තාජුඩීන්ගේ පරීක්ෂණය ඉක්මන් කරන්නැයි අධිකරණයෙන් නියෝග

Wednesday, 23 March 2016 - 12:41

%E0%B6%AD%E0%B7%8F%E0%B6%A2%E0%B7%94%E0%B6%A9%E0%B7%93%E0%B6%B1%E0%B7%8A%E0%B6%9C%E0%B7%9A+%E0%B6%B4%E0%B6%BB%E0%B7%93%E0%B6%9A%E0%B7%8A%E0%B7%82%E0%B6%AB%E0%B6%BA+%E0%B6%89%E0%B6%9A%E0%B7%8A%E0%B6%B8%E0%B6%B1%E0%B7%8A+%E0%B6%9A%E0%B6%BB%E0%B6%B1%E0%B7%8A%E0%B6%B1%E0%B7%90%E0%B6%BA%E0%B7%92+%E0%B6%85%E0%B6%B0%E0%B7%92%E0%B6%9A%E0%B6%BB%E0%B6%AB%E0%B6%BA%E0%B7%99%E0%B6%B1%E0%B7%8A+%E0%B6%B1%E0%B7%92%E0%B6%BA%E0%B7%9D%E0%B6%9C
රග්බි ක්‍රීඩක වසීම් තාජුඞීන්ගේ ඝාතනය සම්බන්ධයෙන් සිදු කෙරෙන පරීක්ෂණවල ප්‍රගතිය වාර්තා කිරීමට මාස 2 ක කාලයක් ලබාදෙන ලෙස රජයේ නීතීඥවරයා කළ ඉල්ලීමට අධිකරණය අද අවසර ලබාදුන්නා.

කෙසේ වෙතත් අදාළ පරීක්ෂණ කඩිනමින් අවසන් කරන ලෙසයි නඩුව විභාගයට ගත් අවස්ථාවේදී කොළඹ අතිරේක මහේස්ත්‍රාත් නිශාන්ත පීරිස් අපරාධ පරීක්ෂණ දෙපාර්තමේන්තුවට නියෝග කළේ.

එම නඩුව කොළඹ මහේස්ත්‍රාත් අධිකරණයේදී අද කැදවූ අවස්ථාවේදී නීතිපති දෙපාර්තමේන්තුව වෙනුවෙන් පෙනී සිටි රජයේ ජ්‍යෙෂ්ඨ නීතිඥවරයා කියා සිටියේ මෙම පරීක්ෂණ සඳහා යම් කාලයක් මෙන්ම අධික මුදලක් ද වැයවන බවයි.

ඊට අමතරව තාජුඞීන්ගේ පළමු පශ්චාත් මරණ පරීක්ෂණය සිදු කළ කොළඹ හිටපු ප්‍රධාන අධිකරණ වෛද්‍ය නිලධාරී වෛද්‍ය ආනන්ද සමරසේකර ඇතුළු පිරිසට එරෙහිව වෛද්‍ය සභාව ආරම්භ කර ඇති පරීක්ෂණ තවදුරටත් අවසන්වී නොමැති බව ඔහු අධිකරණයට දැනුම් දුන්නා.  

2012 වසරේ මැයි මස 17 වැනිදා නාරාහේන්පිට ශාලිකා ක්‍රීඩාංගනය අසල මාර්ගයේදී මෝටර් රථයක් තුල පිලිස්සී මියගොස් සිටි වසීම් තාජුඞීන්ගේ මළ සිරුර හමුවුණා.

පළමු පශ්චාත් මරණ පරීක්ෂණයේදී මෙම මරණය රිය අනතුරකින් සිදු වූ බවට ප්‍රකාශ කළත් පසුව අනාවරණය වූයේ මෙය මිනීමැරුමක් බවටයි.  

එමෙන්ම සිද්ධිය වන අවස්ථාවේදී එම ප්‍රදේශය අවට පිහිටි  සීසීටීවී කැමරාවල දර්ශණ හදුනා ගැනීමේ ක්‍රියාවලිය සඳහා කැනඩාවේ පිහිටි බ්‍රිටිෂ් කොලොම්බියා ආයතනයේ සේවය ලබා ගැනීමට හැකියාව ලැබී ඇති බව රහස් පොලිසිය අධිකරණයට මීට පෙර දැනුම් දුන්නා.

මෙම නඩුව මැයි මස 12 වනදා යළි කැදවනු ඇති.


නොනවතින දෙවනගල ඉඩම් කොල්ලය (වීඩියෝ)
Friday, 29 May 2020 - 21:46

හිරු සී.අයි.ඒ. හරහා ඓතිහාසික දෙවනගල පුදබිමේ ඉඩම් ආක්‍රමණය... Read More

ශ්‍රී ලංකාවේ කොරෝනා වෛරස් ආසාදිතයන් ගණන 1548 දක්වා ඉහළට
Friday, 29 May 2020 - 21:20

ශ්‍රී ලංකාවෙන් වාර්තාවන කොරෝනා වෛරස් ආසාදිතයන් ගණන 1548ක් දක්වා... Read More

පාස්කු ඉරිදා ප්‍රහාරය ගැන සොයන ජනපති කොමිසමේදී අද හෙළිවූ දේ (වීඩියෝ)
Friday, 29 May 2020 - 21:02

පාස්කු ඉරිදා ප්‍රහාර එල්ලකළ සහරාන් ඇතුළු බෝම්බකරුවන් සිව්දෙනෙකුගේම... Read More