උපවාසයේ නිරත රතන හිමියන්ගේ සහයට රාජ්‍ය අමාත්‍ය වසන්ත සේනානායකත් එක්වෙයි - මහනුවර නගරයේ වෙළදසැලුත් වසයි

Monday, 03 June 2019 - 7:33

%E0%B6%8B%E0%B6%B4%E0%B7%80%E0%B7%8F%E0%B7%83%E0%B6%BA%E0%B7%9A+%E0%B6%B1%E0%B7%92%E0%B6%BB%E0%B6%AD+%E0%B6%BB%E0%B6%AD%E0%B6%B1+%E0%B7%84%E0%B7%92%E0%B6%B8%E0%B7%92%E0%B6%BA%E0%B6%B1%E0%B7%8A%E0%B6%9C%E0%B7%9A+%E0%B7%83%E0%B7%84%E0%B6%BA%E0%B6%A7+%E0%B6%BB%E0%B7%8F%E0%B6%A2%E0%B7%8A%E2%80%8D%E0%B6%BA+%E0%B6%85%E0%B6%B8%E0%B7%8F%E0%B6%AD%E0%B7%8A%E2%80%8D%E0%B6%BA+%E0%B7%80%E0%B7%83%E0%B6%B1%E0%B7%8A%E0%B6%AD+%E0%B7%83%E0%B7%9A%E0%B6%B1%E0%B7%8F%E0%B6%B1%E0%B7%8F%E0%B6%BA%E0%B6%9A%E0%B6%AD%E0%B7%8A+%E0%B6%91%E0%B6%9A%E0%B7%8A%E0%B7%80%E0%B7%99%E0%B6%BA%E0%B7%92+-+%E0%B6%B8%E0%B7%84%E0%B6%B1%E0%B7%94%E0%B7%80%E0%B6%BB+%E0%B6%B1%E0%B6%9C%E0%B6%BB%E0%B6%BA%E0%B7%9A+%E0%B7%80%E0%B7%99%E0%B7%85%E0%B6%AF%E0%B7%83%E0%B7%90%E0%B6%BD%E0%B7%94%E0%B6%AD%E0%B7%8A+%E0%B7%80%E0%B7%83%E0%B6%BA%E0%B7%92
අමාත්‍ය රිෂාඩ් බදියුදීන් සහ අසාද් සාලි, එම්.එල්.ඒ.එම් හිස්බුල්ලා යන ආණ්ඩුකාරවරුන් එම තනතුරුවලින් ඉවත් කිරිම ඇතුළු ඉල්ලීම් 04 ක් මුල් කර ගනිමින් පාර්ලිමේන්තු මන්ත්‍රී පූජ්‍ය අතුරලියේ රතන හිමියන් ආරම්භ කළ අඛන්ඩ උපවාසයට අදට දින 04 ක් ගතවනවා.  

ප්‍රදේශයේ හිරු වාර්තාකරුවන් සදහන් කළේ උන්වහන්සේගේ සෞඛ්‍ය තත්ත්වය පිරිහී ඇති බැවින් ඊයේ (02) රාත්‍රියේද වෛද්‍යවරුන් පැමිණ පරීක්ෂා කර ඇති බවයි.

එමෙන්ම විදේශ කටයුතු රාජ්‍ය අමාත්‍ය වසන්ත සේනානායක ද ඊයේ (02) පස්වරුවේ පූජ්‍ය අතුරලියේ රතන හිමියන්ට සහය පළ කරමින් එම ස්ථානයට පැමිණියා.  

උන්වහන්සේගේ සුවදුක් විමසීම සඳහා මහා සංඝරත්නය, දේශපාලනඥයින් සහ සිවිල් සංවිධාන ඇතුළු ප්‍රදේශවාසීන් රැසක් ද උපවාසය සිදුකරන ශ්‍රී දළදා මාළිගාවේ මහමළුවට පැමිණෙන බවයි වාර්තාකරුවන් කියා සිටියේ.

මේ අතර, රතන හිමියන්ගේ උපවාසයට සහය පළ කරමින් මහනුවර සිංහල වෙළඳ පෙරමුණ අද (03) නගරයේ සියළු වෙළදසැල් වසා දමා විරෝධතාවක නිරතවීමට තීරණය කර තිබෙනවා.

කළු කොඩි ඔසවමින් නගරයේ සියළුම වෙළදසැල් මෙලෙස අද උදෑසන සිට වසා දැමීමටයි එම පෙරමුණ තීරණය කර ඇත්තේ.

එමෙන්ම රතන හිමියන්ගේ උපවාසයට සහය පළ කරමින් අද (03) පස්වරු 3 සිට 5 දක්වා පැය දෙකක කාලයක් දඹුල්ල ආර්ථික මධ්‍යස්ථානයේ සියළුම වෙළඳසැල් ද වසා දැමීමට තීරණය කර තිබෙනවා.

ආර්ථික මධ්‍යස්ථානය ඉදිරිපිටට පැමිණ රතන හිමියන්ගේ ඉල්ලීම්වලට කඩිනම් විසදුමක් ලබාදෙන ලෙසට බල කරමින් විරෝධතා ව්‍යාපාරයක් ද පැවැත්වීමට තීරණය කර ඇති බවයි දඹුල්ල ආර්ථික මධ්‍යස්ථානයේ වෙළද සංගමයේ සභාපති ශාන්ත ඒකනායක හිරු ප්‍රවෘත්ති අංශයට සඳහන් කළේ.  

මීට අමතරව වැලිගම නගරයේ ද රතන හිමියන්ට සහය පළ කරමින් ප්‍රදේශයේ සංඝයා වහන්සේලා ප්‍රමුඛ ප්‍රදේශවාසීන් අද උදෑසන විරෝධතාවක නිරතවනවා.

අලූත්ගම බස් නැවතුම්පොළ ඉදිරිපිට ද ස්වාමීන් වහන්සේලා පිරිසක් ඊයේ රාත්‍රියේ උපවාසයක් ආරම්භ කළේ පූජ්‍ය අතුරලියේ රතන හිමියන්ට සහය පළ කරමින්.  

මේ අතර පූජ්‍ය අතුරලියේ රතන හිමියන්ගේ උපවාසයට සහය පළ කරමින් අලුත්ගමින් ආරම්භ කෙරෙන පෞද්ගලික බස් රථ වර්ජනයක් ආරම්භ කර ඇති බවයි සමස්ත ලංකා පෞද්ගලික බස් රථ සේවක සංගමය කියා සිටියේ.  



හම්බන්තොට දිස්ත්‍රික්කය - මනාප ඡන්ද ප්‍රතිඵලය, නාමල් පළමු තැනට
Friday, 07 August 2020 - 4:51

හම්බන්තොට දිස්ත්‍රික්කය - මනාප ඡන්ද ප්‍රතිඵලය මේවන විට නිකුත්ව... Read More

යාපනය දිස්ත්‍රික්කය - මනාප ඡන්ද ප්‍රතිඵලය
Friday, 07 August 2020 - 4:33

යාපනය දිස්ත්‍රික්කය - මනාප ඡන්ද ප්‍රතිඵලය මේවන විට නිකුත්ව... Read More