ඉරණවිල දස හැවිරිදි දරුවාගේ ඝාතකයාගේ තවත් ඝාතනයක් හෙළිවෙයි (ඡායාරූප)

Tuesday, 06 March 2018 - 10:29

%E0%B6%89%E0%B6%BB%E0%B6%AB%E0%B7%80%E0%B7%92%E0%B6%BD+%E0%B6%AF%E0%B7%83+%E0%B7%84%E0%B7%90%E0%B7%80%E0%B7%92%E0%B6%BB%E0%B7%92%E0%B6%AF%E0%B7%92+%E0%B6%AF%E0%B6%BB%E0%B7%94%E0%B7%80%E0%B7%8F%E0%B6%9C%E0%B7%9A+%E0%B6%9D%E0%B7%8F%E0%B6%AD%E0%B6%9A%E0%B6%BA%E0%B7%8F%E0%B6%9C%E0%B7%9A+%E0%B6%AD%E0%B7%80%E0%B6%AD%E0%B7%8A+%E0%B6%9D%E0%B7%8F%E0%B6%AD%E0%B6%B1%E0%B6%BA%E0%B6%9A%E0%B7%8A+%E0%B7%84%E0%B7%99%E0%B7%85%E0%B7%92%E0%B7%80%E0%B7%99%E0%B6%BA%E0%B7%92+%28%E0%B6%A1%E0%B7%8F%E0%B6%BA%E0%B7%8F%E0%B6%BB%E0%B7%96%E0%B6%B4%29
හලාවත - ඉරණවිල ප්‍රදේශයේ දස හැවිරිදි දරුවෙකු ඝාතනය කිරීම සම්බන්ධයෙන් අත්අඩංගුවට ගත් සැකකරු මේ මස 08 වන දා දක්වා රක්ෂිත බන්ධනාගාර ගත කිරීමට අධිකරණය ඊයේ (05) නියෝග කළා.

මේ අතර අදාල සැකකරු මීට පෙර 2003 වසරේදී ද වයස අවුරුදු හයක දැරියක් දූෂණය කර ඝාතනයකර ඇති බවට පරීක්ෂණ වලදී අනාවරණය වී තිබෙනවා.

කෙසේ වෙතත් දැරියක් දූෂණය කර ඝාතනය කිරීම සම්බන්ධයෙන් සැකකරුට එරෙහිව පවරා තිබූ එම නඩුවෙන් නිදොස් කොට නිදහස් කර තිබෙනවා.

ඒ එම නඩුවේ සාක්ෂි ලබා දීමට සිටි ඝාතනයට ලක්වූ දැරියගේ මව දුම්රියට පැන සියදිවි හානි කර ගැනීම හේතුවෙන් බවයි අප වාර්තාකරු සඳහන් කළේ.

හලාවත - ඉරණවිලලසමිදුගම අක්කර 40 පදිංචිව සිටි සුසිත් නිර්මාල් නමැති දරුවාව සැකකරු පසුගිය 25 වැනිදා පැහැර ගෙන ගොස් බරපතල ලෙස ලිංගික අපයෝජනයකට ලක් කර ඝාතනය කර තිබුණා.

පසුගිය 27 වනදා හලාවත - ඉරණවිල - මුවපිටිය ප්‍රදේශයේ රක්ෂිතයක තිබී ඝාතනයට ලක් වූ දරුවාගේ සිරුර සොයා ගත්තා.

අනතුරුව මුලතිව් - නයාරු ධීවර ගම්මානයේ සැඟව සිටියදී පසුගියදා (04) සැකකරු අත්අඩංගුවට ගනු ලැබුවේ ප්‍රදේශයට නාඳුනන පුද්ගලයෙකු පැමිණ ඇති බවට ලැබුණු තොරතුරකට අනුවයි.

මේ අතර සැකකරු ඊයේ දිනයේදී හලාවත මහේස්ත්‍රාත් අධිකරණය වෙත ගෙන එන අවස්ථාවේ දස හැවිරිදි දරුවාගේ ඥාතීන් අධිකරණය අසල විරෝධතාවයක නිරත වුණා.



ඡායාරූප - පුත්තලම, ජූඩ් සමන්ත