සිල් රෙදි ව්‍යාපෘතිය ගැන හිටපු ජනාධිපති ලේකම්ගෙන් මහාධිකරණයට කරුණු පැහැදිළි කිරීමක්

Wednesday, 01 March 2017 - 18:20

%E0%B7%83%E0%B7%92%E0%B6%BD%E0%B7%8A+%E0%B6%BB%E0%B7%99%E0%B6%AF%E0%B7%92+%E0%B7%80%E0%B7%8A%E2%80%8D%E0%B6%BA%E0%B7%8F%E0%B6%B4%E0%B7%98%E0%B6%AD%E0%B7%92%E0%B6%BA+%E0%B6%9C%E0%B7%90%E0%B6%B1+%E0%B7%84%E0%B7%92%E0%B6%A7%E0%B6%B4%E0%B7%94+%E0%B6%A2%E0%B6%B1%E0%B7%8F%E0%B6%B0%E0%B7%92%E0%B6%B4%E0%B6%AD%E0%B7%92+%E0%B6%BD%E0%B7%9A%E0%B6%9A%E0%B6%B8%E0%B7%8A%E0%B6%9C%E0%B7%99%E0%B6%B1%E0%B7%8A+%E0%B6%B8%E0%B7%84%E0%B7%8F%E0%B6%B0%E0%B7%92%E0%B6%9A%E0%B6%BB%E0%B6%AB%E0%B6%BA%E0%B6%A7+%E0%B6%9A%E0%B6%BB%E0%B7%94%E0%B6%AB%E0%B7%94+%E0%B6%B4%E0%B7%90%E0%B7%84%E0%B7%90%E0%B6%AF%E0%B7%92%E0%B7%85%E0%B7%92+%E0%B6%9A%E0%B7%92%E0%B6%BB%E0%B7%93%E0%B6%B8%E0%B6%9A%E0%B7%8A
ඉකුත් ජනාධිපතිවරණ සමයේ දියත් කල සිල් රෙදි ව්‍යාපෘතිය ක්‍රියාත්මක කරන ලෙස තමන්ට උපදෙස් ලබා දුන්නේ හිටපු ජනාධිපති මහින්ද රාජපක්ෂ බව හිටපු ජනාධිපති ලේකම් ලලිත් වීරතුංග කොළඹ මහාධිකරණය හමුවේ ප්‍රකාශ කළා.

ඒ අනුව තමන් එම ව්‍යාපෘතිය ක්‍රියාත්මක කල නමුත් රාජ්‍ය මුදල් රෙගුලාසි උල්ලංඝනය නොකල බවයි හිටපු ජනාධිපති ලේකම්වරයා ප්‍රකාශ කළේ.

පසුගිය ජනාධිපතිවරණ සමයේදි විදුලි සංදේශ නියාමන කොමිෂන් සභාවට අයත් රුපියල් මිලියන 600 ක මුදලක් වැයකරමින් සිල් රෙදි බෙදාහැරීම සම්බන්ධයෙන් වන නඩුවේ තුන් වන දිනටත් සාක්ෂි ලබා දෙමින් ඔහු මේ බව කියා සිටියා.

විධායකයේ ප්‍රධානියා ලෙස ජනාධිපතිවරයා නිකුත් කරන නියෝග මහජන සුභ සිද්ධිය වෙනුවෙන් කරන නිත්‍යානුකුල නියෝග ලෙස තමා සලකන බවත් එම නියෝග කඩ කළේ නම් විනය කඩකිරීමේ චෝදනාවට ලක්වීමට තිබූ බවත් හිටපු ජනාධිපති ලේකම්වරයා සාක්ෂි ලබා දෙමින් මෙහිදී සඳහන් කළා.

තමා සභාපතිධුරය දැරූ විදුලි සංදේශ නියාමන කොමිසන් සභාවේ පස්දෙනෙකුගෙන් සමන්විත සාමාජික මණ්ඩලයේ 4 දෙනෙකුගේ තීරණයට අනුව ලබා දුන් රුපියල් මිලියන 600 ක මුදල හෝ සිල් රෙදි තමාට නොලැබුනු බවයි ඔහු තවදුරටත් ප්‍රකාශ කළේ.

කරුණු සලකා බැලීමෙන් අනතුරුව කොළඹ මහාධිකරණ විනිසුරු ගිහාන් කුලතුංග නීතිපතිවරයාට දැනුම් දුන්නේ පොදු දේපළ පනත යටතේ හිටපු ජනාධිපති ලේකම්වරයාට සහ විදුලි සංදේශ නියාමන කොමිෂන් සභාවේ හිටපු අධ්‍යක්ෂ ජනරාල් අනුෂ පැල්පිටට එරෙහිව ගොනු කර ඇති චෝදනා පත්‍රය සංශෝධනය කිරිම සඳහා සලකා බලන ලෙසයි.

නීතිපතිවරයාගේ උපදෙස් ලබාගැනීමෙන් පසු මේ සම්බන්ධයෙන් තීරණයක් ගන්නා බව එහිදී නීතිපති දෙපාර්තමේන්තුව වෙනුවෙන් පෙනී සිටි අතිරේක සොලිසිටර් ජනරාල්වරයා කියා සිටියා.