කිරි පිටි ආනයනය තාවකාලිකව නවතී

Friday, 13 September 2019 - 8:09

%E0%B6%9A%E0%B7%92%E0%B6%BB%E0%B7%92+%E0%B6%B4%E0%B7%92%E0%B6%A7%E0%B7%92+%E0%B6%86%E0%B6%B1%E0%B6%BA%E0%B6%B1%E0%B6%BA+%E0%B6%AD%E0%B7%8F%E0%B7%80%E0%B6%9A%E0%B7%8F%E0%B6%BD%E0%B7%92%E0%B6%9A%E0%B7%80+%E0%B6%B1%E0%B7%80%E0%B6%AD%E0%B7%93
මිල සූත්‍රයට අනුව සැප්තැම්බර් 01 වැනිදා සිට මිල වැඩි නොකිරීම හේතුවෙන් කිරිපිටි ආනයනය තාවකාලිකව අත්හිටුවීමට කිරිපිටි සමාගම් තීරණය කර තිබෙනවා.

මාස 03 කට වරක් සිදුවන මිල සංශෝධනයට අනුව කිරිපිටි කිලෝග්‍රෑමයක මිල මෙවර රුපියල් 50 කින් ඉහළ දැමීමට පාරිභෝගික සේවා අධිකාරිය සැලසුම් කර තිබූ බවයි කිරිපිටි සමාගමක උසස් නිලධාරියෙකු හිරු ප්‍රවෘත්ති අංශයට සඳහන් කළේ.

එහෙත් ජීවන වියදම් කමිටුවේ අනුමැතිය ඊට නොලැබීම නිසා මිල වැඩිවීමක් සිදුනොවූ අතර, ලෝක වෙළඳපොලේ මිල ඉහළ ගොස් ඇති නිසා කිරිපිටි අලෙවියේදී අලාභයක් දැරීමට සිදුව ඇති බව එම නිලධාරීයා කියා සිටියා.

මේ හේතුවෙන් කිරිපිටි ආනයනය තාවකාලිකව අත්හිටුවීමටයි ඔවුන් තීරණය කර ඇත්තේ.