කසල රැගත් ලොරි රථවලට හානි කිරීම සහ උද්ඝෝෂණ තහනම්

Wednesday, 04 September 2019 - 10:37

%E0%B6%9A%E0%B7%83%E0%B6%BD+%E0%B6%BB%E0%B7%90%E0%B6%9C%E0%B6%AD%E0%B7%8A+%E0%B6%BD%E0%B7%9C%E0%B6%BB%E0%B7%92+%E0%B6%BB%E0%B6%AE%E0%B7%80%E0%B6%BD%E0%B6%A7+%E0%B7%84%E0%B7%8F%E0%B6%B1%E0%B7%92+%E0%B6%9A%E0%B7%92%E0%B6%BB%E0%B7%93%E0%B6%B8+%E0%B7%83%E0%B7%84+%E0%B6%8B%E0%B6%AF%E0%B7%8A%E0%B6%9D%E0%B7%9D%E0%B7%82%E0%B6%AB+%E0%B6%AD%E0%B7%84%E0%B6%B1%E0%B6%B8%E0%B7%8A
අරුවක්කාලු කසල අංගනය වෙත කසල ප්‍රවාහනය කරන රථ වලට හානි කිරීම සහ ඊට එරෙහිව උද්ඝෝෂණ සිදුකිරීම තහනම් කරමින් පුත්තලම ප්‍රධාන මහේස්ත්‍රාත් අනුර ඉන්ද්‍රජිත් බුද්ධදාස තහනම් නියෝගයක් නිකුත් කර තිබෙනවා.

පුත්තලම මූලස්ථාන පොලිස් පරීක්ෂකවරයා ඉදිරිපත් කළ වාර්තාවක් සැලකිල්ලට ගනිමින් ඊයේ මෙම නියෝගය ලබාදුන් බවයි හිරු අධිකරණ වාර්තාකරු සඳහන් කළේ.

එමෙන්ම, මෙම සිද්ධීන් වලට සම්බන්ධ බව කියන පුද්ගලයින් 4 දෙනෙකුට ලබන 11 වනදා අධිකරණය හමුවේ පෙනී සිටින ලෙස ද මහේස්ත්‍රාත්වරයා නියෝග කරනු ලැබුවා.

අරුවක්කාලු කසල අංගනය වෙත කසල ප්‍රවාහනය කරමින් තිබූ ලොරි රථවලට පසුගිය දින කිහිපය තුළ පුත්තලම - තිල්අඩිය සහ අරුවක්කාලු මාර්ගයේදී ප්‍රහාරයන් එල්ල වුණා.