කුරුණෑගල වෛද්‍යවරයාට එරෙහිව තවත් පැමිණිලි 03 ක්

Monday, 27 May 2019 - 7:01

%E0%B6%9A%E0%B7%94%E0%B6%BB%E0%B7%94%E0%B6%AB%E0%B7%91%E0%B6%9C%E0%B6%BD+%E0%B7%80%E0%B7%9B%E0%B6%AF%E0%B7%8A%E2%80%8D%E0%B6%BA%E0%B7%80%E0%B6%BB%E0%B6%BA%E0%B7%8F%E0%B6%A7+%E0%B6%91%E0%B6%BB%E0%B7%99%E0%B7%84%E0%B7%92%E0%B7%80+%E0%B6%AD%E0%B7%80%E0%B6%AD%E0%B7%8A+%E0%B6%B4%E0%B7%90%E0%B6%B8%E0%B7%92%E0%B6%AB%E0%B7%92%E0%B6%BD%E0%B7%92+03+%E0%B6%9A%E0%B7%8A
චෝදනා කිහිපයක් සම්බන්ධයෙන් අත්අඩංගුවට ගෙන සිටින කුරුණෑගල ශික්ෂණ රෝහලේ සේවය කරන ප්‍රසව හා නාරිවේද වෛද්‍යවරයාට එරෙහිව තවත් කාන්තාවන් තුන් දෙනෙකු රෝහලේ පාලන අධිකාරිය වෙත පැමිණිලි කර තිබෙනවා.

මීට පෙර කාන්තාවන් දෙදෙනෙකු මෙම වෛද්‍යවරයාට එරෙහිව පැමිණිලි කර තිබූ අතර, ඒ අනුව මොවුන් පස්දෙනාගෙන්ම ප්‍රකාශ ලබාගෙන ඇති බවයි කුරුණෑගල ශික්ෂණ රෝහලේ අධ්‍යක්‍ෂ වෛද්‍ය සරත් වීරබණ්ඩාර හිරු ප්‍රවෘත්ති අංශය කළ විමසීමකදී සඳහන් කළේ.

සැකසහිත ආකාරයට වත්කම් ඉපයීම සම්බන්ධයෙන් කුරුණෑගල මහරෝහලේ වෛද්‍ය සෙයිගු සියාබ්දීන් මොහොමඞ් සාෆි අත්අඩංගුවට ගනු ලැබුවේ පසුගිය 24 වනදා රාත්‍රියේයි.

ඒ, ඔහුගේ කුරුණෑගල නුවර පාරේ පිහිටි නිවසේදියි. පසුව මොහු වැඩිදුර විමර්ශන සඳහා අපරාධ පරීක්ෂණ දෙපාර්තමේන්තුව වෙත භාරදෙනු ලැබුවා.

42 හැවිරිදි මොහු වසර 13 කට අධික කාලයක් රෝහල් තුනක ප්‍රසව සහ නාරි වෛද්‍ය ඒකකයට අනුයුක්තව සේවය කර තිබෙනවා.

සිසේරියන් සැත්කම් අතරතුර මව්වරුන් 4,000 ක් වඳ භාවයට පත් කළ වෛද්‍යවරයෙකු පිළිබඳව ජාතික පුවත්පතක් පසුගිය බ්‍රහස්පතින්දා වාර්තා කර තිබූ අතර, එම වාර්තාවලින් පසුවයි මොහු සම්බන්ධයෙන් කරුණු අනාවරණ වුණේ.

පොලිස් මාධ්‍ය ප්‍රකාශක, පොලිස් අධිකාරී රුවන් ගුණසේකර කොළඹ ඊයේ පැවැති මාධ්‍ය හමුවකට එක්වෙමින් සඳහන් කළේ අදාළ වෛද්‍යවරයා සම්බන්ධයෙන් පැමිණිලි ඇත්නම් අපරාධ පරීක්ෂණ දෙපාර්තමේන්තුව වෙත ඉදිරිපත් කරන ලෙසටයි.

මේ අතර, චෝදනා එල්ල වී ඇති වෛද්‍යවරයා සම්බන්ධයෙන් රෝහල් පරිපාලන අධිකාරියෙන් ද පරීක්ෂණයක් ආරම්භ කර තිබෙනවා.  



රටේ දේශපාලන සංස්කෘතිය වෙනස් විය යුතු බව අස්ගිරි අනුනාහිමියන් කියයි (වීඩියෝ)
Thursday, 16 July 2020 - 21:29

රටේ දේශපාලන සංස්කෘතිය වෙනස් විය යුතු බව අස්ගිරි පාර්ශ්වයේ... Read More

මැතිවරණ කොමිසමේ ඉල්ලීමක් අනුව ජාඇල පොලිස් ස්ථානාධිපති පොලිස් මූලස්ථානයට මාරු කෙරේ
Thursday, 16 July 2020 - 21:10

ජාඇල පොලිසියේ පොලිස් ස්ථානාධිපතිවරයා පොලිස් මූලස්ථානයට... Read More

මන්ත්‍රී ධූරය විකුණන පිරිසක් ගැන සජිත් කියයි (වීඩියෝ)
Thursday, 16 July 2020 - 20:54

මෙවර මහ මැතිවරණයට ඇතැම් පිරිස් ඉදිරිපත්ව ඇත්තේ ජයග්‍රහණයෙන්... Read More