දුම්රියක සැකකටයුතු යමක් ඇති බවට ව්‍යාජ ඇමතුමක් දුන් තරුණියට ඇප

Wednesday, 04 January 2017 - 15:59

%E0%B6%AF%E0%B7%94%E0%B6%B8%E0%B7%8A%E0%B6%BB%E0%B7%92%E0%B6%BA%E0%B6%9A+%E0%B7%83%E0%B7%90%E0%B6%9A%E0%B6%9A%E0%B6%A7%E0%B6%BA%E0%B7%94%E0%B6%AD%E0%B7%94+%E0%B6%BA%E0%B6%B8%E0%B6%9A%E0%B7%8A+%E0%B6%87%E0%B6%AD%E0%B7%92+%E0%B6%B6%E0%B7%80%E0%B6%A7+%E0%B7%80%E0%B7%8A%E2%80%8D%E0%B6%BA%E0%B7%8F%E0%B6%A2+%E0%B6%87%E0%B6%B8%E0%B6%AD%E0%B7%94%E0%B6%B8%E0%B6%9A%E0%B7%8A+%E0%B6%AF%E0%B7%94%E0%B6%B1%E0%B7%8A+%E0%B6%AD%E0%B6%BB%E0%B7%94%E0%B6%AB%E0%B7%92%E0%B6%BA%E0%B6%A7+%E0%B6%87%E0%B6%B4
කොළඹ - කොටුවේ සිට බදුල්ල දක්වා ධාවනය වීමට නියමිතව තිබූ දුම්රියක බෝම්බයක් ඇති බව පවසමින් 1 1 9 ය පොලිස් හදිසි ඇමතුම් අංකයට ව්‍යාජ ඇමතුමක් ලබාදුන් තරුණිය ඇප මත මුදාහැරුණා.

කොටුව ප්‍රධාන මහේස්ත්‍රාත් ලංකා ජයරත්න නියෝග කළේ සැකකාරිය රුපියල් ලක්ෂ දෙක බැගින් වූ ශරීර ඇප දෙකක් මත මුදාහරින ලෙසයි.

18 හැවිරිදි කිරිඳිවැල ප්‍රදේශයේ පදිංචිකාරිනියක් වන මෙම තරුණියට අද පොලීසියට පැමිණෙන ලෙස දැනුම්දීමෙන් අනතුරුව ඇයව අත්අඩංගුවට ගත් බවයි කොටුව පොලීසියේ උසස් නිලධාරියෙකු සඳහන් කළේ.

පසුගිය දෙසැම්බර් 26 වනදා බදුල්ල බලා ධාවනය වීමට නියමිතව තිබූ රාත්‍රී තැපැල් දුම්රියක සැකකටයුතු යමක් ඇති බවට 119 හදිසි ඇමතුම් අංකයට මෙම තරුණිය ඇමතුමක් ලබාදී තිබුණා.

පොලිස් විශේෂ කාර්ය බලකායේ බෝම්බ නිෂ්ක්‍රිය අංශය ද කැදවා පැය 2 කට ආසන්න කාලයක් පරීක්ෂාවට ලක් කළත් සැකකටයුතු කිසිවක් දුම්රිය තුළ තිබී හමුවූයේ නැහැ.

අනතුරුව පොලිසිය මේ පිළිබදව විශේෂ විමර්ශනයක් ආරම්භ කළ අතර, එහිදී අනාවරණ වූයේ සිය පෙම්වතා වෙනත් තරුණියක සමග විවාහ වීමට අදාළ දුම්රියෙන් යන බවට ලැබුණු තොරතුරක් මත එම දුම්රිය නවත්වා ගැනීම සදහා තරුණයාගේ පෙම්වතිය මෙම ඇමතුම ලබාදී ඇති බවටයි.


ද ෆිනෑන්ස් කොම්පැනි පී.එල්.සී. ආයතනයේ තැන්පත්කරුවන්ට මහ බැංකුවෙන් දැනුම් දීමක්
Monday, 13 July 2020 - 16:43

ශ්‍රී ලංකා තැන්පතු රක්ෂණ සහ ද්‍රවශීලතා ආධාරක යෝජනා ක්‍රමය... Read More

කඩුගන්නාවේදී බස් කොන්දොස්තරවරයෙකුට පහරදීමක්
Monday, 13 July 2020 - 16:32

පහරදීමක් හේතුවෙන් කඩුගන්නාව - මහනුවර බස් රථ කොන්දොස්තරවරයෙකු... Read More

මාවනැල්ලේ බුදුපිළිමවලට හානි කළ සැකකරුවන් යළි රිමාන්ඩ්
Monday, 13 July 2020 - 16:31

මාවනැල්ල ප්‍රදේශයේ බුදුපිළිමවලට හානි කිරීමේ සිද්ධිය  සම්බන්ධයෙන්... Read More