මන්නාරම මිනීවල අසල පාළු ළිඳේ කැණීම් කල් යයි

Saturday, 20 February 2016 - 13:09

%E0%B6%B8%E0%B6%B1%E0%B7%8A%E0%B6%B1%E0%B7%8F%E0%B6%BB%E0%B6%B8+%E0%B6%B8%E0%B7%92%E0%B6%B1%E0%B7%93%E0%B7%80%E0%B6%BD+%E0%B6%85%E0%B7%83%E0%B6%BD+%E0%B6%B4%E0%B7%8F%E0%B7%85%E0%B7%94+%E0%B7%85%E0%B7%92%E0%B6%B3%E0%B7%9A+%E0%B6%9A%E0%B7%90%E0%B6%AB%E0%B7%93%E0%B6%B8%E0%B7%8A+%E0%B6%9A%E0%B6%BD%E0%B7%8A+%E0%B6%BA%E0%B6%BA%E0%B7%92
මන්නාරම - තිරුකේතීස්වරම් ප්‍රදේශයේ මීට වසර 4 කට පෙර හමුවූ සමූහ මිනීවල ආසන්නයේ පාළු ළිඳක මිනිස් අස්ථි කොටස් සොයා සිදුකළ කැණීම් අප්‍රේල් 4 වනදා දක්වා කල් දමා තිබෙනවා.

අධිකරණ නිලධාරින්  සහ පොලිසිය ළිඳ තුළ කැණීම් කටයුතු ආරම්භ කළ ද එහි ජලය පිරීම හේතුවෙන් පතුල දක්වා කැණීම් සිදුකිරීමට නොහැකි වූ බව මන්නාරම අධිකරණයේ නීතිඥවරයෙකු දැනුම් දුන්නා.

මේ අනුව, ළිඳ අසල වෙනත් ස්ථානයක වළක් හාරා ළිඳේ ජලය ඉවත් කොට අප්‍රේල් 4 වනදා සිට නැවත කැණීම් ආරම්භ කරන ලෙසයි අධිකරණය නියෝග කළේ.

මීට වසර 4 කට පෙර ළිඳ ආසන්නයේ සමූහ මිනීවලක තිබී මිනිස් අස්ථි කොටස් 96 ක් සොයාගත්තා.

ඒවා මේ වනවිට අනුරාධපුර ශික්ෂණ රෝහලේ ඞී. එන්. ඒ. පරීක්ෂාවක් සඳහා තැන්පත් කර තිබෙනවා.

කෙසේ වෙතත්  මන්නාරම - තිරුකේතීස්වරම් ප්‍රදේශයේ පිහිටි මෙම ළිඳෙහි අතුරුදන්වූවන්ගේ අස්ථි කොටස් තිබිය හැකි බවට ඔවුන්ගේ ඥාතීන් මන්නාරම අධිකරණයට සිදුකළ පැමිණිල්ලක් අනුවයි මෙම කැණීම් කටයුතු ඊයේ දිනයේ ආරම්භ වුණේ.