මැදපෙරදිග දුක්විඳින මෙරට කාන්තාවන් පිරිසක් හිරු අමතයි

Saturday, 12 October 2019 - 18:52

%E0%B6%B8%E0%B7%90%E0%B6%AF%E0%B6%B4%E0%B7%99%E0%B6%BB%E0%B6%AF%E0%B7%92%E0%B6%9C+%E0%B6%AF%E0%B7%94%E0%B6%9A%E0%B7%8A%E0%B7%80%E0%B7%92%E0%B6%B3%E0%B7%92%E0%B6%B1+%E0%B6%B8%E0%B7%99%E0%B6%BB%E0%B6%A7+%E0%B6%9A%E0%B7%8F%E0%B6%B1%E0%B7%8A%E0%B6%AD%E0%B7%8F%E0%B7%80%E0%B6%B1%E0%B7%8A+%E0%B6%B4%E0%B7%92%E0%B6%BB%E0%B7%92%E0%B7%83%E0%B6%9A%E0%B7%8A+%E0%B7%84%E0%B7%92%E0%B6%BB%E0%B7%94+%E0%B6%85%E0%B6%B8%E0%B6%AD%E0%B6%BA%E0%B7%92
මැදපෙරදිග රටවල ගෘහ සේවයට යන මෙරට කාන්තාවන් විවිධ හිංසනයන්ට ලක්ව ඇති අයුරු හිරු ප්‍රවෘත්ති හරහා අප අවස්ථා ගණනාවකදීම අනාවරණය කළා.

මෙහි ආසන්නතම සිදුවීම වාර්තා වන්නේ කළුතර - වස්කඩුව ප්‍රදේශයෙන්.

වයස අවුරුදු 43 ක් වන පුෂ්පා රංජනී කුවේට් රාජ්‍යයේ ගෘහ සේවයට පිටත් වන්නේ මීට වසරකුත් මාස 8 කට පෙරයි.

නිවසක් තනා ගැනීමේ සිහිනය ඇතිව විදෙස් ගතවූ ඇය ඊයේ යළි දිවයිනට පැමිණියේ අතපය වාරු නැති රෝගියෙකු ලෙසින්.

විදේශ සේවා නියුක්ති කාර්යාංශයේ ලියාපදිංචි විදේශ රැකියා ආයතනයකින් ගෘහ සේවයට ගොස් ඇති පුෂ්පා රංජනීට සේවය කළ වසර ගණනට හිමි වැටුප පවා නොලැබුණු බවයි ඇගේ ඥාතීන් හිරු ප්‍රවෘත්ති අංශයට සඳහන් කළේ.

දැඩි ලෙස රෝගාතුරව සිටින ඇය මේ වනවිට කතා බහ කර ගැනීමට පවා අපහසු තත්ත්වයක සිටිනවා.

දිවයිනට පැමිණීමෙන් අනතුරුව කටුනායක ජාත්‍යන්තර ගුවන්තොටුපලේ පිහිටි විදේශ සේවා නියුක්ති කාර්යාංශයේ කාර්යාලයට ගොස් ඇය මේ සම්බන්ධයෙන් දැනුවත් කර තිබුණා.

එහිදී ඔවුන් ලිපියක් ලබා දී ප්‍රකාශ කර ඇත්තේ සෞඛ්‍ය තත්ත්වය යහපත් අතට හැරුණු පසු ඇය පදිංචි ප්‍රදේශය අයත් කළුතර දිස්ත්‍රික්කයේ විදේශ සේවා නියුක්ති කාර්යාංශයේ කාර්යාලය වෙත ගොස් වන්දි ලබා ගන්නා ලෙසයි.

පුෂ්පා රංජනී, මේ වනවිට කළුතර - නාගොඩ රෝහලේ ප්‍රතිකාර ලබන බවයි පවුලේ ඥාතියෙකු හිරු ප්‍රවෘත්ති අංශයට සඳහන් කළේ.

මේ අතර, මැදපෙරදිග ගෘහ සේවය සඳහා ගොස් අසරණ වූ කාන්තාවන් රැසක් හිරු ප්‍රවෘත්ති අංශය අමතා ප්‍රකාශ කළේ වගකිව යුතු බලධාරින්ගේ අවධානයට යොමුකර කෙසේ හෝ ඔවුන් මෙරටට ගෙන්වා ගන්නා ලෙසයි.