පෙරහර රැකගන්න මියන්මාරයෙන් අලි ඇතුන්

Wednesday, 01 June 2016 - 8:01

%E0%B6%B4%E0%B7%99%E0%B6%BB%E0%B7%84%E0%B6%BB+%E0%B6%BB%E0%B7%90%E0%B6%9A%E0%B6%9C%E0%B6%B1%E0%B7%8A%E0%B6%B1+%E0%B6%B8%E0%B7%92%E0%B6%BA%E0%B6%B1%E0%B7%8A%E0%B6%B8%E0%B7%8F%E0%B6%BB%E0%B6%BA%E0%B7%99%E0%B6%B1%E0%B7%8A+%E0%B6%85%E0%B6%BD%E0%B7%92+%E0%B6%87%E0%B6%AD%E0%B7%94%E0%B6%B1%E0%B7%8A
පෙරහර සංස්කෘතිය ආරක්ෂා කරගැනීම සඳහා අලි - ඇතුන් මියන්මාරයෙන් ගෙන්වීමට තීරණය කර ඇති බව ජනාධිපති මෛත්‍රීපාල සිරිසේන පවසනවා.

ජනාධිපතිවරයා මේ බව කියා සිටියේ හීලෑ අලි ඇතුන් පිළිබඳ මතුව ඇති අර්බුදකාරී තත්ත්වය හමුවේ පෙරහර සංස්කෘතිය ආරක්ෂා කරගැනීම සම්බන්ධයෙන් ජනාධිපති කාර්යාලයේදී ඊයේ පැවති සාකච්ඡාවකට එක්වෙමින්.

කෙසේ වෙතත් කෙටි කාලීන වැඩපිළිවෙලක් ලෙස අධිකරණ නියෝග මත දැනට වනජීවී දෙපාර්තමේන්තුව භාරයේ සිටින අලි ඇතුන් නීතිමය තත්ත්වයන් යටතේ පෙරහර සඳහා යොදා ගැනීමට ඇති හැකියාව පිළිබඳවද අවධානය යොමුවී තිබෙනවා.

තිරසාර සංවර්ධන හා වනජීවී අමාත්‍ය ගාමිණී ජයවික්‍රම පෙරේරා මහනුවර දළදා මාළිගාවේ දියවඩන නිලමේ නිලංග දෑල ඇතුලූ සතරමහා දේවාලවල බස්නායක නිලමේවරුන්ද ඊයේ පැවැති එම සාකච්ඡාවට එක්ව සිටියා.