පුංචි ඡන්දය කොට්ඨාශ ක්‍රමයට බෑ - එජාප කෘත්‍යාධිකාරී මණ්ඩලයට යෝජනාවක්

Tuesday, 22 September 2015 - 8:05

%E0%B6%B4%E0%B7%94%E0%B6%82%E0%B6%A0%E0%B7%92+%E0%B6%A1%E0%B6%B1%E0%B7%8A%E0%B6%AF%E0%B6%BA+%E0%B6%9A%E0%B7%9C%E0%B6%A7%E0%B7%8A%E0%B6%A8%E0%B7%8F%E0%B7%81+%E0%B6%9A%E0%B7%8A%E2%80%8D%E0%B6%BB%E0%B6%B8%E0%B6%BA%E0%B6%A7+%E0%B6%B6%E0%B7%91+-+%E0%B6%91%E0%B6%A2%E0%B7%8F%E0%B6%B4+%E0%B6%9A%E0%B7%98%E0%B6%AD%E0%B7%8A%E2%80%8D%E0%B6%BA%E0%B7%8F%E0%B6%B0%E0%B7%92%E0%B6%9A%E0%B7%8F%E0%B6%BB%E0%B7%93+%E0%B6%B8%E0%B6%AB%E0%B7%8A%E0%B6%A9%E0%B6%BD%E0%B6%BA%E0%B6%A7+%E0%B6%BA%E0%B7%9D%E0%B6%A2%E0%B6%B1%E0%B7%8F%E0%B7%80%E0%B6%9A%E0%B7%8A
ඉදිරි පළාත් පාලන මැතිවරණය කොට්ඨාශ ක්‍රමයට නොව සමානුපාතික නියෝජන ක්‍රමය යටතේ පවත්වන ලෙස එක්සත් ජාතික පක්ෂය ඉල්ලීමක් කරනවා. ඊයේ (21) පැවැති එම පක්ෂ කෘත්‍යාධිකාරී මණ්ඩල රැස්වීමේදී ඒ සඳහා ඒකමතික යෝජනාවක් ඉදිරිපත් වූ බවයි එක්සත් ජාතික පක්ෂ නියෝජ්‍ය මහලේකම්, අමාත්‍ය අකිල විරාජ් කාරියවසම් ප්‍රකාශ කළේ. එමෙන්ම ඉදිරි මැතිවරණවලදී එක්සත් ජාතික පක්ෂයේ කාන්තා නියෝජනය 20% දක්වා ඉහළ නැංවීම සඳහා ද යෝජනාවක් ඉදිරිපත් වී තිබෙනවා.

පසුගිය මහමැතිවරණයේදී මෙන් අනෙකුත් පක්ෂ සමඟ සන්ධානගතව පළාත් පාලන මැතිවරණයට ඉදිරිපත්වීම සම්බන්ධයෙන් සාකච්ඡා කිරීම සඳහා කෘත්‍යාධිකාරී මණ්ඩලය මගින් පක්ෂ නායක, මහලේකම්වරයා සහ එහි සභාපතිවරයාට බලය පැවරීම ද එහිදී සිදුවුණා. කෘත්‍යාධිකාරී මණ්ඩල රැස්වීම සිරිකොත පක්ෂ මූලස්ථානයේදී ඊයේ (21) පස්වරුවේ පැවැත්වුණේ එක්සත් ජාතික පක්ෂ නායක, අග්‍රාමාත්‍ය රනිල් වික්‍රමසිංහගේ ප්‍රධානත්වයෙන්.