මැතිවරණ කොමිසම නිල ප්‍රතිඵල ප්‍රමාදවීමට හේතු කියයි

Sunday, 11 February 2018 - 2:03

%E0%B6%B8%E0%B7%90%E0%B6%AD%E0%B7%92%E0%B7%80%E0%B6%BB%E0%B6%AB+%E0%B6%9A%E0%B7%9C%E0%B6%B8%E0%B7%92%E0%B7%83%E0%B6%B8+%E0%B6%B1%E0%B7%92%E0%B6%BD+%E0%B6%B4%E0%B7%8A%E2%80%8D%E0%B6%BB%E0%B6%AD%E0%B7%92%E0%B6%B5%E0%B6%BD+%E0%B6%B4%E0%B7%8A%E2%80%8D%E0%B6%BB%E0%B6%B8%E0%B7%8F%E0%B6%AF%E0%B7%80%E0%B7%93%E0%B6%B8%E0%B6%A7+%E0%B7%84%E0%B7%9A%E0%B6%AD%E0%B7%94+%E0%B6%9A%E0%B7%92%E0%B6%BA%E0%B6%BA%E0%B7%92
නිල ඡන්ද ප්‍රතිඵල නිකුත් කිරීම ප්‍රමාද වීම සම්බන්ධයෙන් මැතිවරණ කොමිෂන් සභාව පැහැදිළි කිරීමක් සිදුකර තිබෙනවා.

මැතිවරණ කොමිසමේ සභාපති මහින්ද දේශප්‍රිය නිවේදනයක් නිකුත් කරමින් කියා සිටියේ ඒ ඒ ඡන්ද මධ්‍යස්ථානවල හා කොට්ඨාශවල ඡන්දය ගණන් කිරීම අවසන් වී ඇති නමුත් ප්‍රතිඵල තේරීම් භාර නිලධාරීන් වෙත ෆැක්ස් සහ දුරකථනය හරහා ලැබී ඇති බවයි.

එහෙත් අතින් ගෙන එන ප්‍රතිඵල ප්‍රකාශ සසඳා බැලීමට තේරීම් භාර නිලධාරීන්ට සිදුව ඇති බවද එම නිවේදනයේ දැක්වෙනවා.

එකම කොට්ඨාශයේ ප්‍රතිඵල ප්‍රකාශ කිරීමේදී තැපැල් ඡන්ද ප්‍රතිඵල එකතු කර ප්‍රකාශ කර ඇති නමුත් ඇතැම් ස්ථානවල තේරීම් භාර නිලධාරීන්ට ෆැක්ස් මගින් එවා ඇත්තේ ප්‍රතිඵල වාර්තා දෙකෙන් එකක් පමණක් බවයි මැතිවරණ කොමිසමේ සභාපතිවරයා සඳහන් කළේ.

එය සමස්ත ප්‍රතිඵලය සකස් කිරීම්දී නැවත නැවතත් පරීක්ෂා කිරීමට තේරීම් භාර නිලධාරීන්ට සිදුවී ඇති හෙයින් ඒ ඒ පළාත්පාලන ආයතනවල සමස්ත ප්‍රතිඵල ප්‍රකාශ කිරීමට තවත් සැළකිය යුතු වේලාවක් ගතවන බවයි මැතිවරණ කොමිසමේ සභාපතිවරයා නිකුත් කළ නිවේදනයේ තවදුරටත් දැක්වෙන්නේ.

එමෙන්ම පළාත්පාලන ආයතනයක සියලූම කොට්ඨාශවල ප්‍රතිඵල තේරීම් භාර නිලධාරීන් විසින් දත්ත පද්ධතියට ඇතුළත් කරන තෙක් එම පලාත්පාලන ආයතනයේ සමස්ත ප්‍රතිඵලය මාධ්‍ය වෙත නිකුත් කිරීමේ හැකියාවක් නොමැති බවද එහි සඳහන්.

ප්‍රතිඵල නිකුත් කරන තෙක් ඉවසීමෙන් සිටින ලෙස ඉතා ඕනෑකමින් සහ කාරුණිකව ඉල්ලා සිටින බව ද මැතිවරණ කොමසාරිස්වරයා නිකුත් කළ නිවේදනයේ වැඩිදුරටත් සඳහන්.

මේ අතර, කොට්ඨාශ මට්ටමින් නිකුත් කළ ප්‍රතිඵල ලබන බදාදා වනවිට මැතිවරණ කොමිසමේ වෙබ් අඩවියට ඇතුළත් කරන බව එහි සභාපති මහින්ද දේශප්‍රිය ප්‍රකාශ කළා.

ඡන්ද විමසීමෙන් අනතුරුව මැතිවරණ දෙපාර්තමේන්තුවේ ඊයේ පස්වරුවේ පැවති මාධ්‍ය හමුවට එක්වෙමින් සභාපතිවරයා කියා සිටියේ විවිධ රෝගී තත්ත්වයන් හේතුවෙන් මැතිවරණ රාජකාරියේ නිරතවූ කොළඹ දිස්ත්‍රික් කාර්යාලයේ නිලධාරීන් 21 දෙනාගෙන් 6 දෙනෙකු රෝහල් ගත කිරීමට සිදුවූ බවයි.