කංජිපානි ඉම්රාන් අනිද්දා රජයේ රස පරීක්ෂක හමුවට

Tuesday, 17 September 2019 - 17:01

%E0%B6%9A%E0%B6%82%E0%B6%A2%E0%B7%92%E0%B6%B4%E0%B7%8F%E0%B6%B1%E0%B7%92+%E0%B6%89%E0%B6%B8%E0%B7%8A%E0%B6%BB%E0%B7%8F%E0%B6%B1%E0%B7%8A+%E0%B6%85%E0%B6%B1%E0%B7%92%E0%B6%AF%E0%B7%8A%E0%B6%AF%E0%B7%8F+%E0%B6%BB%E0%B6%A2%E0%B6%BA%E0%B7%9A+%E0%B6%BB%E0%B7%83+%E0%B6%B4%E0%B6%BB%E0%B7%93%E0%B6%9A%E0%B7%8A%E0%B7%82%E0%B6%9A+%E0%B7%84%E0%B6%B8%E0%B7%94%E0%B7%80%E0%B6%A7
සංවිධානාත්මක අපරාධකරුවෙකු වන මොහොමඞ් නජීම් මොහොමඞ් ඉම්රාන් හෙවත් කංජිපානි ඉම්රාන්ගෙන් අනිද්දා කටහඬ සාම්පල ලබාගැනීමට රජයේ රස පරීක්ෂකවරයා වෙත ඉදිරිපත් කරන ලෙස බන්ධනාගාර කොමසාරිස්වරයා වෙත කොළඹ ප්‍රධාන මහේස්ත්‍රාත් ලංකා ජයරත්න අද නියෝග කළා.

ඒ, කෙසෙල්වත්ත පොලිසියට අනුයුක්ත නිලධාරියෙකුට දුරකතනයෙන් මරණ තර්ජනය කිරීමේ සිද්ධියක් සම්බන්ධයෙන් වන නඩුවට අදාළවයි.

ඒ අනුව එදින උදෑසන 10 ට කංජිපානි ඉම්රාන් රජයේ රස පරික්ෂකවරයා වෙත ඉදිරිපත් කිරීමටයි නියෝග කෙරුණේ.

මේ අතර, ඝාතනය කිරීම, ඊට ආධාර අනුබලදීම සහ කුමන්ත්‍රණය කිරීමේ සිද්ධීන් කිහිපයක් සම්බන්ධයෙන් කොළඹ අතිරේක මහේස්ත්‍රාත් අධිකරණයේ ඔහුට විරුද්ධව පවරා ඇති නඩු 7 ක් අද විභාගයට ගැනුනා.

එහිදී කංජිපානි ඉම්රාන් ලබන මස 1 වනදා දක්වා රක්ෂිත බන්ධනාගාර ගත කරන ලෙසයි කොළඹ අතිරේක මහේස්ත්‍රාත් කාංචනා නෙරංජනා ද සිල්වා නියෝග කළේ.

මේ වනවිටත් ගංජා කිලෝ 05 යි ග්‍රෑම් 300 ක් ළඟ තබා ගැනීම සහ ජාවාරම් කිරීමේ චෝදනාවට ඔහුට වසර 06 ක බරපතල වැඩ සහිත සිරදඬුවමක් නියම වී තිබෙනවා.