳ මධ්‍යස්ථානයේ පිහිටි ආසියානු මාධ්‍ය ජාලයේ ප්‍රධාන කාර්යාලයට රැස්වුණේ තම සභාපතිවරයාට සුබ පැතුම් එක් කිරීමටයි. ඒ සඳහා චාම් සහ ගාම්භීර උත්සවයක් ද සංවිධාන කර තිබුණා.  

ආසියානු මාධ්‍ය ජාලයේ සභාපති රේනෝ සිල්වා, මාධ්‍ය සන්නිවේදන ක්ෂේත්‍රයේ අතිශය අත්දැකීම් බහුල අයෙක්. රසාස්වාදය උදෙසා වූ ගුවන් විදුලි සහ රූපවාහිනීකරණය තුළ ප්‍රමුඛයා වන්නේ ද ඔහුයි.

වයස අවුරුදු 24දී ශ්‍රී ලංකාවේ විශාලතම පෞද්ගලික ගුවන් විදුලි නාලිකාව ආරම්භ කළ රේනෝ සිල්වා මහතා මේ වන විට මෙරට උසස්ම සහ කීර්තිමත්ම ව්‍යාපාරියෙකු ද වනවා. ඔහු මේ වන විට මෙරට ගුවන් විදුලි සහ රූපවාහිනී ක්ෂේත්‍රයේ සෙසු පිරිස අතරින් ජ්‍යෙෂ්ඨතම පෞරුෂයට හිමිකම් කීම ද විශේෂත්වයක්.   

වර්තමානය වන විට හිරු එෆ්.එම්., සන් එෆ්.එම්., ගොල්ඩ් එෆ්.එම්., සූරියන් එෆ්.එම්., ෂා එෆ්.එම්. සහ හිරු ටී.වී. සාර්ථකම සහ ජනප්‍රියතම මාධ්‍ය නාලිකා බවට පත්ව අවසන්. මෙම මාධ්‍ය නාලිකා සියල්ලම අංක එක බවට පත්ව ඇත්තේ අති විශාල ශ්‍රාවක ප්‍රේක්ෂකයන්ගේ ජනප්‍රියතම නාලිකා බවට පත්වීම හේතුවෙන්. විශ්වසනීය, ශ්‍රාවක සහ ප්‍රේක්ෂක පිරිස ආසියානු මාධ්‍ය ජාලයේ සිටින වටිනාම වත්කමයි.

මේ මොහොතේ ආයතනයේ සියලූ කාර්ය මණ්ඩලය ආසියානු මාධ්‍ය ජාලයේ සභාපතිවරයාට සුබ උපන් දිනයක් ප්‍රාර්ථනා කරන අතරම, සුබ අනාගතයකට ද පැතුම් එක් කරන්නේ හෘදයාංගමවයි.