අඹේපුස්ස සෙබළාගේ ඝාතනය ගැන ඇතුලෙන්ම තොරතුරක්

Tuesday, 25 September 2018 - 13:06

%E0%B6%85%E0%B6%B9%E0%B7%9A%E0%B6%B4%E0%B7%94%E0%B7%83%E0%B7%8A%E0%B7%83+%E0%B7%83%E0%B7%99%E0%B6%B6%E0%B7%85%E0%B7%8F%E0%B6%9C%E0%B7%9A+%E0%B6%9D%E0%B7%8F%E0%B6%AD%E0%B6%B1%E0%B6%BA+%E0%B6%9C%E0%B7%90%E0%B6%B1+%E0%B6%87%E0%B6%AD%E0%B7%94%E0%B6%BD%E0%B7%99%E0%B6%B1%E0%B7%8A%E0%B6%B8+%E0%B6%AD%E0%B7%9C%E0%B6%BB%E0%B6%AD%E0%B7%94%E0%B6%BB%E0%B6%9A%E0%B7%8A
අඹේපුස්ස යුද හමුදා කඳවුරේ මුර කුටියක රාජකාරියේ යෙදී සිටි හමුදා සෙබලෙකු තියුණු ආයුධයකින් පහරදී ඝාතනය කර ඔහුගේ ගිනි අවිය පැහැරගැනීමේ සිද්ධියට එම කඳවුරේම සෙබළුන් දෙදෙනෙකු සම්බන්ධ බවට පොලිස් පරීක්ෂණවලින් අනාවරණ වී තිබෙනවා.

විමර්ශන සිදුකරන උසස් නිලධාරියෙකු සඳහන් කළේ කොල්ලකෑම් සිදුකිරීම සඳහා මෙම හමුදා සෙබළාගේ ගිනි අවිය මොවුන් විසින් පැහැරගෙන ඇති බවයි.

කෙසේ වෙතත් නුදුරේදීම සැකකරුවන් දෙදෙනා අත්අඩංගුවට ගන්නා බවද එම නිලධාරියා සඳහන් කළා.

එමෙන්ම පැහැරගත් ගිනි අවිය සම්බන්ධයෙන්ද තොරතුරු රැසක් මේ වනවිටත් අනාවරණ වී ඇති බව සඳහන්.

මියගිය යුද හමුදා සෙබලාගේ පශ්චාත් මරණ පරීක්ෂණය පසුගියදා ගම්පහ රෝහලේ සිදුකළ අතර, එහිදී අනාවරණ වුණේ තියුණු ආයුධයකින් සිදුකළ පහරදීමකින් ඔහුගේ හෘදයට හානි සිදුව ඇති බවටයි.  

මියගිය හමුදා සෙබලා වසර දෙක හමාරක පමණ කාලයකට පෙර දී යුද හමුදාවට බැදී ඇති අතර, ඔහු අඹේපුස්ස යුද හමුදා කදවුරේ සම්මාන ධජ රදවා ඇති ස්ථානයෙහි ඇති මුර කුටියෙහි රාජකාරීයේ නිරතව තිබෙනවා.

මියගිය 21 හැවිරිදි යුද හමුදා සෙබලා කෑගල්ල - බුලත්කොහුපිටිය ප්‍රදේශයේ පදිංචිකරුවෙකු  වන අතර, ඔහු සිය පවුලේ දෙවැන්නායි.

ඔහුගේ අවසන් කටයුතු සිදු කෙරුණේ පසුගිය ඉරිදායි.