රටේ ස්ථාවරත්වය වෙනුවෙන් මහනාහිමිවරුන්ගෙන් රජයට කරුණු 15ක යෝජනාවලියක්

Wednesday, 05 June 2019 - 19:33

%E0%B6%BB%E0%B6%A7%E0%B7%9A+%E0%B7%83%E0%B7%8A%E0%B6%AE%E0%B7%8F%E0%B7%80%E0%B6%BB%E0%B6%AD%E0%B7%8A%E0%B7%80%E0%B6%BA+%E0%B7%80%E0%B7%99%E0%B6%B1%E0%B7%94%E0%B7%80%E0%B7%99%E0%B6%B1%E0%B7%8A+%E0%B6%B8%E0%B7%84%E0%B6%B1%E0%B7%8F%E0%B7%84%E0%B7%92%E0%B6%B8%E0%B7%92%E0%B7%80%E0%B6%BB%E0%B7%94%E0%B6%B1%E0%B7%8A%E0%B6%9C%E0%B7%99%E0%B6%B1%E0%B7%8A+%E0%B6%BB%E0%B6%A2%E0%B6%BA%E0%B6%A7+%E0%B6%9A%E0%B6%BB%E0%B7%94%E0%B6%AB%E0%B7%94+15%E0%B6%9A+%E0%B6%BA%E0%B7%9D%E0%B6%A2%E0%B6%B1%E0%B7%8F%E0%B7%80%E0%B6%BD%E0%B7%92%E0%B6%BA%E0%B6%9A%E0%B7%8A
අස්ගිරි පාර්ශවයේ මහ නායක අතිපූජ්‍ය වරකාගොඩ ඤාණරතන හිමියන්ගේ ප්‍රධානත්වයෙන් ත්‍රෛනිකායික මහා සංඝරත්නයේ සහභාගීත්වයෙන් විශේෂ සාකච්ඡාවක් අස්ගිරි මහ නාහිමියන්ගේ නිල ආරාමයේදී අද පස්වරුවේ පැවැත්වුණා.

ඊට කෝට්ටේ ශ්‍රී කල්‍යානි සාමාග්‍රි ධර්ම මහා සංඝ සභාවේ මහ නායක අතිපූජ්‍ය ඉත්තෑපානේ ධම්මාලංකාර නාහිමියන් මෙන්ම මල්වතු සහ අස්ගිරි පාර්ශවවල අනුනායක හිමිවරුන්, ඇතුළු මහා සංඝරත්නය එක්ව සිටි බවයි හිරු වාර්තාකරුවන් සඳහන් කළේ.

එහිදී රටේ පවතින තත්ත්වයත් සමඟ ඉදිරියේදී අනුගමනය කළ යුතු ක්‍රියාමාර්ග පිළිබඳව සාකච්ඡා කිරීමට නියමිතව තිබූ අතර, සාකච්ඡාවෙන් අනතුරුව මාධ්‍ය වෙත අදහස් දැක්වූ මල්වතු පාර්ශවයේ අනුනායක පූජ්‍ය නියංගොඩ විජිතසිරි හිමියන් කියා සිටියේ කරුණු 15 කින් යුත් එකඟතාවකට එහිදී පැමිණි බවයි.

ඒ පිළිබඳව සම්පූර්ණ ප්‍රකාශයක් හෙට දිනයේ ඉදිරිපත් කිරීමට නියමිත බවද උන්වහන්සේ වැඩිදුරටත් කියා සිටියා.

පස්වරු 2.30ට ආරම්භ වූ සාකච්ඡාව පැය 3 කට ආසන්න කාලයක් පැවති බවයි එහි සිටින හිරු වාර්තාකරුවන් සඳහන් කළේ.

මේ අතර චෝදණාවට ලක්වූ මුස්ලිම් අමාත්‍යවරුන් හැර සෙසු අමාත්‍යවරුන් ආණ්ඩුවෙන් ඉවත් නොවිය යුතුබව ත්‍රෛනිකායක මහා සංඝ රත්නයේ සහභාගිත්වයෙන් මහනුවර පැවදි විශේෂ සංඝ සමුළුවේදී තීරණය කර තිබෙනවා.