GSP ප්ලස් තීරු බදු සහනයට ශ්‍රී ලංකාවෙන් නිල අයදුමක්-(ඡායාරූප)

Friday, 17 June 2016 - 13:29

GSP+%E0%B6%B4%E0%B7%8A%E0%B6%BD%E0%B7%83%E0%B7%8A+%E0%B6%AD%E0%B7%93%E0%B6%BB%E0%B7%94+%E0%B6%B6%E0%B6%AF%E0%B7%94+%E0%B7%83%E0%B7%84%E0%B6%B1%E0%B6%BA%E0%B6%A7+%E0%B7%81%E0%B7%8A%E2%80%8D%E0%B6%BB%E0%B7%93+%E0%B6%BD%E0%B6%82%E0%B6%9A%E0%B7%8F%E0%B7%80%E0%B7%99%E0%B6%B1%E0%B7%8A+%E0%B6%B1%E0%B7%92%E0%B6%BD+%E0%B6%85%E0%B6%BA%E0%B6%AF%E0%B7%94%E0%B6%B8%E0%B6%9A%E0%B7%8A-%28%E0%B6%A1%E0%B7%8F%E0%B6%BA%E0%B7%8F%E0%B6%BB%E0%B7%96%E0%B6%B4%29
GSP ප්ලස් තීරුබදු සහනය නැවත  ශ්‍රී ලංකාවට ලබා ගැනීම සදහා නිල වශයෙන් අයදුම් කළ බව විදේශ කටයුතු නියෝජ්‍ය අමාත්‍ය ආචාර්ය හර්ෂ ද සිල්වා පවසනවා.

පසුගිය බදාදා මෙම අයදුම ඉදිරිපත් කළ බවයි ඔහු සදහන් කළේ.

 නියෝජ්‍ය අමාත්‍ය හර්ෂ ද සිල්වා මේ වනවිට යුරෝපා සංචාරයක නිරත වන අතර බ්‍රිතාන්‍යයේ ශ්‍රී ලාංකික ජනකොටස ද මුණ ගැසී තිබෙනවා.

බ්‍රිතාන්‍යය යුරෝපා සංගමයේ තවදුරටත් රැදී සිටිය යුතු ද යන්න පිළිබදව ජනමත විචාරණයක් මේ මාසයේදී පැවැත්වෙන අතර ශ්‍රී ලංකාවේ මතය වී ඇත්තේ බ්‍රිතාන්‍ය යුරෝපා සංගමයේ රැදී සිටීම ශ්‍රී ලංකාවට ඵලදායක වන බවයි.

මේ නිසා, ජනමත  විචාරණයේදී  යුරෝපයේ එකමුතු  බව වෙනුවෙන් ඡන්දය ප්‍රකාශ කරන ලෙසයි ශ්‍රී ලාංකික සම්භවයක්  සහිත බ්‍රිතාන්‍ය ජනතාවගෙන් නියෝජ්‍ය අමාත්‍ය හර්ෂ ද සිල්වා ඉල්ලා ඇත්තේ.

GSP ප්ලස් තීරුබදු සහනය අර්ථවත් වීමටත් නම් බ්‍රිතාන්‍යය යුරෝපා සංගමයේ රැදී සිටීම අවශ්‍යතාවක්.

ශ්‍රී ලංකාව යුරෝපයට අපනයන කරන භාණ්ඩවලින් සියයට 40 ක්ම අපනයනය කෙරෙන්නේ බ්‍රිතාන්‍යයටයි.

බ්‍රිතාන්‍යය යුරෝපා සංගමයෙන්  වෙන් වුවහොත් ශ්‍රී ලංකාවට අපනයන සහ තීරුබදු සහනය අහිමිවීමේ අවදානමක්  පවතිනවා. 

එවැනි  තත්ත්වයක් යටතේදී බ්‍රිතාන්‍යය සමග නිදහස් වෙළඳ ගිවිසුමකට එළඹීමට සිදුවිය හැකියි.

කෙසේ නමුත් එවැනි ක්‍රියාමාර්ගයක් සදහා දීර්ඝ  කාලයක්  ගතවන බවයි නියෝජ්‍ය අමාත්‍ය හර්ෂ ද සිල්වා පෙන්වා දෙන්නේ.

මේ අතර මෙරට මත්ස්‍ය නිෂ්පාදන, යුරෝපා සංගමයේ රටවල් ලෙස අපනයනය කිරීම සදහා පනවා තිබූ තහනම ඊයේ ඉවත් කෙරුණා. 

තහනම ඉවත් කළ බව පසුගිය අප්‍රේල් 21 වනදා ධීවර අමාත්‍ය මහින්ද අමරවීර ප්‍රකාශ කළ අතර, එය මුළුමනින්ම ඉවත් කෙරුණේ  ඊයේ දිනයේදීයි.

ඒ අනුව තහනම  ඉවත් කිරීම සංකේතවත් කරමින් ශ්‍රිී ලංකාවේ යුරෝපා සංගම් තානාපති ඩේවිඩ් ඩැලී සහ ධීවර ව්‍යාපාරිකයෙකු අතර මසුන් හුවමාරුවක් ද දික් ඕවිට වරායේදී සිදු කෙරුණි.


ඡායාරූප-වරුණ වන්නිආරච්චි