සහරාන් හෂීම්ගේ DNA වාර්තාව අඟහරුවාදා

Sunday, 19 May 2019 - 7:26

%E0%B7%83%E0%B7%84%E0%B6%BB%E0%B7%8F%E0%B6%B1%E0%B7%8A+%E0%B7%84%E0%B7%82%E0%B7%93%E0%B6%B8%E0%B7%8A%E0%B6%9C%E0%B7%9A+DNA+%E0%B7%80%E0%B7%8F%E0%B6%BB%E0%B7%8A%E0%B6%AD%E0%B7%8F%E0%B7%80+%E0%B6%85%E0%B6%9F%E0%B7%84%E0%B6%BB%E0%B7%94%E0%B7%80%E0%B7%8F%E0%B6%AF%E0%B7%8F
පාස්කු ඉරිදා ප්‍රහාරයට සම්බන්ධ ජාතික තවුහිත් ජමාත් සංවිධානයේ නායකයා බව පැවසෙන සහරාන් හෂීම්ගේ ඩී.එන්.ඒ වාර්තාව අනිද්දා නිකුත් කිරීමට නියමිතයි.

ඒ සම්බන්ධ පරීක්ෂණ කටයුතු මේ වනවිට බොහෝ දුරට අවසන් කර ඇති බවයි රජයේ රස පරීක්ෂක දෙපාර්තමේන්තුව සදහන් කළේ.

මෙම ප්‍රහාරවලට සම්බන්ධ ජාතික තවුහිත් ජමාත් සංවිධානයේ නායකයා බව පැවසෙන සහරාන් හෂීම්ගේ ඩී.එන්.ඒ වාර්තාව ලබා ගැනීම සදහා ඔහුගේ බිරිදගේ සහ දියණියගේ රුධිර සාම්පල පසුගිය සිකුරාදා රස පරීක්ෂක දෙපාර්තමේන්තුවට ලැබී තිබුණා.

එම තොරතුරු ඇතුළත් සම්පූර්ණ වාර්තාව අපරාධ පරීක්ෂණ දෙපාර්තමේන්තුවට ලබාදීමට නියමිතයි.

පසුගිය අප්‍රේල් 21 වනදා කතෝලික දේවස්ථාන සහ ප්‍රධාන පෙළේ හෝටල් 3 කට එල්ල වූ ත්‍රස්තවාදී ප්‍රහාරයත් සමග එයට පැමිණි මරාගෙන මැරෙන ත්‍රස්තවාදීන්ගේ තොරතුරු ආරක්ෂක අංශ වෙත වාර්තා වුණා.

එහිදී මරාගෙන මැරුණු ඇතැම් ත්‍රස්තවාදීන්ගේ සිරුරු කොටස් හමුවූ අතර ඒවා ඔස්සේ රජයේ රස පරීක්ෂක දෙපාර්තමේන්තුව පරීක්ෂණ ආරම්භ කරනු ලැබුවා.

ඒ අනුව කොච්චිකඩේ ශාන්ත අන්තෝනි දේවස්ථානයට ප්‍රහාර එල්ල කර ඇත්තේ අලව්ඩීන් අහමඩ් මුවාත් නමැත්තා බවට ඩී.එන්.ඒ පරීක්ෂණයේදී අනාවරණ වී තිබෙනවා.

මීගමුව - කටුවපිටිය දේවස්ථානයට අච්චි මොහොම්මදු හස්තූන් නමැති මරාගෙන මැරෙන ත්‍රස්තවාදියා පැමිණ ඇති බවට ද මෙහිදී කරුණු හෙළි වුණා.

සේ වෙතත්, ෂැංග්‍රිලා හෝටලයට ප්‍රහාර එල්ල කිරීම සදහා පැමිණියේ සහරාන් හෂීම් සහ ඉල්හාම් අහමඩ් ඊබ්‍රාහිම් බවට මේ වනවිට තොරතුරු අනාවරණ වී ඇති අතර, ඒ පිළිබදව කළ සනාථ කිරීම් ද අගහරුවාදා භාරදීමට නියමිත රස පරීක්ෂක වාර්තාවේ ඇතුළත්.


රත්නපුර දිස්ත්‍රික්කයේ මනාප ඡන්ද ප්‍රතිඵලය
Friday, 07 August 2020 - 6:01

මහ මැතිවරණ‍යේ රත්නපුර දිස්ත්‍රික්කයේ මනාප ඡන්ද ප්‍රතිඵල... Read More

හම්බන්තොට දිස්ත්‍රික්කය - මනාප ඡන්ද ප්‍රතිඵලය, නාමල් පළමු තැනට
Friday, 07 August 2020 - 4:51

හම්බන්තොට දිස්ත්‍රික්කය - මනාප ඡන්ද ප්‍රතිඵලය මේවන විට නිකුත්ව... Read More

යාපනය දිස්ත්‍රික්කය - මනාප ඡන්ද ප්‍රතිඵලය
Friday, 07 August 2020 - 4:33

යාපනය දිස්ත්‍රික්කය - මනාප ඡන්ද ප්‍රතිඵලය මේවන විට නිකුත්ව... Read More