මීළඟ ජනාධිපතිවරණයට නිදහස් පක්ෂයේ අලූත් වෙනසක්

Wednesday, 25 April 2018 - 15:00

%E0%B6%B8%E0%B7%93%E0%B7%85%E0%B6%9F+%E0%B6%A2%E0%B6%B1%E0%B7%8F%E0%B6%B0%E0%B7%92%E0%B6%B4%E0%B6%AD%E0%B7%92%E0%B7%80%E0%B6%BB%E0%B6%AB%E0%B6%BA%E0%B6%A7+%E0%B6%B1%E0%B7%92%E0%B6%AF%E0%B7%84%E0%B7%83%E0%B7%8A+%E0%B6%B4%E0%B6%9A%E0%B7%8A%E0%B7%82%E0%B6%BA%E0%B7%9A+%E0%B6%85%E0%B6%BD%E0%B7%96%E0%B6%AD%E0%B7%8A+%E0%B7%80%E0%B7%99%E0%B6%B1%E0%B7%83%E0%B6%9A%E0%B7%8A
මීළඟ ජනාධිපතිවරණයේදී ජනාධිපති මෛත්‍රිපාල සිරිසේනගේ ජයග්‍රහණය අරමුණු කරගනිමින් පක්ෂ ප්‍රතිසංවිධාන කටයුතු සිදුකිරීමට ඊයේ (24) පැවති නිදහස් පක්ෂ මධ්‍යම කාරක සභාවේදී ඒකමතිකව තීරණය වී තිබෙනවා.

නිදහස් පක්ෂ මහ ලේකම් අමාත්‍ය දුමින්ද දිසානායකගේ අත්සනින් යුතුව නිකුත් කළ නිවේදනයක දැක්වෙන්නේ ඒ සඳහා පත්කළ පක්ෂ ප්‍රතිසංවිධාන කමිටුවේ යෝජනා අනුව මාස එකහමාරක් දෙකක් වැනි කෙටි කාලයක් තුළ පක්ෂයේ ප්‍රතිසංවිධානය සිදුකිරීමට තීරණය වූ බවයි.

ඒ අනුව මැයි මස 8 වනදායින් පසු මධ්‍යම කාරක සභාව යළි රැස්වීමට නියමිතයි.

එහිදී පක්ෂ සාමාජිකත්ව ප්‍රවර්ධනය අනුබද්ධ සංවිධාන සක්‍රිය කිරීම හා පක්ෂ ප්‍රතිසංවිධාන වැඩපිළිවෙල වෙනුවෙන් නම් කෙරෙනු ඇති.

එමෙන්ම මෙවර මැයි දින සැමරුම සාර්ථකව පැවැත්වීමට සහ මැයි පළමුවනදා සවස 3 ට බණ්ඩාරනායක සම්මන්ත්‍රණ ශාලාවේදී මැයි දින සැමරුම් උත්සවයක් සංකේත්තාත්මකව සිදු කිරීමටත් තීරණය වී තිබෙනවා.

නිදහස් පක්ෂයේ ප්‍රධාන මැයි රැළිය 7 වනදා මඩකලපුව චෙන්කලඩිහිදී පැවැත්වීමටයි තීරණය කර ඇත්තේ.

මේ අතර, ආණ්ඩුවෙන් ඉවත් වූ ශ්‍රී ලංකා නිදහස් පක්ෂයේ 16 දෙනාගේ කණ්ඩායමද ඊයේ නිදහස් පක්ෂ මධ්‍යම කාරක සභාවට එක්වුණා.

පැය දෙකකට අධික කාලයක් පැවති එම මධ්‍යම කාරක සභාවේදී මතභේදාත්මක තත්ත්වයක් ඇති වූ බවයි වාර්තා වන්නේ.

මධ්‍යම කාරක සභාවෙන් අනතුරුව පක්ෂයේ ජ්‍යෙෂ්ඨයින් සියලූ දෙනාම පාහේ මාධ්‍යයට අදහස් නොදක්වා පිටව ගියා.

එමෙන්ම, ධුරවලින් ඉවත්වූ 16 දෙනා විපක්ෂයේ අසුන් ගන්නා බව ඊයේ රැස්වූ මධ්‍යම කාරක සභාවට දැනුම් දුන් බව හිටපු අමාත්‍ය චන්දිම වීරක්කොඩි ප්‍රකාශ කළා.