පාස්කු ඉරිදා ප්‍රහාරයට අයි.එස්. ඍජුව සම්බන්ධ බවට තවමත් සාක්ෂි නැහැ - CID ප්‍රධානියා හෙළි කරයි

Wednesday, 24 July 2019 - 18:44

%E0%B6%B4%E0%B7%8F%E0%B7%83%E0%B7%8A%E0%B6%9A%E0%B7%94+%E0%B6%89%E0%B6%BB%E0%B7%92%E0%B6%AF%E0%B7%8F+%E0%B6%B4%E0%B7%8A%E2%80%8D%E0%B6%BB%E0%B7%84%E0%B7%8F%E0%B6%BB%E0%B6%BA%E0%B6%A7+%E0%B6%85%E0%B6%BA%E0%B7%92.%E0%B6%91%E0%B7%83%E0%B7%8A.+%E0%B6%8D%E0%B6%A2%E0%B7%94%E0%B7%80+%E0%B7%83%E0%B6%B8%E0%B7%8A%E0%B6%B6%E0%B6%B1%E0%B7%8A%E0%B6%B0+%E0%B6%B6%E0%B7%80%E0%B6%A7+%E0%B6%AD%E0%B7%80%E0%B6%B8%E0%B6%AD%E0%B7%8A+%E0%B7%83%E0%B7%8F%E0%B6%9A%E0%B7%8A%E0%B7%82%E0%B7%92+%E0%B6%B1%E0%B7%90%E0%B7%84%E0%B7%90+-+CID+%E0%B6%B4%E0%B7%8A%E2%80%8D%E0%B6%BB%E0%B6%B0%E0%B7%8F%E0%B6%B1%E0%B7%92%E0%B6%BA%E0%B7%8F+%E0%B7%84%E0%B7%99%E0%B7%85%E0%B7%92+%E0%B6%9A%E0%B6%BB%E0%B6%BA%E0%B7%92
පාස්කු ඉරිදා ත්‍රස්ත ප්‍රහාරය අයි.එස්.අයි.එස්. සංවිධානය විසින් ඍජු මෙහෙයවීමෙන් සිදු නොවූවක් බව අපරාධ පරීක්ෂණ දෙපාර්තමේන්තුව භාර ජ්‍යෙෂ්ඨ නියෝජ්‍ය පොලිස්පති රවී සෙනෙවිරත්න ප්‍රකාශ කළා.

ඔහු මේ බව කියා සිටියේ ඒ සම්බන්ධයෙන් සොයා බැලීමට පත්කළ පාර්ලිමේන්තු විශේෂ තේරීම් කාරක සභාව හමුවේ අද සාක්ෂි ලබාදෙමින්.

පාස්කු ඉරිදා ත්‍රස්ත ප්‍රහාරය සම්බන්ධයෙන් විමර්ශනයට පත් කළ පාර්ලිමේන්තු විශේෂ තේරීම් කාරක සභාව හමුවට බුද්ධි අංශ නිලධාරීන් කැඳවීම සම්බන්ධයෙන් පසුගිය දිනවල දැඩි විවේචන එල්ල වුණා.

කාරක සභාවේ නියෝජිතයින් ඊයේ ප්‍රකාශ කළේ අද දින දින සිදු කෙරෙන සාක්ෂි විමසීමේ කටයුතු මාධ්‍යයට විවෘත නොකරන බවයි.

කෙසේ වෙතත්, එහි කටයුතු අද දහවල් යළිත් මාධ්‍යයට විවෘත කිරීමට තීරණයක් ගෙන තිබුණා.

ඒ අනුව අපරාධ පරීක්ෂණ දෙපාර්තමේන්තුව භාර ජ්‍යෙෂ්ඨ නියෝජ්‍ය පොලිස්පති රවී සෙනෙවිරත්න අද ප්‍රථමයෙන් සාක්ෂි දීම සිදුකළා.  

අනතුරුව තේරීම් කාරක සභාව හමුවේ අපරාධ පරීක්ෂණ දෙපාර්තමේන්තුවේ අධ්‍යක්ෂ, ජ්‍යෙෂ්ඨ පොලිස් අධිකාරී ශානි අබේසේකර සහ ත්‍රස්ත විමර්ශන කොට්ඨාශයේ මූලධර්ම හා අන්තවාදී විමර්ශන අංශය භාර පොලිස් පරීක්ෂක තරංග පතිරණ සාක්ෂි ලබාදුන්නා.