තලාවේ ආනාරක්ෂිත දුම්රිය හරස් මග ගිය වෑන් රථය දුම්රියේ ගැටෙයි

Friday, 16 August 2019 - 14:16

%E0%B6%AD%E0%B6%BD%E0%B7%8F%E0%B7%80%E0%B7%9A+%E0%B6%86%E0%B6%B1%E0%B7%8F%E0%B6%BB%E0%B6%9A%E0%B7%8A%E0%B7%82%E0%B7%92%E0%B6%AD+%E0%B6%AF%E0%B7%94%E0%B6%B8%E0%B7%8A%E0%B6%BB%E0%B7%92%E0%B6%BA+%E0%B7%84%E0%B6%BB%E0%B7%83%E0%B7%8A+%E0%B6%B8%E0%B6%9C+%E0%B6%9C%E0%B7%92%E0%B6%BA+%E0%B7%80%E0%B7%91%E0%B6%B1%E0%B7%8A+%E0%B6%BB%E0%B6%AE%E0%B6%BA+%E0%B6%AF%E0%B7%94%E0%B6%B8%E0%B7%8A%E0%B6%BB%E0%B7%92%E0%B6%BA%E0%B7%9A+%E0%B6%9C%E0%B7%90%E0%B6%A7%E0%B7%99%E0%B6%BA%E0%B7%92
තලාව දුම්රිය ස්ථානයට යාබද දුම්රිය හරස් මාර්ගයක් හරහා ගමන් කරමින් තිබූ වෑන් රථයක් ඊයේ (15) රාත්‍රියේ දුම්රියේ ගැටී සිදු වූ අනතුරකින් එක් පුද්ගලයකු තුවාල ලබා රෝහල් ගතකර තිබෙනවා.

තලාව දුම්රිය ස්ථානයට හා දුම්රිය ස්ථානය පිටුපස පිහිටි ගම්මානයට ගමන් කිරීම සඳහා ඇති මෙම දුම්රිය හරස් මාර්ගය ඔස්සේ නගරය දෙසට ගමන්කරමින් තිබූ වෑන් රථයක් මෙලෙස අනතුරට ලක්ව තිබෙනවා.

අනතුර සිදු වන අවස්ථාවේ වෑන් රථයේ රියදුරු සමඟ තිදෙනකු ගමන් කර ඇති අතර, දුම්රියේ ගැටුණු වෑන් රථය මීටර් කීහිපයක් දුර ඇදී ගොස් දුම්රිය මාර්ගයෙන් පිටතට විසිවී නතර වී තිබෙනවා.

වෑන් රථයේ ගමන් ගත් එක් අයෙකු තුවාල ලබා තලාව රජයේ රෝහලට ඇතුළත් කර ඇති අතර, ඔහුගේ තත්වය බරපතල නොවන බවයි රෝහල් ආරංචි මාර්ග පවසන්නේ.

අදාළ දුම්රිය හරස් මාර්ගයේ ආරක්ෂිත ගේට්ටුවේ සේවකයකු නොමැතිකමින් එම ස්ථානය ඉතාමත් අනාරක්ෂිත බවයි ප්‍රදෙශවාසීන් පෙන්වාදෙන්නේ.

මීට පෙරද මෙම ස්ථානයේ අනතුරු සිදුව ඇති බවත්, විශාල පිරිසක් නිරන්තයෙන් ගමන් කරන මෙම හරස් මාර්ගයට දුම්රිය ගේට්ටු සවි කර මුරකරුවකු යෙදවිය යුතු බවත් ප්‍රදේශවාසීන් පවසන්නේ.

සිද්ධිය සම්බන්ධයෙන් තලාව පොලීසිය වැඩිදුර පරීක්ෂණ සිදු කරයි.