කාන්තාවක් දූෂණය කළ 35 හැවිරිදි පුද්ගලයෙක් රක්ෂිත බන්ධනාගාරයට

Wednesday, 30 August 2017 - 11:10

%E0%B6%9A%E0%B7%8F%E0%B6%B1%E0%B7%8A%E0%B6%AD%E0%B7%8F%E0%B7%80%E0%B6%9A%E0%B7%8A+%E0%B6%AF%E0%B7%96%E0%B7%82%E0%B6%AB%E0%B6%BA+%E0%B6%9A%E0%B7%85+35+%E0%B7%84%E0%B7%90%E0%B7%80%E0%B7%92%E0%B6%BB%E0%B7%92%E0%B6%AF%E0%B7%92+%E0%B6%B4%E0%B7%94%E0%B6%AF%E0%B7%8A%E0%B6%9C%E0%B6%BD%E0%B6%BA%E0%B7%99%E0%B6%9A%E0%B7%8A+%E0%B6%BB%E0%B6%9A%E0%B7%8A%E0%B7%82%E0%B7%92%E0%B6%AD+%E0%B6%B6%E0%B6%B1%E0%B7%8A%E0%B6%B0%E0%B6%B1%E0%B7%8F%E0%B6%9C%E0%B7%8F%E0%B6%BB%E0%B6%BA%E0%B6%A7
බලපිටිය, තෙල්වත්ත, මීටියාගොඩ ප්‍රදේශයේ පදිංචිව සිටි 82 හැවිරිදි අවිවාහක කාන්තාවක්‌ රැයක්‌ මුළුල්ලේ අමානුෂික ලෙස දූෂණය කළ බවට චෝදනා මත අත්අඩංගුවටගෙන සිටි 35 හැවිරිදි සැකකරුවෙක් ලබන 07 වන දා දක්වා යළි රක්ෂිත බන්ධනාගාර ගත කිරීමට බලපිටිය මහේස්ත්‍රාත්වරයා නියෝග කර තිබෙනවා.

තෙල්වත්ත,මීටියාගොඩ දකුණ ප්‍රදේශයේ පදිංචි 82 හැවිරිදි කාන්තාව මේ සම්බන්ධයෙන්  මීටියාගොඩ පොලිසියට පැමිණිලි කර තිබුණා.

කාන්තාවගෙන් ලද තොරතුරු මත සැකකරු මීටියාගොඩ පොලිසිය විසින් අත්අඩංගුවට ගෙන තිබෙනවා.

කාන්තාව පොලිසයට පවසා ඇත්තේ අදාල පුද්ගලයාගේ රූපය චායාවක් මෙන් දර්ශනය වූ බවත් ඔහුගේ කොණ්ඩය ඝනට වැවුණු කොණ්ඩයක් බවයි.

නිවසේ තනිව ජිවත් වන මෙම කාන්තාව ඇස් පෙනීමේ දුර්වල තාවයකින් පෙළුණු තැනතියක් බවයි වාර්තා වන්නේ.

සිද්ධිය වූ දින රාත්‍රී 7.00 ට පමණ සැකකරු ජනේලයකින් නිවස තුලට ඇතුල් වී රාත්‍රිය මුළුල්ලේම ඇය සමඟ ගත කර ඇති බවටයි පොලිසියට තොරතුරු අනාවරණය වී ඇත්තේ.

සැකකරුට අදාළව ලැබීමට නියමිත ඩී.එන්.ඒ. වාර්තාව සහ පරීක්‍ෂණවල ප්‍රගතිය වැඩිදුර වාර්තාවක්‌ මගින් මීළඟ නඩු දිනයේ දී අධිකරණයට ඉදිරිපත් කරන ලෙසයි මහෙස්‌ත්‍රාත් අධිකරණය පොලිසියට නියෝග කර ඇත්තේ.

මෙසේ රිමාන්ඩ් භාරයට පත් කළේ  මැටිවල, තෙල්වත්ත පදිංචි 35 හැවිරිදි පුද්ගලයෙක්.

82 හැවිරිදි සුගුණවතී  නමැති කාන්තාව රැයක්‌ මුළුල්ලේ අමානුෂික ලෙස දූෂණය කළ බවට ඔහුට චෝදනා එල්ල වී තිබෙනවා.

කෙසේ වෙතත් මෙම සිදුවීමෙන් සති දෙකකට පසු එම කාන්තාව මියගොස් ඇති අතර මුත්‍රාශයට විෂබීජයක් ඇතුල්වීමෙන් ඇතිවූ අසාද්මික තවක් හේතුවෙන් ඇය මියගොස් ඇති බවයි පොලිසිය සඳහන් කළේ.

සැකකාර 35 හැවිරිදි පුද්ගලයාට එරෙහිව තවත් මෙවැනිම චෝදනා යටතේ බලපිටිය අධිකරණයේ නඩු විභාගයට ගනිමින් පවතින බවයි පොලිසිය සඳහන් කළේ.