දකුණු කොරියානු ජනාධිපති මැදුරට ප්‍රහාරයක්

Friday, 25 March 2016 - 14:28

%E0%B6%AF%E0%B6%9A%E0%B7%94%E0%B6%AB%E0%B7%94+%E0%B6%9A%E0%B7%9C%E0%B6%BB%E0%B7%92%E0%B6%BA%E0%B7%8F%E0%B6%B1%E0%B7%94+%E0%B6%A2%E0%B6%B1%E0%B7%8F%E0%B6%B0%E0%B7%92%E0%B6%B4%E0%B6%AD%E0%B7%92+%E0%B6%B8%E0%B7%90%E0%B6%AF%E0%B7%94%E0%B6%BB%E0%B6%A7+%E0%B6%B4%E0%B7%8A%E2%80%8D%E0%B6%BB%E0%B7%84%E0%B7%8F%E0%B6%BB%E0%B6%BA%E0%B6%9A%E0%B7%8A
දකුණු කොරියානු ජනාධිපතිනියගේ නිළ නිවසට ප්‍රහාරයක් එල්ල කිරීමේ යුද අභ්‍යාසයක් පැවැත්වූ බව උතුරු කොරියාව ප්‍රකාශ කළා.

ඒ සඳහා ජීව උණ්ඩ යොදාගත් බවයි උතුරු කොරියානු නිළ ප්‍රවෘත්ති සේවය සඳහන් කළේ. දකුණු කොරියානු ජනපති නිවසට එල්ල කළ එම සංකේතාත්මක ප්‍රහාරය උතුරු කොරියානු නායක කිම් ජොං අන් විසින් ද නිරීක්ෂණය කර තිබෙනවා.

දකුණු කොරියානු රජය විනාශ කිරීමට ඇති හැකියාව මෙමගින් පෙන්නුම් කරන බව ද උතුරු කොරියාව කියා සිටියා.

මෙය උතුරු කොරියාවේ සිදුකළ යුද අභ්‍යාසයක් වුවත් සිය හමුදාවන් සීරුවෙන් තැබීමට දකුණු කොරියානු ජනාධිපතිනී පාක් ග්වේන් හේ පියවර ගෙන තිබෙනවා.