ශ්‍රේෂ්ඨාධිකරණයෙන් රජයට නියෝගයක්

Wednesday, 07 February 2018 - 13:59

%E0%B7%81%E0%B7%8A%E2%80%8D%E0%B6%BB%E0%B7%9A%E0%B7%82%E0%B7%8A%E0%B6%A8%E0%B7%8F%E0%B6%B0%E0%B7%92%E0%B6%9A%E0%B6%BB%E0%B6%AB%E0%B6%BA%E0%B7%99%E0%B6%B1%E0%B7%8A+%E0%B6%BB%E0%B6%A2%E0%B6%BA%E0%B6%A7+%E0%B6%B1%E0%B7%92%E0%B6%BA%E0%B7%9D%E0%B6%9C%E0%B6%BA%E0%B6%9A%E0%B7%8A
උමාඔය බහුකාර්ය ව්‍යාපෘතිය හේතුවෙන් සිදුව ඇති වගා හානි සහ නිවාස හානි ඇතුළු සියලූ කරුණු සම්බන්ධයෙන් මාර්තු මස 27 වනදාට පෙර අධිකරණයට කරුණු ඉදිරිපත් කරන ලෙස ශ්‍රේෂ්ඨාධිකරණය අද රජයට නියම කළා.

ඒ මෙම නඩුව අගවිනිසුරු ප්‍රියසාද් ඩෙප්, ප්‍රියන්ත ජයවර්ධන සහ විජිත් මළල්ගොඩ යන ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ල හමුවේ කැදවූ අවස්ථාවේදීයි.

උමාඔය බහුකාර්ය ව්‍යාපෘතිය හේතුවෙන් ගැටලූ රැසක් උද්ගතව ඇති බවට පවසමින් බණ්ඩාරවෙල ප්‍රදේශවාසීන් 4 දෙනෙකු සහ පරිසර යුක්ති කේන්ද්‍රය මෙම පෙත්සම ගොනුකර තිබුණා.