ඇඹිලිපිටියේ තරුණයාගේ මරණයට හේතුව අනාවරණ වෙයි

Friday, 19 February 2016 - 11:36

%E0%B6%87%E0%B6%B9%E0%B7%92%E0%B6%BD%E0%B7%92%E0%B6%B4%E0%B7%92%E0%B6%A7%E0%B7%92%E0%B6%BA%E0%B7%9A+%E0%B6%AD%E0%B6%BB%E0%B7%94%E0%B6%AB%E0%B6%BA%E0%B7%8F%E0%B6%9C%E0%B7%9A+%E0%B6%B8%E0%B6%BB%E0%B6%AB%E0%B6%BA%E0%B6%A7+%E0%B7%84%E0%B7%9A%E0%B6%AD%E0%B7%94%E0%B7%80+%E0%B6%85%E0%B6%B1%E0%B7%8F%E0%B7%80%E0%B6%BB%E0%B6%AB+%E0%B7%80%E0%B7%99%E0%B6%BA%E0%B7%92
ඇඹිලිපිටියේ නිවසක පැවති සාදයකදී පොලිසිය සමඟ ඇති වූ ගැටුමකින් පසු තරුණයෙකු මියයාමට හේතුව කැපීම් හේතුවෙන් අතකින් අධික ලෙස රුධිර වහනය වීම සහ කම්පන තත්ත්වයක් බව අධිකරණයේදී අද (19) ප්‍රකාශයට පත් කෙරුණා.

රත්නපුර මහරෝහලේ අධිකරණ වෛද්‍ය නිලධාරි ටී.බී ගුණතිලක මේ සම්බන්ධයෙන් ගොනුකළ වාර්තාව ඊයේ ඇඹිලිපිටිය මහේස්ත්‍රාත් අධිකරණය වෙත ඉදිරිපත් කර තිබූ අතර ඒ පිළිබඳ මහේස්ත්‍රාත්වරයාගේ තීන්දුවයි අද ප්‍රකාශයට පත් කෙරුණේ.

මියගිය තරුණයාගේ ශරීරයේ කැපීම් තුවාල රැසක් දක්නට ලැබුණු බවත්, ඒවායින් අධික ලෙස රුධිරය වහනය වී ඇති බවත්, අධිකරණ වෛද්‍යවරයා විසින් නිරීක්ෂණය කර තිබෙනවා.

කම්පන තත්ත්වය ද ඊට හේතුවී ඇති බව අධිකරණ වෛද්‍ය නිලධාරිවරයා ඉදිරිපත් කර වාර්තාවේ සඳහන්.

ඇඹිලිපිටිය අතිරේක මහේස්ත්‍රාත් ප්‍රසන්න ප්‍රනාන්දු මෙහිදී අපරාධ පරීක්ෂණ දෙපාර්තමේන්තුවට නියෝග කළේ මෙම සිද්ධියේදී යම් අපරාධයක් සිදුවී ඇත්නම් ඒ පිළිබඳ සොයා බලා අධිකරණයට කරුණු වාර්තා කරන ලෙසයි.

ඇඹිලිපිටිය - මහඇල ප්‍රදේශයේ පැවති සාදයක් අතරතුර පොලීසිය සමඟ ඇතිවූ ගැටුමකින් සුමිත් ප්‍රසන්න මියගියේ පසුගිය ජනවාරි මස 7 වනදායි.

මේ අතර සිද්ධියට අදාළව අත්අඩංගුවට ගැනුනු ඇඹිලිපිටිය හිටපු පොලිස් අධිකාරී ඞී.සී. ධර්මරත්න මාර්තු මස 2 වනදා දක්වා යළි රක්ෂිත බන්ධනාගාර ගත කෙරුණා.





නුවරඑළිය දිස්ත්‍රික්කයේ ජයත් ශ්‍රී ලංකා පොදුජන පෙරමුණ තහවුරු කරගනී
Thursday, 06 August 2020 - 21:20

නුවරඑළිය දිස්ත්‍රික්කයේ සමස්ත ප්‍රතිඵලය ද මේවනවිට නිකුත්වී... Read More

ඉන්දීය අගමැති, අගමැති මහින්දට සුබ පතයි
Thursday, 06 August 2020 - 21:09

ඉන්දීය අග්‍රාමාත්‍ය නරේන්ද්‍ර මෝදි, අග්‍රාමාත්‍ය මහින්ද... Read More

ප්‍රකාශිත ප්‍රතිඵල අනුව පොහොට්ටුව ඉදිරියෙන් - දුරකතනය දෙවන බලවේගය වේ
Thursday, 06 August 2020 - 20:47

2020 පාර්ලිමේන්තු මැතිවරණයේ මෙතෙක් ප්‍රකාශිත ප්‍රතිඵල වලට... Read More