චීනයේ සිදුවූ පිපිරීමකින් සහ වෙඩි තැබීමකින් පස්දෙනෙකු මරුට

Thursday, 29 December 2016 - 11:08

%E0%B6%A0%E0%B7%93%E0%B6%B1%E0%B6%BA%E0%B7%9A+%E0%B7%83%E0%B7%92%E0%B6%AF%E0%B7%94%E0%B7%80%E0%B7%96+%E0%B6%B4%E0%B7%92%E0%B6%B4%E0%B7%92%E0%B6%BB%E0%B7%93%E0%B6%B8%E0%B6%9A%E0%B7%92%E0%B6%B1%E0%B7%8A+%E0%B7%83%E0%B7%84+%E0%B7%80%E0%B7%99%E0%B6%A9%E0%B7%92+%E0%B6%AD%E0%B7%90%E0%B6%B6%E0%B7%93%E0%B6%B8%E0%B6%9A%E0%B7%92%E0%B6%B1%E0%B7%8A+%E0%B6%B4%E0%B7%83%E0%B7%8A%E0%B6%AF%E0%B7%99%E0%B6%B1%E0%B7%99%E0%B6%9A%E0%B7%94+%E0%B6%B8%E0%B6%BB%E0%B7%94%E0%B6%A7
චීනයේ ෂින්ජියෑං ප්‍රදේශයේ රජයේ ගොඩනැගිල්ලක් තුළ සිදුවූ පිපිරීමකින් සහ වෙඩි හුවමාරුවකින් පුද්ගලයින් පස්දෙනෙකු ඊයේ ජීවිතක්ෂයට පත්වුණා.

ආයුධ රැගත් පිරිසක් ෂින්ජියෑං ප්‍රදේශයේ කොමියුනිස්ට් පක්ෂයට අයත් ගොඩනැගිල්ලක් තුළට මෝටර් රථයක් ධාවනය කර ඇති බවයි වාර්තාවන්නේ.

එහිදී එම මෝටර් රථයේ ගැටීමෙන් පුද්ගලයෙකු ජීවිතක්ෂයට පත්ව ඇති අතර, චීන ආරක්ෂක අංශ සිදුකළ වෙඩි තැබීමකින් මෝටර් රථයේ පැමිණි ආයුධ සන්නද්ධ පිරිසෙන් සිව්දෙනෙකු ජීවිතක්ෂයට පත්ව තිබෙනවා.

චීන බලධාරීන් ප්‍රකාශ කරන්නේ ත්‍රස්තවාදී කණ්ඩායමක් විසින් මෙම ප්‍රහාරය එල්ල කරන්නට ඇති බවට අනුමාන කරන බවයි.